Isaya 63
63
Cilengano ca-Leza Muzundi
1 #
Is 34:5-17; Jer 49:7-22; Ezk 25:12-14; 35:1-15; Am 1:11-12; Ob 1-14; Mal 1:2-5 Ino nguni oyu uuzwa ku-Edomu, uuzwa ku-Bozira azyakusama zisalala pyu? Nguni oyu uuza azikobela zyabulemu, uuya bweenda anguzu zigambya? Ndime uuamba mubululami, uuli anguzu zyakufutula, 2#Ciy 19:13Ino nkaambonzi zyakusama zyako zilasalala pyu? Nkaambonzi zikobela zyako zili mbuli zikobela zyayooyo uulyataula mucisinino camisaansa? 3#Malo 1:15; Mal 4:3; Ciy 14:20; 19:13,15Ndakalyataula mucisinino endike. Katakwe muntu naba omwe akati kabamasi ngundakali awe, Lino ndakabalyataula mubukali bwangu akubakandaula mulunyemo lwangu. Bulowa bwabo bwakasansailwa azikobela zyangu, ndakabisya zyakusama zyangu zyoonse. 4Nkaambo buzuba bwakuliya inkoto buli mumoyo wangu, amwaka walununuko wasika. 5#Joh 16:32; Int 44:3; 98:1; Is 40:10; 51:9; Is 59:16Ndakalanga pele katakwe sikugwasya, ndakagamba pele katakwe sikunditabilila, elyo kuboko kwangu ndemwini kwakandifutula, abukali bwangu mbobwakandiiabilila. 6#Ciy 16:6Ndakalyataula bantu mulunyemo lwangu, ndakabakozya mubukali bwangu, abulowa bwabo ndakabutila ansi.
Ciibalusyo caluzyalo lwa-Jehova lwakalekale
7Nkakanane milimo yaluzyalo njaakacita Jehova, nkatembaule Jehova nkaambo kacoolwe coonse ncatupede abubotu bwakwe bugambya kuluzubo lwa-Israyeli, buuya bwakwe mbwatufwida aluzyalo lwakwe lugambya. 8Wakaamba kuti, Ncobeni mbantu bangu, bana bangu batakonzya kundeena, aboobo wakaba mufutuli wabo. 9#Inc 9:4; 12:11; Kul 14:19; Hos 12:4,5; Mal 3:1; Dt 7:7Mumapenzi aabo oonse wakapenga alakwe, aangelo wakwe nguwakabafutula, Muluyando lwakwe amukweetela kwakwe wakabanununa. Wakababweza akubabbala mazuba oonse aakale. 10#Int 78:8,40; Inc 7:51; Ef 4:30; Heb 10:29Pele bakapapila akupenzya Muuya wakwe uusalala, Nkaambo kako wakasanduka, waba sinkondonyina wabo, wabalwisya mwini. 11Lumwi wakaibalukwa mazuba aakale, makani aa-Musa abantu bakwe. Uli kuli oyo iwakabapozya mulwizi antoomwe amweembeli wambelele zyakwe? Uli kuli oyo iwakabika Muuya wakwe uusalala mukati kabo? 12#Kul 14:21Uli kuli oyo iwakeenda akuboko kwakwe kwabulemu kujanza lyalulyo lya-Musa, oyo iwakakosola maanzi kubusyu bwabo, kutu alijanine impuwo iitamani, 13akubeenzya akati kamaanzi malamfu aalwizi? Bakeenda kabotu mbuli ibbiza munkanda, teebakalifumpula pe. 14Mbubonya mbuli iŋombe ziya mukuti, Muuya wa-Jehova wakabakatalusya, Mbuboobo mbowakeenzya bantu bako, kuti ulijanine izina lyabulemu.
Cikombyo cakukumbila kuti Jehova alimwi afwide bantu bakwe luzyalo
15Sondela kuzwa kujulu, langa kuzwa kucikalilo cako cisalala cabulemu. Buli kuli busungu bwako anguzu zyako? Luyando lwamoyo wako aluzyalo lwako, zyoonse ndazinyanzigwa. 16#Gal 3:28Nkaambo nduwe tateesu, nekuba kuti Abrahamu tatuzi, alakwe Israyeli tatuzuminini. Nduwe tateesu, O Jehova. Munununi wesu wakale ndizina lyako. 17#Int 119:10; Is 6:10; Mt 13:15Nkaambonzi notuleesya kuzwa kunzila zyako, O Jehova? Nkaambonzi noyumya myoyo yesu kuti tutakuyoowi? Boola kuzoogwasya balanda bako, misyobo yabantu mbovubide. 18#Dan 8:24Bantu bako basalala bakavuba cikombelo cako kaindi kaniini buyo, lino basinkondoma besu bacilyataula. 19Twaba mbubonya mbuli abo batana kweendelezegwa nduwe abuniini, bataambwa kuzina lyako.
Currently Selected:
Isaya 63: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
