Popular Bible Verses from Isaya 62

Share

Tokooyooambwa limbi Uulekedwe, anyika yako tiikooyooambwa limbi Matongo, pe. Uyooambwa izina lya-Muyandwi wangu, anyika yako iyoopegwa izina lya-Uukwetwe, nkaambo Jehova ulakuyandisya, anyika yako iyookwatwa.

Ndibikide balangizi amalambo aako, O Jerusalemu. Tabakooyooumuna abuniini ciindi coonse isikati amasiku. Inywe numwiibalusya Jehova, mutaumuni, mutamuleki muluumuno, mane akasimpikizye Jerusalemu, utembaulwe moonse munyika.

Lino uyooba musini wabweebesi mujanza lya-Jehova, ingala yabwami mujanza lya-Leza wako.

Mbubonya mbuli musankwa mbwakwata nakalindu, sikuyaka wako uyookukwata mbubonya. Mbubonya mbuli sibwiinga mbwakondelwa nabwiinga wakwe, a-Leza wako uyookondelwa nduwe.