Popular Bible Verses from Joshua 6

Share

Elyo Jehova wakaambila Joshua kuti, Bona! Jeriko amwami wawo abaalumi basintaze bawo, boonse ndabaaba mumaanza aako

Lino ciindi ncibati sibe myeembo ciindi cilamfu, mwa-mvwa buyo ijwi lyamweembo, bantu boonse baleelede koompolola loompololo lupati, nkabela mpawo bulambo bwamunzi buzoowida ansi mbumu, kuti bantu banjile buyo manjilanjila.

Lino muleelede kuya buzyunguluka munzi, nubaalumi basilumamba nyoonse, kuzyunguluka munzi lomwe abuzuba, Kamucita obo mazuba aali musanu abumwi.

Nkabela bapaizi bali musanu ababili kabaya bulizya myeembo iili musanu aibili cakusekelela kunembo lyabbokesi lya-Leza, Lino mubuzuba bwamusanu aabili kamuzyunguluka munzi ziindi zili musanu azibili, elyo bapaizi baleelede kusibisya myeembo yabo.

Lino Jeriko kaujalidwe loko nkaambo kabana ba-Israyeli. Katakwe muntu uwakazwa anze, katakwe uwakanjila mukati.

Elyo ciindi camusanu azibili, bapaizi nibakalizya myeembo, Joshua wakaambila bantu kuti, Amoongolole, nkaambo Jehova wamwaabila munzi

Munzi azintu zili mumo, zyoonse buyo zilaba zya-Jehova. Rahabu simamambe alike nguukonzya kupona, walo abantu mbali abo muŋanda, nkaambo wakasisa batumwa mbutwakatuma.