Isaya 44
44
Jehova nguuyooletela Israyeli buumi bupya
1 #
Is 41:8; Jer 30:10 Lino swiilila, Jakobo mulanda wangu, a-Israyeli ngundisalide. 2#Dt 32:15Mbuboobu mbwa amba Jehova iwakakulenga, iwakakubumba mwida, uukugwasya. Utayoowi, Jakobo mulanda wangu, O Jesuruni ngundisalide. 3#Mal 3:10; Joh 7:38Nkaambo njootila maanzi aliyooyo uufwa nyota atulonga anyika injumu. Njootila Muuya wangu alunyungu lwako, acoolwe cangu njoocitilila bana bako. 4Nkabela bayoosonsa akati kabwizu mbuli mizimbwa kumbali atulongalonga twamaanzi. 5#Kul 13:9; Neh 9:38Umwi uyooamba kuti, Mebo ndiwa-Jehova; umwi uyoolibanda izina lya-Jakobo; aumwi uyoolemba ajanza lyakwe kuti, Wa-Jehova, akulipa izina lya-Israyeli.
6 #
Is 48:12; 43:1; 41:4; Ciy 1:8,17; 2:8; 22:13 Mbuboobu mbwaamba Jehova mwami wa-Israyeli a-Mununuzi wakwe Jehova wamakamu. Ndime mutaanzi, alimwi ndime mamanino. Taakwe Leza umbi cita mebo. 7Nguni uuelene ambebo? Aambe, amulwiide, aba mbe makani aakwe kunembo lyangu, Kuzwa kuciindi eco cakalekale nindakabika bantu, nguni wakalungulula makani aaciza? Makani aacili kunembo, batulwiide ngao. 8#Dt 4:35; 1 Sam 2:2; 2 Sam 22:32Mutayoowi nikuba kukanduka. Sa teendakamulwiida makani kalekale? Sa teendakamutondezya? Ndinywe bakamboni bangu, Sa kuli Leza umbi uutali ndime? Ncobeni taakwe Mwala umbi. Taakwe ngumbwene.
Bufubafuba bwakukomba zikozyano
9 #
Is 41:24; 42:17-20; Dt 4:28; Int 115:4 Boonse babumba zikozyano zyamituni balipilingene, Zintu zyabo nzibayandisya tazigwasyi pe. Bakamboni babo tababoni, tabazi, Aboobo balausigwa insoni. 10#Jer 10:5; Hab 2:18Nguni uubumba leza nanka kufula cikozyano citagwasyi? 11#Int 97:7; Is 42:17Ncobeni beenzinyina boonse bayoousa insoni. Basimilimo mbantu buyo, Babungane, banyampuke. Bayooyoowa akuusigwa insoni boonse antoomwe.
12 #
Is 40:19
Mufuzi ulacicita, ulacifula mumalasa, ulacibumbya insando akucipanga akuboko kwakwe kuyumu. Wafwa inzala mane lumwi wati wizuke. Tanywi maanzi, aboobo wakataala. 13Mubezi ulavungulula intambo yakweelesya, ulaceenga-enga acisila, ulacibumbya cipazyo, ulaceenga-enga mumubalo, ulacibumba mucinkonzya camuntu, ceebeke mbuli muntu, cikale muŋanda. 14Ulagonka misamu yakedari nanka kulibwezela musamu wakupresi na mubanga, umene akuba muyumu akati kamisamu yamulusaka. Ulazikila musamu wakedari, kuti imvula iulele. 15Lino ulabeda muntu inkuni. Ulabweza zimwi zyakuyota, azimwi ulazitenta kuti ajisye insima, lino zimwi ulazicitya Leza akuukomba, ulabeza, cikozyano akucikotamina. 16Cipanzi cimwi ulacitenta mumulilo, cipanzi cimwi ulacijisya nyama. Ulayoka nyama, ulakuta, Ulayota, ulaamba kuti, Ehe! Ndakasaalilwa, ndabona mulilo. 17Lino cipanzi cisyeede ulacicitya Leza, nkukuti cikozyano cakwe cibezedwe. Ulavundama, ulacikotamina, ulacikomba, ulati, Kondivuna, nkaambo nduwe Leza wangu.
18 #
Int 81:12; Is 45:20; Rom 11:8-10; 2 Tes 2:11 Tabezi, tabamvwisyi, nkaambo ulilambide meso aabo, kuti bataboni, amyoyo yabo, kuti bataswiilili. 19Taakwe uubika moyo kumakani. Taakwe uujisi luzibo na busongo bwakwaamba kuti, Cipanzi cimwi ndakacitenta mumulilo, alimwi ndajika insima amalasa aaco, alimwi ndayoka nyama akwiilya; lino eco cisyeede sa ndakonzya kucicitya cisesemyo? Sa ndakonzya kukotamina cisamu buyo? 20#Hos 4:12; Rom 1:21; 2 Tes 2:11Ulasaninwa itwe buyo. Moyo uufubeede wamupambusya. Takonzyi kulivuna nikuba kulibuzya kuti, Sa teensi lweeno ndunjisi mujanza lyangu lyalulyo?
Jehova mbwazoofutula ba-Israyeli
21Ingasila makani aya, O Jakobo. Ingasila, O Israyeli, nkaambo nduwe mulanda wangu. Ndime ndakakubumba, uli mulanda wangu. O Israyeli, utandilubi. 22#Is 1:18; 43:25; 53:11,12; Jer 33:8; Mik 7:18,19; Kol 1:14; Is 43:1; 1 Kor 6:20; 1 Pet 1:18,19Ndasansamuna milandu yako mbuli ijoba, azibi zyako mbuli ikumbi. Boola kulindime, nkaambo ndakunununa. 23#Int 69:34; Is 42:10; Ciy 18:20Amuyabile nomajulu, nkaambo Jehova wacicita, Amwiimbe nonyika zyaansi. Amutalike kwiimba muzilundu, ayebo O lusaka amisamu yoonse iili mumo, nkaambo Jehova wanununa Jakobo, uyoolemekwa muli-Israyeli.
24 #
Job 19:25; 9:8; Is 43:1,14; 40:22; Int 104:2 Mbuboobu mbwaamba Jehova Mununuzi wako, ngonguwe iwakakubumba mwida. Ndime Jehova iwakalenga zintu zyoonse. Ndime endike ndakatandabika ijulu. Ndime ndakabambasika nyika. Nguni ngutwakali awe? 25#Jer 50:36; 1 Kor 1:20Ndime uupilinganya zitondezyo zyababeji akusondosya basondi. Ndime uupilusya basongo musule akufubaazya luzibo lwabo. 26#Zek 1:6; Mt 5:18Ndime uusimpya lusinizyo lwamajwi aamulanda wakwe akuzuzikizya lulayo lwabatumwa bakwe, uuambila Jerusalemu kuti, Uyoekalwa, akwaamba aaminzi yacisi ca-Juda kuti, Iyooyakululwa, amatongo aayo njooabukulusya; 27#Jer 50:38Uuambila lwizi kuti, Yuminina, atulongalonga twako njootuyuminizya; 28#2 Mak 36:22,23; Ezr 1:2Uuamba aa-Koresi kuti, Ngumweembeli wangu uuti cite coonse ncinjanda, uuti ambile Jerusalemu kuti, Uyooyakululwa, akwaambila intempele kuti, Intalisyo zyako ziyoosimpwa.
Currently Selected:
Isaya 44: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
