Joshua 5
5
Bantu bacisi mbubakayoowa ba-Israyeli
1 #
My 13:29; Kul 15:14; Int 48:6; Ezk 21:7; 1 Bam 10:5 Lino bami boonse baba-Amori ibakali mutala lya-Jordano kumbo, abami boonse baba-Kanana ibakali kumbali alwizi, nibakamvwa Jehova mbwaakayuminizya maanzi aa-Jordano kubusyu bwabana ba-Israyeli ciindi eciya nibakazubuka, myoyo yabo yakayaaya, katacikwe bukozu mulimbabo nkaambo kabana ba-Israyeli.
Ba-Israyeli mbubakapalulwa
2 #
Kul 4:25
Kuciindi eco nciconya Jehova wakaambila Joshua kuti, Kolibambila mabwe aabosya, ukapalule lwabili bana ba-Israyeli. 3Mpawo Joshua wakalibambila mabwe aabosya, wakapalula bana ba-Israyeli boonse kucilundu candomo. 4#My 14:29; 26:64; Dt 2:16Lino ncencico Joshua ncaakabapalwida. Bantu boonse ibakazwa ku-Egepita, nkukuti baalumi basilumamba, bakafwa munkanda nibakacili munzila kuzwa ku-Egepita, 5Bantu boonse ibakazwa ku-Egepita bakalipalwidwe, pele bantu ibakazyalilwa munkanda nibakacili munzila teebakaina kupalulwa pe. 6#My 14:28-35; Dt 1:3; Int 95:10; Heb 3:11Nkaambo myaka iili makumi one bana baIsrayeli kabeendeenda munkanda, mane bakamana boonse basilumamba bacisi ibakazwide mu-Egepita, ibakakaka kuswiilila ijwi lya-Jehova. Aba bantu Jehova wakabakonkezya kuti tabakooyoobona nyika eyo Jehova njaakasyomezya bamawisaabo kutupa, nyika iizwide malili abuci, 7#My 14:31Lino bana babo mbaakabusya mucimanga cabo, mbembabo Joshua mbaakapalula, nkaambo kabali basilulomo, ikuti kabatana kubapalula munzila.
8 #
Matl 34:25
Elyo bantu boonse nibakamana kupalulwa, bakakala nkukonya kumalabba nkubakabede mane bakapona. 9#1 Sam 14:6; Lev 18:3; Jos 24:14; Ezk 20:7; 23:3,8Lino Jehova wakaambila Joshua kuti, Buzuba obuno ndamukunkulisizya lusampaulo lwa-Egepita, Nciceeco obo busena ncibwakaambilwa kuti Giligala (nkukuti cikunkulisyo), mbubucaambwa asunu.
Zilyo nzibakalya mucisi cipya
10 #
Kul 12:1-13; My 9:5 Lino ba-Israyeli nibakakede ku-Giligala, bakaiya ipobwe lya-Pasika mubuzuba bwakumi aane bwamwezi, ciindi camangolezya, nkukonya oko kumabanda aa-Jeriko, 11Nkabela ipobwe lya-Pasika nilyakamana, nibwakaca bakatalika kulya micelo yanyika. Bakalya zinkwa zitakwe bumena amaila mayoke mubuzuba obo mbubonya, 12#Kul 16:35Elyo bamane buyo kulya micelo yanyika, nibwakaca alimwi, zilyo zya-Mana zyakaleka kuwa. Bana ba-Israyeli teebakalya limbi Mana, pe, bakaiya micelo yanyika ya-Kanana mwaka oyo.
Joshua mbwaakabona cilengano
13 #
Matl 18:2; Kul 23:23; Zek 1:8; Inc 1:10 Lino Joshua naakali ku-Jeriko, wakatambya meso aakwe kunembo, wakabona muntu uliimvwi kubusyu bwakwe, ulijisi ipanga lisomwedwe mujanza lyakwe, Mpawo Joshua wakaya nkwaakaimvwi, wakamubuzya kuti, Sa uli wesu nanka uli wabasinkondoma? 14#Dan 10:13; 12:1; Ciy 12:7; Matl 17:3; Lev 9:24; My 16:22,45Wakati, Pe, ndeza lino mbuli silutwe wamakamu aa-Jehova. Elyo Joshua wakavundama ansi, wakakomba, wakamubuzya kuti, Ino mwami wangu ujisinzi cakwaambila ndime ndemulanda wako? 15#Kul 3:5; 19:10,13; Lev 19:2; 1 Sam 2:2; 1 Mak 16:25,29; Int 22:3; 29:2; Is 6:3; Inc 7:33; Ciy 4:8; 15:4Silutwe wamakamu aa-Jehova wakaambila Joshua kuti, Samununa insangu zyako kumaulu aako, nkaambo awa mpoimvwi alasalalisya. Mpawo Joshua wakacita obo.
Currently Selected:
Joshua 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
