Joshua 7
7
Kubisya kwa-Akani
1 #
Jos 22:20
Pele bana ba-Israyeli bakabisya kumakani aazisaalo zitondwa. Nkaambo Akani mwana wa-Karimi mwana wa-Zabidi mwana wa-Zera, muntu wamusyobo wa-Juda, wakalibwezela cintu citonda. Elyo bukali bwa-Jehova bwakabuka kubana ba-Israyeli.
2Lino kuzwa ku-Jeriko Joshua wakatuma bantu ku-Ai, kumbali lya-Betiaveni kujwe lya-Beteli, wakabaambila kuti, Kamuya kuyoolanga-langa nyika, Mpawo bantu abo bakaya kuyoolanga Ai. 3Nkabela nibakaboola kuli-Joshua, bakamwaambila kuti, Batainki bantu boonse pe, Kuye bantu bali zyuulu zyobile na zyuulu zyotatwe buyo kuyoolwisya Ai. Utakataazyi bantu boonse kuya nkuko, nkaambo bana-Ai mbace. 4#Lev 26:17; Dt 28:25; 32:30; Is 30:17; 59:2Elyo kwakasalwa bantu bali mbuli zyuulu zyotatwe, bakainka nkuko, pele bakacija kuzwa kubana-Ai. 5#Jos 2:9,11; Lev 26:36; Int 22:14Nkabela bana-Ai bakajaya bamwi babo, kabali mbuli makumi otatwe amusanu aumwi. Bakali kuya bubatanda kuzwa kumulyango mane kusikila ku-Sebarimu, elyo bakabajaya kumaselukilo, Lino myoyo yabantu yakayaaya, yakaba mbuli maanzi.
6 #
Matl 37:29; My 14:5,6; 2 Sam 13:31; Ezr 9:3-5; Es 4:1; Job 1:20; Inc 14:14; 1 Sam 4:12; 2 Sam 1:2; 13:19; Neh 9:1; Job 2:12 Mpawo Joshua wakadeluula zyakusama zyakwe, wakaliwaala ansi cakuvundaama kunembo lyabbokesi lya-Jehova. Kakede oko mane kusikila kumangolezya, walo abapati ba-Israyeli, alimwi bakabika ivu amitwe yabo, 7#Kul 5:22; 2 Bam 3:10Nkabela Joshua wakati, Maawe, Mwami Jehova! Ino nkaambonzi nowazubula bantu aba ku-Jordano? Sa nkokuti ulayanda kutwaabila mumaanza aaba-Amori, kuti batunyonyoone? Nitwakalamwa kukala kutala lyaJordano! 8O Mwami wangu, ngambe buti? Ba-Israyeli bafutatila basinkondonyina. 9#Int 83:4; Kul 32:12; My 14:13Lino ba-Kanana abantu boonse bamunyika nibayoomvwa, bayootuzyunguluka akutunyonyweda izina lyesu ansi ano, Ayebo uyoocitila buti izina lyako ipati?
10Elyo Jehova wakaambila Joshua kuti, Buka, Nkaambonzi novundeme obo ansi? 11#Jos 6:17; Inc 5:1Ba-Israyeli babisya, basotoka cizuminano cangu ncindakabalailila, nkaambo balibwezela cisaalo citondwa, alimwi babba, baupaupa ameso, akucibika akati kambono zyabo beni, 12#My 14:45; Bab 2:14; Dt 7:26; Jos 6:18Nciceeco bana ba-Israyeli ncibabulila inguzu zyabukozu kumeso aabasinkondonyina. Nciceeco ncibafutatilila basinkondonyina. Bali acintu citondwa. Lino nsikooyooba anywe limbi, cita mukanyonyoone eco cintu citonda cili akati kanu, 13#Kul 19:10; Jos 3:5Buka, ukasalazye bantu. Kobaambila kuti, Amulisalazye akulibambila junza, nkaambo Jehova Leza wa-Israyeli wati, Cintu citondwa mpocili akati kanu nuba-Israyeli, Tamukonzyi kuba anguzu zyabukozu kumeso aabasinkondonyo mane mugwisye eco cintu citondwa cili akati kanu. 14#1 Sam 10:19-21; 14:41,42; Tus 16:33; Joh 1:7; Inc 1:24-26Lino cifumo mulaswena afwiifwi mumisyobo yanu, alimwi oyo musyobo uuti jatwe acisolo ulaswena afwiifwi mumikowa yawo, alimwi mukowa Jehova ngwati jate acisolo ulaswena afwiifwi muziinga zyawo, nkabela ciinga Jehova ncati jate acisolo cilaswena afwiifwi muntu umwi umwi, 15#1 Sam 14:38,39; Matl 34:7; Bab 20:6Elyo oyo muntu uuti jatwe uuli acintu citondwa uyootentwa mumulilo, walo azyoonse nzyajisi, nkaambo wasotoka cizuminano ca-Jehova, alimwi wacita bufubafuba muIsrayeli.
16Lino nibwakaca, Joshua wakafuma, wakaswenya ba-Israyeli mumisyobo yabo, nkabela musyobo wa-Juda nguwakajatwa, 17Lino naakaswenya mikowa ya-Juda, wakajata mukowa wa-Azari, alimwi naakaswenya mukowa waAzari ciinga comwe comwe, Zabidi nguwakajatwa, 18#Matl 4:7; My 32:23; Tus 13:21; Jer 2:26; Inc 5:1-10elyo wakaswenya ciinga cakwe muntu umwi umwi, nkabela Akani mwana wa-Karimi mwana wa-Zabidi mwana wa-Zera, muntu wamusyobo wa-Juda nguwakajatwa. 19#1 Sam 6:5; Jer 13:16; Joh 9:24; My 5:6,7; 2 Mak 30:22; Int 51:3; Dan 9:4Mpawo Joshua wakaambila Akani kuti, Mwanaangu, lemeka Jehova Leza wa-Israyeli, akulyaamba kulinguwe. Kondaambila ncowakacita. Utandisisili cintu niciba comwe. 20Elyo Akani wakavwiila Joshua, wakati, Ncobeni ndabisizya Jehova Leza wa-Israyeli. Mbuboobu mbundakacita. 21#Kul 20:17; 1 Bam 21:1; 2 Bam 5:20-27; Tus 15:27; Hab 2:9; Lk 12:15; Rom 7:7,8; Ef 5:5; 1 Tim 6:10Akati kazisaalo ndakabona cikobela cibotu camabala mabala, amasyekeli ZI aansiliva aali myaanda yobile, acikoto cangolida cili abulemu bwamasyekeli aali makumi osanwe. Elyo ndakali kuzyeemuzya, ndakazibweza. Mpozili. Zilisisidwe muvu mukati kacilao cangu, ayalo insiliva mpiili kunsi, 22Lino Joshua wakatuma batumwa, nkabela bakafwambaana kuya kucilao cakwe, bakajana kuti cilisisidwe mumonya mucilao, ayalo insiliva mpiili kunsi. 23Mpawo bakazigwisya mucilao, bakazitola kuli-Joshua akubana ba-Israyeli boonse, bakazitula kumeso aa-Jehova. 24#Jos 15:7Lino Joshua abana ba-Israyeli boonse bakatola oyo Akani mwana wa-Zera, ansiliva acikobela acikoto cangolida, abana bakwe balombe abana bakwe basimbi, aŋombe zyakwe ambongolo zyakwe ambelele zyakwe acilao cakwe azyoonse nzyaakajisi, bakamutola kumumpata wa-Akori. 25#Jos 6:18; 1 Bam 18:17; 1 Mak 2:7; Gal 5:12; Dt 17:5Mpawo Joshua wakati, Ino watupenzezyanzi? Jehova uti kupenzye ayebo buzuba obuno. Lino baIsrayeli boonse bakamufusa mabwe, Bakabatenta mumulilo akubafusa mabwe. 26#Jos 8:29; 2 Sam 18:17; Malo 3:53; Dt 13:17; 2 Sam 21:14; Is 65:10; Hos 2:15Nkabela atala lyakwe bakalundika cilwi cipati camabwe. Mpocicili asunu, Elyo Jehova wakaleka bukali bwakwe bupati, Nciceeco obo busena ncibwaambwa kuti Mumpata wa-Akori (nkukuti wamapenzi), mbubucaambwa asunu.
Currently Selected:
Joshua 7: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
