Joshua 3
3
Ba-Israyeli mbubakazubuka Jordano
1 #
My 25:1; 33:49; Jos 2:1 Lino cifumofumo Joshua naakabuka, bakalonga kuzwa ku-Sitimu akusika ku-Jordano, walo abana ba-Israyeli boonse, bakoona nkuko kabatana kuzubuka, 2#Jos 1:10,11Lino nikwakamana mazuba otatwe, basilutwe bakainda koonse koonse akati kazilao, 3#My 10:33; Dt 31:9bakalailila bantu kuti, Mwabona buyo ibbokesi lyacizuminano ca-Jehova Leza wanu, abapaizi ba-Levi bacibwezede, elyo anywebo amutalike kweenda, mulitobele. 4#Kul 19:12; Dt 28:58; 1 Mak 16:30; Int 2:11; 96:9; Heb 12:28Pele amweende kulekule kulindilyo, kusyaale intaamu zili cuulu, mutasweni kufwaafwi kulindilyo pe, kuti muzibe inzila njimuti tole, nkaambo tamuna kwiinda munzila eyi pe.
5 #
Kul 10:10; Lev 20:7; My 11:18; Jos 7:13; 1 Sam 16:5; Joel 2:16 Nkabela Joshua wakaambila bantu kuti, Amulisalazye, nkaambo junza Jehova uyoocita malele akati kanu. 6#My 4:15Alimwi Joshua wakaambila bapaizi kuti, Amubweze ibbokesi lyacizuminano, muzubuke kunembo lyabantu. Elyo bakabweza ibbokesi lyacizuminano akuya kunembo lyabantu. 7#Jos 4:14; 1 Mak 29:25; 2 Mak 1:1Nkabela Jehova wakaambila Joshua kuti, Buzuba obuno ndatalika kukulemya mumeso aaba-Israyeli boonse, bazibe kuti mbuli mbundakali a-Musa njooba ayebo mbubonya, 8Lino uleelede kulailila bapaizi bayumuna ibbokesi lyacizuminano kuti, Mwasika buyo kumaanzi aamu-Jordano, amwiime mumonya mu-Jordano.
9Elyo Joshua wakaambila bana ba-Israyeli kuti, Amuswene okuno, muswiilile majwi aa-Jehova Leza wanu, 10#Dt 5:26; 1 Sam 17:26; 2 Bam 19:4; Hos 1:10; Mt 16:16; 1 Tes 1:9; Kul 33:2; Dt 7:1; Int 44:2Joshua wakati, Mbuboobo mbumuti zibe kuti Leza muumi mpali akati kanu, alimwi kuti ncobeni uyoomutandila ba-Kanana aba-Hiti aba-Hivi, ba-Perizi aba-Girigasi, ba-Amori aba-Jebusi, 11#Int 24:1; Job 41:11; Mik 4:13; Zek 4:14; 6:5Amubone! Ibbokesi lyacizuminano ca-Mwami wanyika yoonse lilazubuka Jordano kunembo lyanu. 12#Jos 4:2Lino amulisalile bantu bali ikumi ababili kuzwa kumikowa ya-Israyeli, muntu omwe omwe kumikowa yoonse, 13#Kul 15:8; Int 78:13; 114:3; Hab 3:15Nkabela indyato zyamaulu aabapaizi, basikuyumuna ibbokesi lya-Jehova Mwami wanyika yoonse, zyatompa buyo mumaanzi aa-Jordano, ndilyonya maanzi aa-Jordano ayootimbuka. Maanzi aazwida ajulu ayooimikila akulilundika cilwi,
14 #
Kul 25:10; 26:30; My 10:3; 2 Mak 6:41; Int 132:8; Inc 7:45; Heb 9:4 Lino bantu bakalonga kuzwa kuzilao zyabo kuyoozubuka Jordano, abalo bapaizi basikuyumuna ibbokesi lyacizuminano bakaya kunembo lyabantu. 15#1 Mak 12:15; Jer 12:5; 49:19; Jos 4:18; 5:10,12Nkabela basikuyumuna ibbokesi nibakasika ku-Jordano, indyato zyamaulu aabapaizi babwezede ibbokesi mbuzyakatompa buyo mumaanzi, (nkaambo mulonga wa-Jordano ulapaya moonse munkomwe zyawo ciindi coonse cakutebula), 16#1 Bam 4:12; 7:46; Dt 3:17; Matl 14:3; My 34:3ndilyonya maanzi aazwa kujulu akaimikila akulilundika cilwi kule loko ku-Adamu, munzi uuli kumbali ku-Zaretani, amaanzi aakali kuya kulwizi lwa-Araba, nkukuti lwizi lwamunyo, akatimbuka, akamana, aboobo bantu bakazubukila mpoonya awo aalangene a-Jeriko, 17#Kul 14:29; Heb 11:29Nkabela bapaizi basikuyumuna ibbokesi lyacizuminano ca-Jehova bakaimikila anyika injumu mukati kamulonga, aba-Israyeli boonse bakainda anyika injumu mane bantu boonse bamaninina kuzubuka Jordano.
Currently Selected:
Joshua 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
