Isaya 50
50
1 #
Dt 24:1; Hos 2:2; 2 Bam 4:1; Mt 18:25 Mbuboobu mbwaamba Jehova. Luli kuli lugwalo lwakulekana lwabanyoko ndundakamulesyanya alo? Na nguni akati kabasikukolo tesya bangu iwakamuula? Ncobeni nzezibi zyanu nzimwakaulisizigwat amilandu yanu njenjiyo banyoko njibakatandilwa. 2#Tus 1:24; Jer 7:13; Is 65:12; 59:1; Matl 18:14; My 11:23Ino nkaambonz, nindakasika katakwe muntu? Nindakaita, nkaambonzi katakwe iwakavuwa? Sa ijanza lyangu lyafwinsigwa akukacilwa kufutula? Sa ndabula inguzu zyakuvuna? Amubone! Kutapatila kwangu nkokuyuminizya lwizi. Ndasandula milonga kuti ibe inkanda, azyalo inswi zyayo zilanunka nkaambo kakubula maanzi, anyota ilazijaya. 3Ndasamika ijulu cikobela cisia mbi akulivumbya zisani zyamasaka.
Lusyomo lwamulanda wa-Jehova
4 #
Kul 4:11; Mt 7:29; Mk 6:7; Lk 4:22,32; Mt 11:28 Mwami Jehova wandipa lulimi lwabaiyide, kuti nzibe kwaamba majwi aakugwasya bakateede. Ulandibusya cifumo acifumo, ulabusya matwi aangu kuti nswiilile mbubaswiilila basikwiiya. 5#Mt 26:39; Flp 2:8; Heb 10:5Mwami Jehova wandijulila matwi, nkabela mebo teendakakaka nikuba kupiluka musule. 6#Mt 26:67; 5:39; Malo 3:30; Mik 5:1; Mk 14:65Ndakaabila basikuuma musana wangu, amaseya aangu ndakaabila basikunonkola malezu. Nsikwe kusisa busyu bwangu kubweeme akukuswidwa maate. 7#Rom 8:31; Ezk 3:8,9Mwami Jehova nguundigwasya. Nkaambo kako nsina kufwisigwa bweeme. Busyu bwangu ndabuyumya nta mbuli ibbwe. Ndizi kuti nsikooyoofwa insoni. 8#Rom 8:33-34; 1 Kor 4:4Uli kufwaafwi uundilulamika. Nguni uukonzya kundikazyanya? Atunyampuke toonse antoomwe, Nguni sinkondoma? Aswene afwaafwi nkumbede. 9#Job 13:28; Int 39:11; Heb 1:11,12Mwami Jehova nguundigwasya. Nguni uukonzya kundipa mulandu? Ncobeni boonse bayoocekula mbuli cikobela ciligwa mapempya.
10 #
2 Mak 20:20
Nguni akati kanu uuyoowa Jehova akuswiilila ijwi lyamulanda wakwe? Nguni uuenda mumudima akubula mumuni, nekubaboobo ulasyoma muzina lya-Jehova akulifunkizya Leza wakwe? 11#Rom 10:3; Joh 9:39Inywe nyoonse numukutula mulilo akuyasya zisisi, amweende mumumuni wamulilo wanu awazisisi nzimwayasya. Makani ngemuyoojana kuzwa kumaanza aangu ngaaya: muyoolala mukati kamafwabi.
Currently Selected:
Isaya 50: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
