Jeremiya 32
32
Jeremiya mbwaakaula muunda wa-Hanameli
1 #
Jer 39:1; 2 Bam 25:1-7 Ngaaya makani aakasika kuli-Jeremiya kuzwa kuli-Jehova mumwaka wakumi wabwami bwa-Zedekiya mwami wa-Juda, nkukuti mwaka wakumi amusanu aitatu wa-Nebukadinezara. 2#Neh 3:25; Mt 5:12; Jer 33:1; 37:21Kuciindi eco basilumamba bamwami wa-Babuloni bakali kusinkinizya Jerusalemu, nkabela Jeremiya kaangidwe mulubanza lwabalindizi luli muŋanda yamwami wa-Juda. 3#Jer 21:4-7Nkaambo Zedekiya mwami wa-Juda nguwakamwaangide, nkaambo wakati, Ino nkaambonzi wasinsima makani aya? Wati, Mbuboobu mbwaamba Jehova: Ndaaba munzi uno mumaanza aamwami wa-Babuloni kuti auzunde, 4#2 Bam 25:4-7; Jer 39:5; 52:9alakwe Zedekiya mwami wa-Juda takooyooloboka kuzwa kumaanza aabaKasidi, pele ncobeni uyooabwa mumaanza aamwami wa-Babuloni, uyooambaula awe mulomo kumulomo akubonana awe meso kumeso. 5#Jer 27:22; 21:4; Tus 21:30Elyo uyootola Zedekiya ku-Babuloni, nkabela uyoosyaala nkukonya oko mane lumwi nkamuswaye, mbwaamba Jehova. Nekuba kuti mwalwisya baKasidi, tamukooyoozunda pe.
6Lino Jeremiya wakati, Ijwi lya-Jehova lyandisikila liti, 7#Lev 25:24-32; Rut 4:4Bona! Hanameli mwana wa-Salumu simizyaako uleza kulinduwe, ulati, Ula muunda wangu uuli ku-Anatotu, nkaambo ceelelo cakuunununa acakuuvuba ncicako. 8#Jer 1:1Lino Hanameli mwana wasimizyeesu wakeza kulindime, mbubonya mbuli Jehova mbwaakaamba, mulubanza lwabalindizi mondakabede, wakandaambila kuti, Koula muunda wangu uuli mu-Anatotu mucisi caBenjamini, nkaambo nduwe uujisi ceelelo cakuuvuba, nduwe uuelede kuunununa. Kolyuulila. Mpawo ndakaziba kuti aya makani azwa kuli-Jehova. 9#Matl 23:16Nkabela ndakaula muunda oyo waku-Anatotu kuli-Hanameli mwana wasimizyeesu. Ndakamupimina mali, masyekeli aansiliva aali ikumi amusanu aabili. 10#Is 8:2Ndakalemba makani mubbuku, ndanamatizya, ndaita bakamboni, akupima bulemu bwansiliva azyeelekelo. 11Elyo ndakabweza lugwalo lwacizibisyo camuulo, lwakalembedwe makani ngetwakazuminana, lugwalo lunamatikid we alugwalo lutanamatikidwe loonse, 12#Jer 36:4nkabela olo lugwalo lwamuulo ndakalupa Baruki mwana wa-Neriya mwana wa-Maseya mumeso aa-Hanameli mwana wasimizyeesu amumeso aabakamboni ibakalembede mazina aabo mulugwalo lwamuulo amumeso aabaJuda boonse ibakakede mulubanza lwabalindizi. 13Ndakalailila Baruki mumatwi aabo, ndati, 14Mbuboobu mbwaamba Jehova wamakamu Leza wa-Israyeli. Tambula aya magwalo, lugwalo lwamuulo lunamatikidwe aloolo lutanamatikidwe loonse, ukaabike mucipali cabulongo, kuti akale mazuba manji. 15Nkaambo mbuboobu mbwaamba Jehova wamakamu Leza wa-Israyeli. Maanda amyuunda ambeu zyamasaansa, zyoonse buyo ziyooulwa alimwi munyika ino.
Cikombyo ca-Jeremiya
16 #
Matl 32:9-12; Dan 9:1; Flp 4:6,7 Lino nindakamana kupa Baruki mwana wa-Neriya olo lugwalo lwamuulo, ndakakomba Jehova, ndati, 17#2 Bam 19:15; Matl 18:14; Zek 8:6; Mt 19:26; Mk 10:27; Lk 1:37; Rom 4:21Akaka Mwami Jehova! Nduwe iwakalenga ijulu anyika yoonse kunguzu zyako ziyoosya akukuboko kwako kutandabede. Taakwe cintu niciba comwe cikukacila. 18#Kul 20:6; Dt 5:9,10; Int 45:3-6; Is 9:6; Tit 2:13; Jer 10:16Nduwe uufwida bantu bali zyuulu zyuulu luzyalo, amilandu yabubi bwabamawisi ulaiboozya amitwe yabana babo bamusule lyabo. Nduwe Leza mupati singuzu, Jehova wamakamu ndizina lyako. 19#Is 28:29; Job 34:21; Int 33:13-15; Tus 5:21; Jer 16:17; 17:10; Int 62:12; Muk 12:14; Mt 16:27; Joh 5:29Indayo zyako zilagambya, amilimo yako mipati loko, Meso aako alabonesya inzila zyoonse zyabana ba-Adamu, aboonse buyo ulabalumbula umwi aumwi bulumbu bweelede inzila zyakwe amicelo yamilimo yakwe. 20#Kul 9:16; 1 Mak 17:21; Is 63:12Nduwe wakabika zitondezyo ziyoosya munyika ya-Egepita, mbubonya mbocicita asunu akati kaba-Israyeli aakati kabantu buyo. 21#Kul 6:6; 2 Sam 7:23Lino wakapozya bantu bako ba-Israyeli kuzwa kunyika yaEgepita azitondezyo amalele, ajanza ijumu akuboko kutandabede, aziyoosyo zipati. 22#Kul 3:8; Jer 11:5Wakabapa nyika ino, nyika njiyonya njowakakonkezya kulibamawisi kubapa, nyika iikunka malili abuci. 23#Neh 9:26; Dan 9:10Bakanjila, bakaivuba, pele taakwe nibakaswiilila ijwi lyako nikuba kweenda mumilao yako, taakwe nibakacita zyoonse nzowakabalailila. Nciceeco ncowabaletela mapenzi aya oonse. 24#Jer 14:12; Jos 23:15Bona! Zitantaala zyakusinkinizya zya sika kumunzi kuti uzundwe. Munzi waabwa mumaanza aaba-Kasidi batulwisya, nkaambo kapanga apamba amalwazi, Caba mbubonya mbuli mbowakaamba. Ncobeni wabona obo. 25Lino, O Mwami Jehova, wandaambila kuti, Ula muunda akwiita bakamboni. Anukuti munzi waabwa kale mumaanza aaba-Kasidi.
Leza mbwaakavwiila Jelemiya
26Mpawo ijwi lya-Jehova lyakasikila Jeremiya, liti, 27#Is 64:8; Int 115:3Bona! Ndime Jehova Leza wabantu boonse! Sa kuli cintu niciba comwe cindikacila.
28 #
2 Bam 25:1-11; 2 Mak 36:17-21 Nkaambo kako mbuboobu mbwaamba Jehova. Ncobeni ndaaba munzi uno mumaanza aaba-Kasidi amumaanza aa-Nebukadinezara mwami waBabuloni kuti auzunde. 29#Jer 21:10; 19:13Ba-Kasidi bali mukulwisya oyu munzi bayoosika, bayootenta munzi mumulilo, nkabela uyoopya, antoomwe amaanda oonse Baala ngaakatentelwa tununkilizyo atala anduli zyao, abaleza bambi nkubakatililwa zipaizyo zyakunywa kuti bandikalazye. 30#Ezk 20:28Nkaambo bana baIsrayeli abana ba-Juda bacita bubi luzutu mumeso aangu mazuba oonse kuzwa kubwanike bwabo. Bana ba-Israyeli bandikalazya buyo amilimo yamaanza aabo, mbwaamba Jehova, 31#Zef 3:1; 2 Bam 23:27Oyu munzi wandikalazya, wandinyemya, mazuba oonse kuzwa kubuzuba bwakuyakwa bwawo mane kusikila kubuzuba obuno, aboobo njanda kuumwaya kumeso aangu, 32#Is 1:4-6; Dan 9:8nkaambo kabubi boonse mbubacitide bana ba-Israyeli abana ba-Juda kukundikalazya, balo abami babo abasilutwe babo abapaizi babo abasinsimi babo, bantu ba-Juda abaabo bakede mu-Jerusalemu, 33#Jer 7:13Bandipa isule, tabana kundipa busyu pe. Nekuba kuti ndakasungwaala kubaiisya, bakakaka kuswiilila nanka kutambula lulayo. 34#Jer 7:30-31; 19:1-6; Ezk 8:5Bakabika zisesemyo zyabo muŋanda iiambwa muzina lyangu aboobo bakaisofwaazya, 35#Lev 18:21; 2 Bam 23:10; Jer 7:31; 19:5Nkabela bakayaka zipaililo zya-Baala mukuti lyamwana wa-Hinomu, kuti bapaizizye Moleki bana babo balombe abasimbi, anukuti mebo nsikwe nindakabalailila obo nikuba kuyeeya kubacitya cisesemyo cili boobo cakubisizya cisi ca-Juda.
36Lino mbuboobu Jehova Leza wa-Israyeli mbwaamba aamunzi oyo ngumwaamba kuti waabwa mumaanza aamwami wa-Babuloni kupanga akupamba akumalwazi. 37#Dt 30:3; Jer 23:6Ncobeni njoobayobolola kuzwa kuzisi zyoonse nkundakabamwaisizye mubukali bwangu amulunyemo lwangu amukubijilwa kwangu kuyoosya, njoobaboozya mpoonya awo akubakalika cakuliiba. 38#Jer 24:7Lino bayooba bantu bangu, ambebo njooba Leza wabo, 39#Ezk 11:19Nkabela njoobapa moyo omwe aciyanza comwe, kuti bandilemeke mazuba oonse, kubote kulimbabo akubana babo baciza musule lyabo, 40#Is 55:3; Jer 31:33Njootangana abo cizuminano citeeli cakutaleka kubacitila kabotu abuniini. Nkabela njoobika buyoofu bwangu mumyoyo yabo kuti bataleki kunditobela, 41#Dt 30:9; Jer 24:6Kubacitila kabotu nceciyoondikonda. Njoobazikila munyika eyi njiyonya cakusyomeka camoyo wangu woonse acamiyeeyo yangu yoonse.
42 #
Jer 31:28
Nkaambo mbuboobu mbwaamba Jehova. Mbubonya mbundakaletela bantu aba mapenzi aya oonse mapati, njoobaletela mbubonya coolwe coonse ncindabasyomezya. 43#Jer 33:10Lino kuyooulwa myuunda munyika ino njiyonya njimwaamba kuti, Matongo buyo, tiijisi bantu nibaba banyama, yaabwa mumaanza aaba-Kasidi. 44#Jer 17:26; 33:7Myuunda iyooulwa amali, aalo magwalo aamuulo ayoolembwa akunamatikwa kumeso aabakamboni baitidwe, munyika ya-Benjamini amumasena aabambene a-Jerusalemu amuminzi ya-Juda amuminzi yanyika yazilundu ayatulundulundu amuminzi ya-Negebi, nkaambo njoolobya buzike bwabo, mbwaamba Jehova.
Currently Selected:
Jeremiya 32: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
