Isaya 48
48
Jehova uulungulula makani aaciza nguuyoovuna ba-Israyeli kubuzike bwaku-Babuloni
1 #
Dt 6:13; Jer 7:9; Zef 1:5 Amuswiilile aya makani O luzubo lwa-Jakobo, inywe numwaambwa izina lya-Israyeli, numwakazwa mumala aa-Juda. Mulakonka muzina lya-Jehova akwaamba Leza wa-Israyeli, pele kwaamba kwanu takuli kwalusinizyo, takuli kwabululami. 2#Mik 3:11; Rom 2:17Nkaambo balalyuulika izina lyamunzi uusalala, alimwi balasyoma Leza wa-Israyeli, Jehova wamakamu ndizina lyakwe. 3#Jos 21:45Makani mataanzi ndakaalungulula kalekale, akazwa mumulomo wangu akumvwigwa, lumwi ndakafwambaana kwaacita, akaba ncobeni. 4#Kul 32:9; Dt 31:27Ndakaziba kuti uli muyumu; insingo yako iili amilambi yabutale, ankumu yako niamukuba, 5Nciceeco ncindakalungulwida makani kalekale. Ndakamu-lwiida, makani naatakalina kuba, kuti utaambi kuti, Cikozyano cangu ncecaka-cita obo, cikozyano cangu cibezedwe acikozyano cifulidwe nzezyakalailila makani. 6Wamvwa makani. Lino bona aya oonse! Sa tamukooyooamba? Kuzwa lino ndamulwiida makani mapya, makani aasisidwe ngemwatakezi. 7Alengwa lino lino, taali aaciindi pe. Tona kwaamvwa cita sunu, aboobo tokonzyi kwaamba kuti, Ndakezi kale. 8#Int 58:3Tokwe nowakamvwa, tokwe nowakaziba, akutwi kwako takukwe nekwakajuka ciindi. Nkaambo ndakaziba kuti kweena kasimpe uleena, alimwi kuzwa kuciindi niwakazwa muzyalilo lyoonse wakaambwa kuti ulakataazya. 9#Jos 7:9; Int 106:8Nkaambo kazina lyangu ncindalekela bukali bwangu. Ndatembaulika mbundakukazikila moyo wangu akutakunyonyoona, 10#Int 66:10; Is 1:25; Mal 3:3Bona! Ndikusalazizye, pele teensi mbuli insiliva mbwiisalazigwa. Ndikusalide mubbila lyamulilo wamapenzi. 11#Dt 32:26; Is 42:8Nkaambo kangu ndemwini, nkaambo kangu ndemwini ncindacitila obo, nkaambo izina lyangu talyeelede kusampaulwa. Bulemu bwangu nsibupi umbi pe,
12 #
Dt 32:39; Is 44:6; Ciy 1:17; 22:13 Undiswiilile O Jakobo, ayebo O Israyeli ngundiitide. Ime ndime. Ndime mutaanzi, alimwi ndime mamanino. 13#Int 102:25Maanza aangu ngaakabika intalisyo yanyika, alyalo ijanza lyangu lyalulyo ndelyakakwazamika ijulu. Zyoonse buyo, na ndaziita, zilalibonya antoomwe. 14Amubungane nyoonse, muswiilile. Nguni akati kabo iwakaluula makani aya? Jehova ulamuyandi-sya, Ulacitila Babuloni makani ngaakanzide, akuboko kwakwe kuyoolwisya ba-Kasidi. 15Ndime, ndime ndakaamba, ndakamwiita, Ndime ndamusisya, nkabela uyoojana coolwe munzila yakwe. 16#Zek 2:8,9Amuswene kulindime, muswiilile makani aya. Kuzwa kumatalikilo nsina kwaamba kumbali. Kuzwa kuciindi eco makani naakaba ndakali nkuko. Lino sunu Mwami Jehova wandituma, alakwe Muuya wakwe wandituma.
17 #
Int 32:8
Mbuboobu mbwaamba Jehova, Munununi wako, Uusalala wa-Israyeli. Ndime Jehova Leza wako. Ndime uukwiiyisya kuti ugwasigwe. Ndime uukweenzya munzila njoelede kutola. 18#Dt 5:29; Int 81:13Nicakabota niwakaswiilila milzayo yangu! Lino luumuno lwako nilwakaba mbuli mulenga, abululami bwako nibwakaba mbuli mayuwe aalwizi. 19#Matl 22:17; Hos 1:10Lunyungu lwako nilwakaba mbuli musee, abana bazwa mumala aako nibakavula mbuli tusengasenga. Izina lyabo nilyakatagonkwa nikuba kunyonyooka kubusyu bwangu.
20 #
Zek 2:6,7; Kul 19:4; Ciy 18:4 Amuzwe mu-Babuloni! Amucije kuzwa kunyika yaba-Kasidi. Amulwiide bantu obo cakoongolola cakukondwa, bamvwisye makani. Amutume makani koonse koonse akusikila kumagolelo aanyika. Amwaambe kuti, Jehova wanununa mulanda wakwe Jakobo. 21#My 20:11; Neh 9:15; Int 105:41; Is 48:21; 1 Kor 10:4Teebakafwa nyota ciindi eco naakabeenzya akati kankanda. Wakabagwisizya maanzi mukati kandomba. Wakaandula indomba, elyo maanzi akazwa bupoomoka mpoo! 22#Is 57:21Taakwe luumuno, mbwaamba Jehova, kulibasizibi.
Currently Selected:
Isaya 48: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
