Isaya 51
51
Majwi aakuyumya lusyomo lwaba-Israyeli
1 #
Tus 15:9; Mt 6:33; Rom 9:30 Amundiswiilile inywe numutobela bululami akuyandaula Jehova, Amulange indomba njimwakasidwe mulinjiyo amulyango wamugodi mumwakagwisigwa. 2#Rom 4:1; Heb 11:11Amulange Abrahamu usowanu a-Sara iwakamuzyala, nkaambo naakacili muntu omwe buyo, ndakamwiita, ndakamupa coolwe, aboobo wakaba bantu banjibanji. 3#Int 102:13; Is 40:1; Matl 13:10; Joel 2:3Nkaambo Jehova uyooumbulizya Zioni. Uyooumbulizya matongo aakwe oonse; inkanda yakwe uyooisandula kuti ibe mbuli Edeni, amabbuwa aakwe ayooba mbuli muunda wa-Jehova. Mumonya omo muyoojanwa kukondwa akusekelela, kulumba amajwi aakutembaula.
4Amundiswiilile, nubantu bangu; amumvwe majwi aangu, O musyobo wangu; nkaambo kulindime kuyoozwa mulao, akubeteka kwangu njookuka-zika kuti kubede misyobo yabantu mumuni. 5#Is 46:13; Rom 1:16Bululami bwangu buli kufwaafwi, lufutuko lwangu lwaboneka kale, akuboko kwangu kulabeteka misyobo yabantu, Nyika zyakunkomwe yalwizi ziyoondilangila, ziyoosyoma kuboko kwangu. 6#Mt 24:35; 2 Pet 3:10Amulanzye meso aanu kujulu, ayalo nyika yaansi amwiibonesye, nkaambo ijulu liyoomwaika mbuli busi, nyika iyoocekula mbuli cikobela, abaabo bakede mulinjiyo bayoofwa mbuli busususuli, pele lufutuko lwangu ndwalyoonse, abululami bwangu tabukooyoomana pe.
7 #
Int 37:31; Mt 10:28; Lk 12:4; Inc 5:41 Amundiswiilile inywe numuzi bululami, bantu bajisi mulao wangu mumyoyo yabo. Mutayoowi kusampaula kwabantu nikuba kukankama nkaambo kamatusi aabo. 8Nkaambo mapempya ayoobalya mbubonya mbuli cikobela mbuciligwa, atumvunyu tuyoobalya mbuli boya bwambelele. Pele bululami bwangu buyooba bwalyoonse, alufutuko lwangu luyoobedelela mumazyalani oonse.
9 #
Ciy 11:17; Job 26:12; Int 87:4; Ezk 29:3 Buka, buka, ukasame inguzu, O kuboko kwa-Jehova. Buka mbuli mumazuba aakamana, mumazyalani aakalekale. Sa teensi nduwe iwakatendaula Rahabi akuyasaula intale? 10#Kul 14:21Sa teensi nduwe iwakayuminizya lwizi, maanzi aamuziba ipati? Sa teensi nduwe iwakabika inzila akati kabulolo bwalwizi kuti banunwidwe bainde? 11Bantu Jehova mbaavunide bayooboola, banooza bwiimba akusikila ku-Zioni. Lukondo lutamani luyookala amitwe yabo. Bayoojana busekelezi alukondo, elyo buusu akusintimuka zyoonse ziyoocijilila.
12 #
2 Kor 1:3; Int 118:6; 1 Pet 1:24 Ndime, ndime uumuumbulizya. Waba anzi nowayoowa muntu uufwa, bantu baansi bali mbuli bwizu, 13#Job 9:8; 20:7anu wamuluba Jehova iwakakulenga, iwakatandabika ijulu akubika intalisyo yanyika? Nkaambonzi nooyoowa lyoonse bukali bwasikupenzya uukanza mumoyo wakwe kunyonyoona? Ma! Bukali bwasikupenzya bulabelekanzi? 14#Zek 9:11Uulemedwe uyoofwamba kwaangununwa. Takooyoofwa, takooyooseluka mucilindi pe, alimwi takooyoobula cakulya. 15#Kul 14:21; Int 74:13; 93:3,4; Is 17:12; 43:16Nkaambo ndime Jehova Leza wako uubusya lwizi kuti mayuwe aalo avuume. Ndime Jehova wamakamu, ndizina lyangu. 16#Dt 18:18; Joh 3:34; Is 59:21; 65:17; 2 Pet 3:13Ndabika majwi aangu mumulomo wako, ndakusisa muceenzule cajanza lyangu, Ndime uutandabika ijulu, ndime uubika intalisyo zyanyika. Ndaambila ba-Zioni kuti, Ndinywe bantu bangu,
Buusu bwa-Jerusalemu buyoosanduka kuba lukondo
17 #
Dt 28:28,34; Int 60:3; Ciy 14:10; 16:19 Sinsimuka! Sinsimuka! Buka, O Jerusalemu, uwe nonywide kujanza lya-Jehova inkomeki yabukali bwakwe. Wanywininina mutiba uudadalisya. 18Taakwe uumweenzya akati kabana boonse mbaazyede. Taakwe uumujata kujanza akati kabana boonse mbaakalela. 19#Am 7:2Aya makani obile akusikila, lino nguni uuti kuumbulizye? Wasikilwa lupwayo alunyonyooko, inzala apanga, lino nguni uuti kuumuzye? 20#Malo 2:11,12Bana bako bawizuka, balilede kumagolelo aamigwagwa yoonse mbuli lweengu uucedwe. Balizwide bukali bwa-Jehova alutapatilo lwa-Leza wako. 21Nkaambo kako amuswiilile inywe numupengede, inywe numukoledwe bukolwi butali bwabukoko. 22#Jer 50:34Mbuboobu mbwaamba Mwami wako Jehova, Leza wako uubeteka makani aabantu bakwe, Bona! Ndagwisya mujanza lyako inkomeki iidadalisya, amutiba wabukali bwakwe tokooyoounywida limbi. 23#Zek 12:2; Int 66:11,12Njooubika mumaanzanza aabasikukupenzya, mbombabo bakakwaambila kuti, Kotama ansi kuti twiinde alinduwe. Musana wako wakaubika mbuli nyika, mbuli mugwagwa, kulibaabo bainda.
Currently Selected:
Isaya 51: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
