Jeremiya 31
31
1Kuciindi eco, mbwaamba Jehova, njooba Leza wamikowa yoonse ya-Israyeli, abalo bayooba bantu bangu.
2 #
My 10:33
Mbuboobu mbwaamba Jehova. Bantu ibakaloboka kuzwa kupanga bakajana luzyalo munkanda. Israyeli naakali kusukama kulyokezya, 3#Mal 1:2; Dt 11:28Jehova wakalibonya kuzwa kule, wati, Ndakuyandisya aluyando lutamani, aboobo nsina kuleka kukufwida luzyalo. 4Njookuyakulula alimwi, ncobeni uyooyakwa, O mwana musimbi wa-Israyeli. Uyoolisakatizya alimwi atunyeele akuya buzyana abaabo basekelela. 5#Is 65:21; Am 9:14Uyoozikila alimwi myuunda yamasaansa atala azilundu zyaku-Samariya. Basikuzikila bayoozikila akulya micelo yayo. 6#Is 2:3; Mik 4:12Nkaambo kuyooba buzuba abumwi balindizi nibayookwiila mutulundulundu twa-Efraimu kuti, Amubuke, tuye ku-Zioni kuli-Jehova Leza wesu,
7 #
Is 12:5
Nkaambo mbuboobu mbwaamba Jehova. Amwiimbisye nkaambo kaJakobo, amukondwe akusekelela nkaambo kasilutwe wazisi. Amulwiide bantu makani cakutembaula, amwaambe kuti, Jehova wafutula bantu bakwe, ba-Israyeli basyeede. 8#Ezk 34:13Amubone! Ndabaleta kuzwa kucisi cakunyika. Ndababunganya kuzwa kumagolelo aaluwa. Bayooletelela boofu abalema, baminsi abatumbu boonse antoomwe. Kuyooboola okuno inkamu impati. 9#Int 126:5; Jer 50:14; Is 49:10; 63:16; Kul 4:22; Dt 32:6; 1 Mak 29:10; Jer 3:4,19Bakainka bulila, pele njoobaboozya aluumuno. Njoobeenzya kumbali atulonga twamaanzi, munzila iiluleme mobatakonzyi kulebwa, nkaambo ndime wisi Israyeli, a-Efraimu ngumwanaangu mutaanzi.
10 #
Is 40:11
Amuswiilile ijwi lya-Jehova nubamasi. Amulwiide bantu makani amunyika zyakunkomwe yalwizi zili kule, Amwaambe kuti, Oyo iwakamwaisya ba-Israyeli ngonguwe uuyoobaboozya. Uyoobabamba mbubonya mbuli mweembeli mbwabamba butanga bwakwe. 11#Is 44:23; 49:24Nkaambo Jehova ulinunwide Jakobo akumuvuna mumaanza aayooyo uumwiinda munguzu. 12#Hos 3:5; Ciy 7:17; 21:4; Is 58:11; 35:10Nkabela bayooboola bwiimba kucilundu ca-Zioni, bayoosekelela bubotu bwa-Jehova, nkaambo kamaila awaini amafuta, abana bambelele abaŋombe. Buumi bwabo buyooba mbuli muunda wamusyu; tabakooyoousa limbi. 13Lino basimbi bayookondwa akuzyana, abasankwasankwa abapati boonse bayoosekelela, Njoosandula kulila kwabo kuba lukondo, njoobaumbulizya akubapa lusekelelo mucibaka camapenzi. 14Njookutya myoyo yabapaizi zinono, abantu bangu bayoolamwa mububotu bwangu, mhwaamba Jehova.
15 #
Matl 35:16-19; Mt 2:18; Jos 18:25; Job 7:21; Malo 5:7 Mbuboobu mbwaamba Jehova. Kwamvwigwa ijwi ku-Rama, kulila akweema kupati. Ngu-Rakele uulila bana bakwe, Wakaka kuumuzigwa, nkaambo tabaciwo.
16 #
Ezk 11:17,18; Hos 1:11 Mbuboobu mbwaamba Jehova. Leka kulila kwako, sindula misozi iili kumeso aako, nkaambo milimo yako iyoolumbulwa, mbwaamba Jehova. Bayooboola alimwi kuzwa kunyika yabasinkondonyina. 17Ulijisi coolwe ncokonzya kulangila kumamanino, mbwaamba Jehova. Bana bako bayooboola kulimbabo. 18#Int 85:4; Jer 17:14; Malo 5:21Ncobeni ndamvwa Efraimu mbwalila-lila. Wati, Wandikoma, ee, ndakakomwa mbuli moombe uutana kutambisigwa. Kondipilusya, nkapiluke, nkaambo nduwe Jehova Leza wangu. 19#Dt 30:2Nkaambo nindakamana kuleya, ndakeempwa. Nindakamana kulayigwa, ndakalyuuma acamba. Ndakafwa insoni, ndakafwa bweeme, nkaambo ndakalemenwa lusampauko lwabwanike bwangu. 20#Is 63:15; 57:18; Hos 11:8; 14:4; Mik 7:18Ma! Sa Efraimu ngumwanaangu uuyandika? Sa ngumwana uubotezya? Kufumbwa ciindi niŋamba anguwe, ncobeni ncimuyeeya loko. Moyo wangu ulasukama loko, Ncobeni njoomufwida luzyalo, mbwaamba Jehova.
21 #
Jer 50:5
Amulibikile zitondezyo munzila, amukwame impa, mukayeeye mugwagwa, inzila eyo njiyonya njimwakaleta, Piluka, O mwana musimbi waIsrayeli, piluka okuno kuminzi yako. 22#Jer 2:18; 3:6; Hos 4:16Uyooleka lili kuleyauka, O mwana musimbi uutasyomeki, Bona! Jehova walenga cintu cipya ansi! M wanakazi buyo wajata inguzu mbuli mwaalumi!
23 #
Int 122:5; Is 1:26; Zek 8:3 Mbuboobu mbwaamba Jehova wamakamu Leza wa-Israyeli, Ninzoobaboozezya coolwe, lino munyika ya-Juda amuminzi yayo bayoobelesya alimwi ijwi eli lyakuti, Jehova akupe coolwe, O cikalilo cabululami, O cilundu cisalala! 24Ba-Juda aminzi yabo yoonse bayookala nkuko boonse antoomwe, abalo balimi abasikweendeenda baya bweembela matanga aabo. 25Nkaambo njookatalusya moyo uukatede, ayooyo uusa njoomulamya.
26Mpawo ndakasinsimuka, ndakabona, nkabela ŋozi zyangu zyakandibotela.
Muntu takoopenzegwa nkaambo kazibi zyawisi
27 #
Hos 2:23
Amubone! Mumazuba aaboola, mbwaamba Jehova, njoobyalila luzubo lwa-Israyeli aluzubo lwa-Juda imbuto zyabantu ambuto zyabanyama. 28#Jer 44:27; 1:10; 24:6; Dan 9:14Nkabela mbubonya mbundakali kubalangilila kukumwaya akukunonkola akukujayilila akukunyonyoona akukupenzya, njoobalangilila kukuyaka akukusimpika, mbwaamba Jehova. 29#Ezk 18:2Mumazuba ayo tabakooyooamba limbi kasimpi kakuti, Bamawisi bakaiya masaansa aapapa, lino meno aabana akaba abuye. 30#Gal 6:5Pe, umwi aumwi uyoofwa nkaambo kamilandu yakwe mwini. Kufumbwa muntu uulya masaansa aapapa, meno aakwe mwini ngaayooba abuye.
Cizuminano cipya
31 #
Jer 32:40; 33:14; Heb 8:8; Mt 26:28; Mk 14:24; Lk 22:20; 1 Kor 11:25; 2 Kor 3:6; Heb 8:8-12 Amubone! Ayoosika mazuba, mbwaamba Jehova, ninzootangana aluzubo lwa-Israyeli aluzubo lwa-Juda cizuminano cipya. 32#Joh 1:17; Dt 1:31Tacikoozooba mbuli cizuminano ncindakatangene abamawisaabo mubuzuba obuya mbundakabajata ajanza kukubapozya kucisi ca-Egepita, nkaambo cizuminano eco bakacimwaya, nekuba kuti ndakababeda mbuli mulumi, mbwaamba Jehova. 33#Jer 32:40; 24:7; 30:22; Int 40:8; 2 Kor 3:3; Heb 10:16Pele cizuminano ncinzootanga abana ba-Israyeli mumazuba aaboola nceeci, mbwaamba Jehova. Nzoobika Mulao wangu mukati kabo, nzooulemba amyoyo yabo, nkabela nzoobabeda Leza wabo, abalo bazoondibeda bantu bangu. 34#Is 54:13; Joh 6:45; 1 Kor 2:10; Jer 33:8; Rom 11:27; Heb 10:17Nkabela tabakooyooiisya umwi aumwi mweenzinyina, aumwi aumwi mwanaakwabo, kuti, Koziba Jehova, nkaambo bazoondiziba boonse buyo, nibaba baniini nibaba bapati, mbwaamba Jehova. Nkaambo nzoobalekelela milandu yabo, azyalo zibi zyabo nsikoozooziibalukwa limbi,
35 #
Matl 1:16; Is 51:15; Jer 10:16 Mbuboobu mbwaamba Jehova, ngonguwe uupa izuba lyakumunika ciindi casikati akubamba inzila yamwezi ayanyenyeezi kuti zimunike masiku, uukopa maanzi aalwizi mane mayuwe aalo avuume — Jehova wamakamu ndizina lyakwe. 36#Int 148:6Na milao yazintu ezi ilakonzya kufwa kumeso aangu, mbwaamba Jehova, lino lunyungu lwa-Israyeli alwalo lulakonzya kuloba akutaciba limbi musyobo kumeso aangu. 37#Jer 33:22Mbuboobu mbwaamba Jehova. Na cakonzeka kweeleka bulamfu bwakujulu nanka kulingula-lingula matalisyo aanyika yaansi, lino ambebo njoosowelela inyungu zyoonse zya-Israyeli nkaambo kazibi zyoonse nzibakacita, mbwaamba Jehova.
38 #
Neh 3:1; Int 69:35; Jer 24:6; Dan 9:25 Mumazuba aaboola, mbwaamba Jehova, munzi uyooyakulwidwa Jehova kuzwa kungazi ya-Hananeli kusikila kumulyango wakucooko. 39#Zek 2:1Alimwi intambo yakweelesya inoociya kunembo mane kusikila kucilundu ca-Garebi, elyo kuzwa oko iyoopiluka ku-Goa. 40#2 Mak 23:15; Neh 3:28; Joel 3:17Nkabela ikuti lyoonse lyamitunta, atwe, amyuunda yoonse mane kusikila kukalonga ka-Kedroni akusikila kucooko ca-Mulyango wambizi wakujwe, zyoonse buyo ziyoosalala kuli-Jehova, Tazikooyoononkolwa nikuba kunyonyoonwa limbi mane kukabe kutamani.
Currently Selected:
Jeremiya 31: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
