Isaya 62
62
Bulemu bwa-Jerusalemu mupya
1Nkaambo ka-Zioni nsikooyooumuna, nkaambo ka-Jerusalemu nsikooyoolyokezya, mane lumwi bululami bwakwe buboneke mbuli mumuni uubekabeka, alufutuko lwakwe mbuli ilampi liyakisya. 2#Is 65:15; Ciy 3:12Bamasi bayoobona bululami bwako, abami boonse bayoobona bulemu bwako, nkabela uyooulikwa izina lipya lizwa kumulomo wa-Jehova, 3#Zek 9:16Lino uyooba musini wabweebesi mujanza lya-Jehova, ingala yabwami mujanza lya-Leza wako. 4#Hos 1:10; 1 Pet 2:10Tokooyooambwa limbi Uulekedwe, anyika yako tiikooyooambwa limbi Matongo, pe. Uyooambwa izina lya-Muyandwi wangu, anyika yako iyoopegwa izina lya-Uukwetwe, nkaambo Jehova ulakuyandisya, anyika yako iyookwatwa. 5Mbubonya mbuli musankwa mbwakwata nakalindu, sikuyaka wako uyookukwata mbubonya. Mbubonya mbuli sibwiinga mbwakondelwa nabwiinga wakwe, a-Leza wako uyookondelwa nduwe.
6 #
Lwi 3:3; Is 52:8; Ezk 3:17; Heb 13:17 Ndibikide balangizi amalambo aako, O Jerusalemu. Tabakooyooumuna abuniini ciindi coonse isikati amasiku. Inywe numwiibalusya Jehova, mutaumuni, 7#Is 61:11; Zef 3:20mutamuleki muluumuno, mane akasimpikizye Jerusalemu, utembaulwe moonse munyika. 8#Dt 28:31; Jer 5:17Jehova wakonkezya kujanza lyakwe lyalulyo akukuboko kwakwe kuyumu kuti, Ncobeni nsikooyooaba limbi maila aako abe zilyo zyabasinkondonyoko, abazwakule tabakooyoonywa limbi musinza wamisaansa yako njiwakabelekela, 9#Dt 12:12pele basikwaatebula bayoolya ngao cakutembaula Jehova, abasikucela misaansa mbobayooinywa mumbanza zyacikombelo cangu.
10Amwiinde, amwiinde mumilyango, mubambile bantu bangu inzila. Amutuntumike, amutuntumike mitundulu, amugwisye mabwe mumugwagwa, amusumpwide bamasi indembela. 11#Zek 9:9; Mt 21:5; Joh 12:15; Is 40:10; 49:4; Ciy 22:12Ncobeni ngaaya makani Jehova ngaalwiida magolelo oonse aanyika. Amwaambile mwana musimbi wa-Zioni kuti, Bona! Lufutuko lwako lwasika. Uleza abulumbu bwakwe, ankambilizyo yakwe mpiili kubusyu bwakwe, 12Nkabela bayooambwa kuti mbantu basalala, banunwidwe ba-Jehova, Ayebo uyooambwa kuti ulisalidwe, munzi uutasiidwe.
Currently Selected:
Isaya 62: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
