Isaya 52

1 # Nah 1:15; Is 26:2; Ciy 21:2,27 Buka! Buka! Kolisamika inguzu, O Zioni. Sama zikobela zyako zyeebesi, O Jerusalemu, munzi uusalala, nkaambo tokooyoonjilwa limbi batapalwidwe abasofweede. 2#Zek 2:7Kolitikumwida itombe lyaansi, ukabuke, Jerusalemu nowakali mubuzike, Angununa zyaanzyo zili kunsingo yako, mwana musimbi wa-Zioni nowakali mubuzike.

3 # Int 44:12; 1 Pet 1:18 Nkaambo mbuboobu mbwaamba Jehova. Mwakauzigwa cintu cabuyo, nkabela teensi mali aati mununune. 4Nkaambo mbuboobu mbwaamba Mwami Jehova. Bantu bangu bakataanguna kuya ku-Egepita kuyookalakala nkuko, abalo ba-Asuri bakabapenzya ciindi cimwi katakwe kaambo. 5#Rom 2:24Lino ndaba anzi okuno? mbwaamba Jehova. Nkaambo bantu bangu batolwa buyo. Beendelezi babo balalila, mbwaamba Jehova, nkabela izina lyangu lilasampaulwa lyoonse mazuba oonse. 6Nkaambo kako bantu bangu bayooziba izina lyangu. Mubuzuba obo bayooziba kuti ndime uuamba makani aya, Mpendi.

7 # Nah 1:15; Rom 10:15; Ef 6:15 Ma! Abota atala lyamalundu maulu aayooyo uuleta makani mabotu, uulwiida bantu makani aaluumuno, uuleta makani mabotu loko, uulwiida bantu makani aalufutuko, uuambila Zioni kuti, Leza wako nguuendelezya. 8#Zef 3:9Swiilila ijwi lyabalindizi bako! Swiilila mbuboonzomoka akwiimba boonse antoomwe! Nkaambo bayoobonana kumeso, Jehova naayooboola ku-Zioni. 9Amutalike kwiimba nyoonse numatongo aa-Jerusalemu, nkaambo Jehova waumuzya bantu bakwe, wanununa Jerusalemu. 10#Lk 3:6Jehova wavumbulula kuboko kwakwe kusalala mumeso aamikowa yoonse, nkabela magolelo oonse aanyika ayoobona lufutuko lwa-Leza wesu. 11#Jer 50:8; Ciy 18:4; 2 Kor 6:17Amunyamuke, amunyamuke, muzwe okuno. Mutaampi cintu niciba cimwi cisofweede. Amuzwe mulinguwo, musalale, inywe numubweza zibelesyo zya-Jehova. 12#Kul 12:33; 14:19; Mik 2:13; My 10:25Pele mutazwi cakubindaana, muteendi cakucija pe, nkaambo Jehova nguuyoomuzulwida, a-Leza wa-Israyeli nguuyoomusindikila.

Mulanda wa-Jehova uutola zibi zyabantu

13 # Is 42:1; Flp 2:9 Amubone! Mulanda wangu uyoojana coolwe. Uyoosumpulwa, uyoolemekwa, uyooba mulemu loko. 14#Int 22:6; Is 53:3Mbubonya mbuli bantu banji mbubakagambwa aanduwe, (ciwa cakwe cakabisigwa akuzwa mubuntu, abwiime bwakwe bwakabija kwiinda bantu boonse baansi), 15#Ezk 36:25; Inc 2:33; Heb 9:13; Ef 3:5; Rom 15:21mbubonya obo uyooyoosya mikowa minji, Bami bayooumuna nkaambo kanguwe, nkaambo bayoobona makani ngebatakaina kulwiidwa, amakani ngebatakaina kumvwa bayooaswiilila.

Currently Selected:

Isaya 52: Ibbaib63

Highlight

Copy