Isaya 46
46
Zikozyano zya-Babuloni tazigwasyi. Jehova nguugwasya
1 #
Jer 51:44; 10:5 Beli wakotama! Nebo wafuuntila! Zikozyano zyabo zili amisana yabanyama ayaŋombe. Zintu nzimubwezede zyaba mikuli iilemena banyama bakateede. 2Bafuuntila, bakorama boonse antoomwe. Bakakacilwa kuvuna mukuli. Balo beni baya mubuzike.
3 #
Kul 19:4; Dt 1:31 Amundiswiilile O luzubo lwa-Jakobo, aboonse bamukowa wa-Israyeli basyeede, bayumwidwe ndime kuzwa kumala, babbedwe kuzwa kuzyalilo. 4#Int 102:27; Mal 3:6; Int 48:14Akusikila kubucembele bwanu ndime oyo nguwenya. Akusikila kuciindi camvwi noocimuyumwide. Ndime ndakamucita, ndime uumubbede. Ndime uumuyumwide, ndime uuzoomuvuna. 5Mulandikozyanya ani, kuti tweelane? Mulandeelekana ani, kuti tukozyane? 6Bamwi balavuzya ingolida kuzwa munkomo akupima insiliva mubweelene, elyo balabelesya mufuzi, nkabela ulazicitya kanga-Leza, Balakotama, balakomba. 7#Jer 10:5Lino balamubweza aziwezo, balamuyumuna, balamubika mucikalilo cakwe, nkabela ulaima mpoonya awo. Tasunzuluki limbi pe. Nekuba kuti wamulilila, tavuwi, tavuni muntu mumapenzi aakwe.
8Amwiingasile makani aya, mweempwe. Amubike myoyo yanu kulingawo nubasikusotoka mulao. 9#Dt 32:7Amwiingasile makani mataanzi aakalekale, nkaambo ndime Leza, taakwe umbi. Ndime Leza, taakwe ngutweelene awe. 10#Int 33:11; Tus 19:21; Inc 5:39; Heb 6:17Ndime uulungulula makani aamamanino nikuba kuzwa kumatalikilo, uumulwiida makani naatana kuba. Ndati, Lulayo lwangu luyoozuzikizigwa, njoocita zyoonse nzinjanda. 11#My 23:19; Tit 1:2Njooita muyuni mukali kuzwa kujwe, sinkuta wangu kuzwa kucisi cili kule. Ndaamba kale makani, lino njooazuzikizya. Ndikanzide, lino njoocita obo. 12#Rom 10:3Amundiswiilile nubayumu myoyo bali kule kuzwa kubululami. 13#Rom 1:17; Is 56:1; Hab 2:3; Mt 3:2; Lk 19:10; Inc 13:36; 1 Tim 1:15; Is 62:11; Zek 9:9Ndaswenya bululami bwangu, alufutuko lwangu talukooyoomuka kusika. Mu-Zioni njoobika lufutuko, aba-Israyeli njoobapa bulemu bwangu.
Currently Selected:
Isaya 46: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
