Isaya 40

Musinsimi mbwaakalaililwa kuumuzya bantu ba-Leza

1Amuumuzye, amuumuzye bantu bangu, mbwaamba Leza wanu. 2Amuumuzye moyo wa-Jerusalemu, mumukwiilile kuti inkondo yakwe yamana, milandu yakwe yalekelelwa, nkaambo kakuti bulumbu bwazibi zyakwe kuzwa kumaanza aa-Jehova wabutambula kobile.

3 # Mal 3:1; Lk 1:76; Mt 3:3; Mk 1:3; Joh 1:23 Ijwi lyasikoompolola munkanda lyakuti, Amubambe mugwagwa waJehova, amululamikile Leza wesu inzila iiandula musokwe. 4Makuti oonse ayoosumpulwa, zilundu zyoonse atulundulundu ziyoofwinsigwa. Masena aapilingene ayoocincimikwa, amasena mabi ayoobungusanizigwa. 5#Kul 16:7; Int 72:19; Ezk 36:23; Lk 2:10Lino bulemu bwa-Jehova buyooyubununwa, nkabela bantu boonse bayoobubona antoomwe, nkaambo mulomo wa-Jehova nguwakacaamba. 6#Jak 1:10-11; 1 Pet 1:24-25Kwakamvwigwa ijwi lyakuti, Kwiila. Elyo ndakabuzya kuti, Nkwiile makaninzi? Lyakati, Nyama yoonse mbwizu buyo, abweebesi bwayo boonse buli mbuli malubaluba aamusokwe. 7Bwizu bulanyana, malubaluba alapusama, luyooyo lwa-Jehova lwaziyooyela. Ncobeni bantu mbwizu buyo. 8Bwizu bulanyana, malubaluba alapusama, pele majwi aa-Leza wesu ayoobedelela.

9Kotanta acilundu cilamfu uwe noletela Zioni makani mabotu. Ongolola canguzu uwe noletela Jerusalemu makani ma bo tu. Ongolola, akutayoowa pe, Ambila minzi ya-Juda kuti, Amubone, ngooyu Leza wanu. 10#Is 62:11; Ciy 22:12Amubone! Mwami Jehova uleza anguzu, Kuboko kwakwe nkokumweendelezezya. Uleza abulumbu bwakwe, acilumbyo cakwe cili kubusyu bwakwe. 11#Ezk 34:15,23; Is 49:10; Heb 13:20; 1 Pet 2:25; Ciy 7:17; Joh 10:11Ulalela butanga bwakwe mbuli mweembeli. Ulabunganya twana akuboko kwakwe, ulatukumbatila akaango kakwe, azyalo zinyonsya ulazyeenzya kabotu.

Inguzu zya-Leza zilagambya

12Nguni iwakeeleka maanzi aakede mujanza lyakwe, na kupima ijulu aceelesyo, na kujata bulongo bwaansi mumutiba, na kupima bulemu bwazilundu muzipimyo na bwatulundulundu mubweelano? 13#Rom 11:34; 1 Kor 2:16Nguni iwakalaya Muuya wa-Jehova? Nguni Mwiyi wakwe iwakamuzibya makani? 14Nguni ngwaakabuzyanya awe makani? Nguni iwakamupa busongo akumwiiyisya munzila yalubeta? Nguni iwakamwiiyisya luzibo akumutondezya inzila yabucenjezu? 15Ncobeni bamasi bali mbuli idosi lyamaanzi mukati kantesyo. Balayeeyegwa mbuli kasuko kacipimyo. Ncobeni ulabweza tusuwa mbuli kantu kaniininiini. 16Lebano tacizulili citentyo, banyama baco tabazulili cipaizyo. 17Zisi zyoonse tazili cintu mumeso aakwe. Kulinguwe zilayeeyegwa mbuli kantu kaniini buyo katakwe makani. 18#Inc 17:29Lino Leza mulamukozyanya ani? Mulamweelanya acikozyanonzi? 19Amubone cikozyano cifulidwe mbucibede. Mufuzi wacifula, singolida waciziluluzya ingolida akucifulila inkeetani zyansiliva, 20#Jer 10:4Na mutengwana uubula cituuzyo ulalisalila musamu uutaboli, elyo ulaliyandawida similimo uucenjede kuti abambe cikozyano cibezedwe citakonzyi kusunzululwa. 21#Int 19:1; Inc 14:17; Rom 1:19Sa tamuna kuziba? Sa tamuna kumvwa? Sa tamuna kulwiidwa kuzwa kumatalikilo? Sa tamuna kumvwisya kuzwa kumalengelo aanyika? 22#Matl 1:1,6; Job 9:8; Int 104:2; Jer 10:12Ngonguwe uukede atala lyamubalo wanyika, nkabela bantu bayo bali mbuli cisozi. Ngonguwe uuyala ijulu mbuli cisitilizyo akuliyanika mbuli itente lyakukala mumo. 23#Job 12:21Ulabika bami mbuli cintu cabuyo, ababetesi banyika tabakwe makani mumeso aakwe. 24Basimpikwa buyo, babyalwa buyo, bameneka buyo miyanda muvu, ndilyonya ulabafulida nkabela balafwamba kuyuminina, amuuwo ulabamwaisya mbuli buungu. 25#Dt 4:15; Is 40:18; Inc 17:24-29Lino nguni ngumukonzya kundikozyanya awe? Nguni ngutukonzya kweelana awe? mbwaamba Uusalala. 26#Int 147:4Amuululale mubone kujulu, Ezi zyoonse nguni wakazilenga? Ulapozya makamu aazyo cakubala mweelwe wazyo. Zyoonse buyo ulaziita mazina. Mubupati bwakwe bugambya, mbwali singuzu, taakwe niiba yomwe iibulika.

27Ino nkaambonzi ulaamba, O Jakobo? Nkaambonzi ulaamba makani, O Israyeli? Ulati, Inzila yangu tiiboneki kumeso aa-Jehova, alubeta lwangu lwaindilila kuzwa kuli-Leza wangu. 28#Int 147:5; Rom 11:33Sa tona kuziba? Sa tona kumvwa? Leza uuteeli, Jehova, iwakalenga magolelo oonse aanyika, tawizuki, takataali pe. Busongo bwakwe tabumvwiki abuniini pe. 29Ulakatalusya bakateede, abaabo batakwe inguzu ulabayumya, 30Basankwa-sankwa balakataala akuwizuka, abalo bakubusi ncobeni balalebwa, 31#Job 17:9; Int 25:3; Is 8:17; Malo 3:25; 2 Kor 4:8-10,16pele abo babikide myoyo yabo kuli-Jehova balabukulusya inguzu zyabo, balaya butanta amababa mbuli basikwaze, balazuzaana akutakataala, balaya bweenda cakutawizuka.

Currently Selected:

Isaya 40: Ibbaib63

Highlight

Copy