Joshua 4
4
Mbubakabika ciibalusyo camabwe
1 #
Dt 27:2; Jos 3:17 Elyo bantu boonse nibakamana kuzubuka Jordano, Jehova wakaambila Joshua kuti, 2#My 13:2; 34:18; Dt 1:23; Jos 1:4-15; 3:12; 1 Bam 18:31Amulisalile baalumi bali ikumi ababili kuzwa kubantu, omwe omwe kumikowa yoonse, 3mubalailile kuti, Amubweze mabwe aali ikumi aabili aazwa akati ka-Jordano, mpoonya awo mpaakaimvwi maulu aabapaizi, mwaatolelezye akuyooabika nkukonya nkumuyoolala sunu.
4Mpawo Joshua wakaita baalumi bali ikumi ababili mbaakabambide kuzwa kubana ba-Israyeli, omwe omwe kumikowa yoonse, 5Wakabaambila kuti, Amwiinde kunembo lyabbekesi lya-Jehova Leza wanu kusika akati ka-Jordano, mubweze umwi aumwi ibbwe aciwezo cakwe, abe mbubonya mbuli mweelwe wamikowa yabana ba-Israyeli, 6#Kul 12:26; 13:14; Dt 6:20; Int 44:1; 78:3-6; Is 38:16kuti cikabe citondezyo akati kanu, Lino bana banu nibayoomubuzya kuti, Ino aya mabwe alaambanzi? 7#Jos 3:13; Kul 12:14; My 16:40; 1 Kor 11:24muyoobapandulwida kuti, Mpoonya awa maanzi aa-Jordano mpaakatimbuka kubusyu bwabbokesi lyacizuminano ca-Jehova, ciindi eciya nilyakazubuka jordano amaanzi aa-Jordano naakatimbuka. Aya mabwe ayooba ciibalusyo kubana ba-Israyeli mazuba oonse.
8Lino bana ba-Israyeli bakacita mbubonya mbwaakabalailila Joshua. Bakabweza mabwe aali ikumi aabili aazwa akati ka-Jordano, mbuli Jehova mbwaakalailila Joshua, mbuli mweelwe wamikowa yabana ba-Israyeli, bakazubuka awo akwaatolelezya nkubakaakulala, bakaabamba nkukonya. 9#Matl 28:18; Jos 24:27; 1 Sam 7:12Alimwi Joshua wakaimika mabwe aali ikumi aabili akati ka-Jordano mpoonya awo mpozyakaimvwi zituta zyabapaizi basikuyumuna ibbokesi lyacizuminano, nkabela mpaacili akusikila sunu, 10Elyo bapaizi basikuyumuna ibbokesi bakaliimvwi akati ka-Jordano mane zintu zyoonse nizyakamana Jehova nzyaakalailila Joshua kuti aambile bantu, mbubonya Musa mbwaakalailila Joshua. Nkabela bantu bakafwambaana kuzubuka. 11Lino bantu boonse nibakamana kuzubuka, alyalo ibbokesi lya-Jehova lyakazubuka abapaizi kumeso aabantu.
12 #
My 32:20
Nkabela bana ba-Rubeni abana ba-Gadi acisela camukowa wa-Manase boonse bakazubuka azilwisyo zyabo kunembo lyabana ba-Israyeli, mbubonya Musa mbwaakabalailila. 13Kwakazubuka basilumamba bali mbuli zyuulu zili makumi one kubusyu bwa-Jehova, boonse kabalibambide kulwa, bakaya kumabanda aa-Jeriko. 14#Jos 3:7; 1 Sam 2:30; 1 Mak 29:12,25; 2 Mak 1:1; 32:23Mubuzuba obo Jehova wakalemya Joshua mumeso aaba-Israyeli boonse, nkabela bakamuyoowa mbubonya mbubakali kuyoowa Musa mazuba oonse aabuumi bwakwe.
Ba-Israyeli mbubakaakukala ku-Giligala
15Mpawo Jehova wakaambila Joshua kuti, 16#Kul 25:16; Ciy 11:19; Jos 3:15Lailila bapaizi basikuyumuna ibbokesi lyabukamboni kuti bazwe mu-Jordano. 17Lino Joshua wakalailila bapaizi kuti, Amuzwe mu-Jordano. 18Mpawo bapaizi basikuyumuna ibbokesi lyacizuminano ca-Jehova, mbubakamana buyo kuzwa mukati ka-Jordano, andyato zyamaulu aabapaizi mbuzyakaampa buyo nyika injumu, maanzi aa-Jordano akaboola mpaakabede, akapaya munkomwe zyawo moonse mbubonya mbaakali kupaya kukutaanguna,
19 #
Jos 5:9; 15:7; 1 Sam 11:14,15; Am 4:4; 5:5; Mik 6:5 Aboobo bantu bakazwa ku-Jordano mubuzuba bwakumi bwamwezi mutaanzi, Nkabela bakayaka zilao zyabo ku-Giligala kujwe kubambene a-Jeriko, 20Amabwe ayo aali ikumi aabili ngebakagwisya mu-Jordano, Joshua wakaaimikizya nkukonya ku-Giligala. 21Wakaambila bana ba-Israyeli kuti, Bana banu nibayoomubuzya junza kuti, Ino mabwe aya alaambanzi? 22elyo muleelede kuzibya bana banu kuti, Mpoonya awa ba-Israyeli mpobakazubukila Jordano maanzi naakayuminina. 23#Kul 14:21; Neh 9:11; Int 77:16,19; 78:13; Is 43:16; 63:12Nkaambo Jehova Leza wanu wakayuminizya maanzi aa-Jordano kumeso aanu mane mwakazubuka, Mbubonya obo Jehova Leza wanu mbwaakacitila Lwizi Lusalala, nkaambo alwalo wakaluyuminizya mane mwakamana kuzubuka, 24#Kul 9:16; Dt 28:10; 1 Sam 17:46; 1 Bam 8:42; 2 Bam 5:15; 19:19; Int 89:7; 106:8; Jer 32:40; Dan 3:26-29; Kul 15:16; 1 Mak 29:12; Kul 14:31; Dt 6:2; Int 76:6-8; Jer 10:7Aya akacitwa kuti misyobo yoonse yaansi izibe kuti ijanza lya-Jehova lili anguzu, kuti bantu bayoowe Jehova Leza wanu mazuba oonse.
Currently Selected:
Joshua 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
