Popular Bible Verses from Isaya 51

Share

Ndime, ndime uumuumbulizya. Waba anzi nowayoowa muntu uufwa, bantu baansi bali mbuli bwizu

Ndabika majwi aangu mumulomo wako, ndakusisa muceenzule cajanza lyangu, Ndime uutandabika ijulu, ndime uubika intalisyo zyanyika. Ndaambila ba-Zioni kuti, Ndinywe bantu bangu

Amundiswiilile inywe numuzi bululami, bantu bajisi mulao wangu mumyoyo yabo. Mutayoowi kusampaula kwabantu nikuba kukankama nkaambo kamatusi aabo.

Nkaambo Jehova uyooumbulizya Zioni. Uyooumbulizya matongo aakwe oonse; inkanda yakwe uyooisandula kuti ibe mbuli Edeni, amabbuwa aakwe ayooba mbuli muunda wa-Jehova. Mumonya omo muyoojanwa kukondwa akusekelela, kulumba amajwi aakutembaula.

Bantu Jehova mbaavunide bayooboola, banooza bwiimba akusikila ku-Zioni. Lukondo lutamani luyookala amitwe yabo. Bayoojana busekelezi alukondo, elyo buusu akusintimuka zyoonse ziyoocijilila.