Isaya 64
64
1Nicakabota niwakaandula ijulu akuseluka ansi. Zilundu nizyakakankama kubusyu bwako! 2Nikwakaba mbubonya mbuli tukuni nitutentwa mumulilo, na mbuli maanzi naaselauka aciko, kuti izina lyako lizibwe kulibasinkondonyoko, kuti bamasi bakankame kubusyu bwako! 3Nowakacita zintu ziyoosya nzitwatakali kulangila, wakaseluka, nkabela zilundu zyakakankama kunembo lyako. 4#Int 31:19; Kol 1:26,27; 1 Tim 3:16; Ciy 21:1-4; 1 Kor 2:9,10Kuzwa kalekale bantu tabanamvwide nikuba kuswiilila, aalo meso aabantu taana kubona, Leza umbi uucita mbocita yebo, uubelekela abo bamulindila. 5#Inc 10:35; Mal 3:6Ulaswanaana ayooyo uubotelwa kucita bululami abaabo bakuyeeya munzila zyabo, Ncobeni wakakalala nitwakabisya. Muzibi zyesu motwakalilila ciindi cilamfu, lino tufutulwe buti? 6#Flp 3:9Toonse twaba mbuli uusofweede. Incito zyesu ziluleme zyoonse zyaba mbuli cisani cisofweede cinunka nsu. Toonse tulapusama mbuli matu, amilandu yesu ilatutola mbuli muuwo. 7#Hos 7:7Taakwe uukwiilila izina lyako, uulibusya kuti akujate, pe. Nkaambo watusisila busyu bwako, watwaaba mumaanza aamilandu yesu. 8#Jer 18:6; Ef 2:10Pele nduwe tateesu, O Jehova, Ndiswe bulongo, nduwe mubumbi wesu. Toonse tuli zilenge zyamaanza aako. 9Utakalali loko, O Jehova; utayeeyi milandu yesu lyoonse akutamani. Langa, utuyeeye, nkaambo tuli bantu bako toonse. 10Minzi yako iisalala yaba inkanda buyo; Zioni waba inkanda, a-Jerusalemu waba matongo. 11#2 Bam 25:9; Int 74:7; Ezk 24:21Iŋanda yesu iisalala injebesi, batateesu mubakali kukutembwiida, yapya mumulilo, amasena esu aayandika oonse aba matongo. 12Sa ulakonzya kulikasya kucita cintu nobona makani aali obo, O Jehova? Sa ulakonzya kuumuna buyo akutupenzya loko?
Currently Selected:
Isaya 64: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
