Isaya 47
47
Lwiimbo lwakusekelela buwe bwa-Babuloni
1 #
Jer 48:18; Is 13:1–14:23; Jer 50:1–51:64 Seluka, ukale akati kamatombe, O mwana musimbi wa-Babuloni. Kala ansi aatakwe cuuno, O mwana musimbi waba-Kasidi, nkaambo tokooyooambwa limbi mutete na simacece. 2#Kul 11:5Bweza maziyo, ukaziye busu. Gwisya cisitilizyo cako, samununa malogwe aako, vumbulula maulu aako, ukainde akati kamaanzi. 3#Nah 3:5; Mt 7:2; Rom 12:19Cinswe cako ciyoovumbululwa, insoni yako iyooboneka. Njooliya inkoto, nsikooyoofwida muntu luzyalo. 4Munununi wesu, Jehova wamakamu ndizina lyakwe, Uusalala wa-Israyeli. 5#1 Sam 2:9; Dan 2:37Kokala cakuumuna, unjile mumudima, O mwana musimbi waba-Kasidi, nkaambo tokooyoobandwa limbi Namalelo wazisi. 6#2 Mak 28:9; Is 10:6; Zek 1:15; Dt 28:50Ndakakalalila bantu bangu, aboobo ndakasofwaazya lukono lwangu akubaaba mumaanza aako. Pele teewakabafwida luzyalo pe, Bacembele wabalemezya loko ijokwe lyako. 7#Ciy 18:7Alimwi wakaamba kuti, Njooba namalelo lyoonse. Aboobo tokwe wakabika moyo wako kumakani aya, tokwe nowakayeeya mamanino aao.
8 #
Zef 2:15; Ciy 18:7-8 Lino swiilila makani aya, uwe sizisobano uukede cakuliiba, uuamba mumoyo wakwe kuti, Mpondi mebo, nkabela taakwe umbi; nsikooyookala mbuli mukamufu nikuba kufwidwa bana. 9#1 Tes 5:3; Dan 2:2; Nah 3:4; 2 Tes 2:9,10; Ciy 9:21Zintu ezi zyoonse zyobile ziyookusikila antoomwe mubuzuba bomwe, nkukuti kufwidwa bana bako abukamufu. Ncobeni ziyookusikila loko, nekuba kuti zisondyo zyako nzinji, azyalo insengo zyako zyavulisya. 10#Int 52:7; Ezk 8:12Wakali kusyoma bubi bwako, wakali kwaamba kuti, Taakwe uundibona. Busongo bwako aluzibo lwako, zyakuleesya munzila, aboobo wakaamba mumoyo wako kuti, Mpondi mebo, taakwe umbi. 11#Is 13:6; Dan 5:30; Lk 17:27Nkaambo kako uyoosikilwa mapenzi, nkabela tokooyooziba misamu yakwaatanda. Uyoosikilwa mafwabi ngotakonzyi kuliya. Lunyonyooko luyoofwamba kukujana notezi.
12Mbubo! Kocikakatila kunsengo zyako azisondyo zyako zinji, nziwakalemezegwa lyoonse kuzwa kubwanike bwako. Ambweni ulakonzya kugwasigwa nzizyo, ambweni ulayoosya basinkondonyoko. 13Walemenwa indayo zyako zinji. Babuke basikulingula ijulu abasikweebela inyenyeezi abaabo babwene myezi mbiibede, bakuvune kuzwa kumapenzi aati kakusikile. 14#Nah 1:10; Mal 4:1Ncobeni baba mbuli buungu. Mulilo uyoobatenta. Tabakooyoolivuna kunguzu zyamabangabanga. Oyo mulilo tuuli malasa aakujisya insima nanka mulilo wakuyotayota buyo pe. 15#Ciy 18:11Mbuboobo mbuziyookubeda zintu ezyo nziwakalemezegwa, Abo mbowakali kuulana abo kuzwa kubwanike bwako bayooinka, umwi aumwi munzila yakwe njayanda. Takukooyooba umwi uukufutula.
Currently Selected:
Isaya 47: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
