Popular Bible Verses from Isaya 40

Share

Ulakatalusya bakateede, abaabo batakwe inguzu ulabayumya

Basankwa-sankwa balakataala akuwizuka, abalo bakubusi ncobeni balalebwa, pele abo babikide myoyo yabo kuli-Jehova balabukulusya inguzu zyabo, balaya butanta amababa mbuli basikwaze, balazuzaana akutakataala, balaya bweenda cakutawizuka.

Sa tona kuziba? Sa tona kumvwa? Leza uuteeli, Jehova, iwakalenga magolelo oonse aanyika, tawizuki, takataali pe. Busongo bwakwe tabumvwiki abuniini pe.

Ijwi lyasikoompolola munkanda lyakuti, Amubambe mugwagwa waJehova, amululamikile Leza wesu inzila iiandula musokwe.

Bwizu bulanyana, malubaluba alapusama, pele majwi aa-Leza wesu ayoobedelela.

Lino bulemu bwa-Jehova buyooyubununwa, nkabela bantu boonse bayoobubona antoomwe, nkaambo mulomo wa-Jehova nguwakacaamba.

Makuti oonse ayoosumpulwa, zilundu zyoonse atulundulundu ziyoofwinsigwa. Masena aapilingene ayoocincimikwa, amasena mabi ayoobungusanizigwa.

Ulalela butanga bwakwe mbuli mweembeli. Ulabunganya twana akuboko kwakwe, ulatukumbatila akaango kakwe, azyalo zinyonsya ulazyeenzya kabotu.

Amuululale mubone kujulu, Ezi zyoonse nguni wakazilenga? Ulapozya makamu aazyo cakubala mweelwe wazyo. Zyoonse buyo ulaziita mazina. Mubupati bwakwe bugambya, mbwali singuzu, taakwe niiba yomwe iibulika.

Ngonguwe uukede atala lyamubalo wanyika, nkabela bantu bayo bali mbuli cisozi. Ngonguwe uuyala ijulu mbuli cisitilizyo akuliyanika mbuli itente lyakukala mumo.

Amuumuzye moyo wa-Jerusalemu, mumukwiilile kuti inkondo yakwe yamana, milandu yakwe yalekelelwa, nkaambo kakuti bulumbu bwazibi zyakwe kuzwa kumaanza aa-Jehova wabutambula kobile.

Kwakamvwigwa ijwi lyakuti, Kwiila. Elyo ndakabuzya kuti, Nkwiile makaninzi? Lyakati, Nyama yoonse mbwizu buyo, abweebesi bwayo boonse buli mbuli malubaluba aamusokwe. Bwizu bulanyana, malubaluba alapusama, luyooyo lwa-Jehova lwaziyooyela. Ncobeni bantu mbwizu buyo.

Amubone! Mwami Jehova uleza anguzu, Kuboko kwakwe nkokumweendelezezya. Uleza abulumbu bwakwe, acilumbyo cakwe cili kubusyu bwakwe.

Amuumuzye, amuumuzye bantu bangu, mbwaamba Leza wanu.

Nguni iwakeeleka maanzi aakede mujanza lyakwe, na kupima ijulu aceelesyo, na kujata bulongo bwaansi mumutiba, na kupima bulemu bwazilundu muzipimyo na bwatulundulundu mubweelano? Nguni iwakalaya Muuya wa-Jehova? Nguni Mwiyi wakwe iwakamuzibya makani? Nguni ngwaakabuzyanya awe makani? Nguni iwakamupa busongo akumwiiyisya munzila yalubeta? Nguni iwakamwiiyisya luzibo akumutondezya inzila yabucenjezu?