Isaya 45

Leza mbwazoobusya Koresi kuti avune bantu bakwe

1 # Int 73:23; Is 41:13 Mbuboobu Jehova mbwaambila munanike wakwe Koresi, nguwenya ngundajata kujanza lyalulyo kuti mfwiinsye bamasi kubusyu bwakwe akwaangununa bami muzibuno nkamujalwide milyango akukasya zitendele kujalwa. 2Njookuzulwida kuti nkacincimike masena aapilingene. Njoopwayaula makoma aamukuba akutendaula zitendele zyabutale. 3#Kul 33:12Lino njookupa zilondwedo zyamudima azintu ziyandisi ziyubikidwe, kuti uzibe kuti ndime Jehova iwakakwiita muzina lyako, nkukuti Leza wa-Israyeli. 4#Is 44:1; Inc 17:23; Gal 1:8,9; Ef 2:12; 1 Tes 4:5Nkaambo kamulanda wangu Jakobo a-Israyeli ngunsalide, nciceeco ncindakwiitila muzina lyako. Ndakuulika izina nekuba kuti tona kundiziba. 5#Dt 4:35; Int 18:32Ndime Jehova, taakwe umbi. Taakwe Leza umbi kunze kwangu, Njookuyumya nekuba kuti tona kundiziba, 6#Int 102:15; Mal 1:11kuti bazibe bantu boonse, kuzwa kubuzwezuba akuzwa kububbila, kuti taakwe umbi kunze kwangu. Ndime Jehova, taakwe umbi. 7#Am 3:6Ndime uubumba mumuni akulenga mudima. Ndime uucita luumuno akulenga mapenzi. Ndime Jehova uucita zintu ezi zyoonse.

8 # Int 85:11 Amuwisye numajulu, mayoba alosye hululami. Nyika ijaluke, kuti bazyale micelo yalufutuko; imeneke bululami abwalo. Ndime nde-Jehova ndalenga aya makani.

9 # Rom 9:20; Is 64:8; Jer 18:6 Maawe kuliyooyo uukazyanya a-Mubumbi wakwe! Ma! ndukaye buyo akati kankaye zyaansi! Sa bulongo bulakonzya kwaambila sikububumba kuti, Ucitanzi? Sa cibumbwa cako cilaamba kuti, Tajisi maanza? 10Maawe kuliyooyo uuambila wisi kuti, Ncinzi ncozyede? nanka kwaambila mwanakazi kuti, Watumbukanzi? 11#Jer 31:9; Is 29:23Mbuboobu mbwaamba Jehova, Uusalala wa-Israyeli, a-Mubumbi wakwe. Amundibuzye makani aaciza, Amundilailile aabana bangu azilenge zyamaanza aangu. 12#Jer 27:5Ndime ndakaanza nyika akulenga muntu alinjiyo. Maanza aangu ngaakatandabika ijulu, alimwi ndime ndakalailila makamu makamu aalyo. 13#Ezr 1:1; Rom 3:24Ndime ndakamubusya mubululami, nkabela njoolulamika inzila zyakwe zyoonse. Ngonguwe uuti yake munzi wangu akwaangununa baange bangu. Teensi muulo nibuba bulumbu ncacitila obo, mbwaamba Jehova wamakamu.

Inguzu zya-Jehova mbuzibonekela bamasi

14 # Int 68:31; Is 49:23; Zek 8:22; 1 Kor 14:25 Mbuboobu mbwaamba Jehova. Imbono zya-Egepita, azisambalo zya-Etiopiya, aba-Seba bantu balamfu, zyoonse ziyooinda kulindinywe, ziyooba zyanu. Bayoomutobela, bayooinda balaangidwe ankeetani akumukotamina. Bayoomukombelezya cakwaamba kuti, Leza uli kulindinywe luzutu, alimwi taakwe umbi, taakwe ba-Leza bambi pe. 15#Dt 29:29; Int 36:6; Is 8:17Ncobeni uli Leza uuyuba, O Leza wa-Israyeli, Mufutuli. 16Boonse bafwa insoni, bafwisigwa bweeme. Basikupanga zikozyano boonse bayoousa bweeme antoomwe. 17#2 Sam 23:5; Int 103:17; Hos 1:7; Rom 11:26Pele ba-Israyeli bafutulwa muli-Jehova alufutuko luteeli, Tamukooyoofwa insoni nikuba kufwisigwa bweeme abuniini mane kukabe kutamani.

Jehova mbwazoofutula boonse bamusyoma

18Nkaambo mbuboobu mbwaamba Jehova iwakalenga ijulu. (Ngonguwe Leza. Ngonguwe iwakabumba nyika akwiipanga akwiimika. Teewakailenga kuti ibe yalupilingano pe, wakaibumba kuti ikalwe banru.) Ndime Jehova. Taakwe umbi. 19#Dt 30:11; Neh 9:13; Int 19:8; Rom 7:12Teendakaamba kumbali munyika yamudima. Teendakaambila lunyungu lwa-Jakebo kuti, Amundiyandaule munyika yalupilingano, Mebo nde-Jehova ndaamba bululami, ndamulwiida makani aalomene. 20#Jer 44:28; Rom 1:22Amuyoboloke, muboole. Amuswene afwaafwi nyoonse nubamasi basyeede, Tabajisi luzibo abo bayumwide zisamu zyazikozyano zibezedwe, bakomba Leza uutafutula. 21Amulungulule, mulete makani. Babuzyanye makani antoomwe. Nguni wakaamba aya makani kalekale? Nguni wakaaluula kukutaanguna P Sa teensi ndime nde-Jehova? Taakwe Leza umbi uutali ndime, Leza uululeme, Mufutuli. Taakwe umbi kunze kwangu. 22Amusandulukile kulindime, mukafutuke, numagolelo oonse aanyika, nkaambo ndime Leza, taakwe umbi. 23#Matl 22:16; Jer 22:5; Heb 6:13; Matl 31:53; Dt 6:13; Int 63:11; Rom 14:11; Flp 2:10-11Ndakonka kuzina lyangu ndemwini. Ijwi lyazwa mukanwa lyangu mubululami, nkabela talikooyooboola pe. Ncobeni mazwi oonse ayoofugamina ndime, andimi zyoonse ziyookonkela ndime. 24Kuyooambwa kuti, Muli-Jehova alike momujenwe bululami anguzu. Boonse ibakamubusizya inkondo bayooboola nkwabede, bayoofwa insoni. 25Lunyungu loonse lwa-Israyeli luyoolulamikwa muliJehova akusekelela.

Currently Selected:

Isaya 45: Ibbaib63

Highlight

Copy