Isaya 39
39
Hezekiya mbwaakaswayigwa beenzu baku-Babuloni
1 #
2 Bam 20:12
Kuciindi eco Berodaki Baladani mwana wa-Baladani mwami waBabuloni wakatumina Hezekiya magwalo acipo, nkaambo wakamvwa makani aakwe mbwaakacisidwe ambwaakapona. 2#2 Mak 32:31Nkabela Hezekiya wakatambula batumwa cakukondwa, wabatondezya iŋanda yazilondwedo zyakwe ansiliva angolida azisyu amafuta mabotu aŋanda yazilwisyo zyakwe azintu zyoonse izyakajanwa muzilondwedo zyakwe. Katakwe cintu niciba cimwi muŋanda yakwe nimuba mubwami bwakwe boonse Hezekiya ncaatakabatondezya. 3Mpawo Isaya musinsimi wakasika kumwami Hezekiya, wamubuzya kuti, Aba bantu bakaambanzi? Bazwa kuli? Lino Hezekiya wakavuwa kuti, Bazwa kucisi cili kule, ku-Babuloni. 4Lino wakabuzya kuti, Ino ncinzi ncibabona muŋanda yako? Hezekiya wakavuwa kuti, Zintu zyoonse zili muŋanda yangu bazibona. Taakwe cintu niciba cimwi muzilondwedo zyangu ncindatabatondezya. 5Mpawo Isaya wakaambila Hezekiya kuti, Swiilila ijwi lya-Jehova wamakamu. 6#Lev 26:33; Dt 28:64; 1 Bam 14:15; 2 Mak 36:18; Am 5:27Uzibe kuti mazuba aleza, zintu zyoonse zili muŋanda yako azintu zyoonse bamauso nzibakalondola mane kusikila kubuzuba obuno niziyootolwa ku-Babuloni, Takukooyoosyaala cintu niciba cimwi, mbwaamba Jehova. 7#Dan 1:1-7; 2 Bam 24:10-16; 2 Mak 36:10Abalo bana bako bazyalwa kulinduwe, bayootolwa kuti bakabe bazike muŋanda yabwami yamwami wa-Babuloni. 8#1 Sam 3:18Lino Hezekiya wakaambila Isaya kuti, Ndibotu ijwi lya-Jehova ndoamba. Nkaambo wakati, Kuyooba luumuno alusinizyo nencipona mebo.
Currently Selected:
Isaya 39: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
