Popular Bible Verses from Isaya 41

Share

Utayoowi, nkaambo ndili ayebo. Utakankami, nkaambo ndime Leza wako. Njookuyumya, njookugwasya, ncobeni njookutabilila ajanza lyalulyo lyabululami bwangu.

Nkaambo mebo nde-Jehova njookujata kujanza lyalulyo, njookwaambila kuti, Utayoowi, ndime sikugwasya wako.

Bona! Boonse bakukalalila bayoofwa insoni, bayoousigwa bweeme. Abo bakubusizya inkondo bayooba cintu buyo, bayoonyonyooka.

uwe ngundakajata kuzwa kumagolelo aanyika, ngundakaita kuzwa kuzyooko zyayo, akukwaambila kuti, Nduwe mulanda wangu, ndakusala, nsikutandide pe

Abo basikwaambana ayebo, uyoobayandaula akutabajana. Boonse basinkondonyoko bayooloba, bayooba cintu buyo.

Utayoowi O ciyokansi Jakobo, anywebo nubantu ba-Israyeli. Nookugwasya, mbwaamba Jehova a-Munununi wako Uusalala wa-Israyeli.

Pele uwe, O Israyeli mulanda wangu, Jakobo ngonsalide, lunyungu lwaAbrahamu muzolwani wangu

Njootuntumusya milonga atala lyazilundu zikukwidwe muuwo, amwalo mumakuti njoobusya matoolo. Njoosandula inkanda kuba iziba lyamaanzi, ayalo nyika injumu iyooba tusensa twamaanzi.

Batengwana abacete balayandaula maanzi pele taakwe, aboobo indimi zyabo zyayuminina nkaambo kanyota. Mebo nde-Jehova njoobavwiila, mebo nde-Leza wa-Israyeli nsikooyoobalekelezya.

Nguni iwakabeleka akucita obo? Nguni wakaita mazyalani oonse kuzwa kumatalikilo? Ndime Jehova, ndime mutaanzi, akumamanino njooba mbubonya obo.

Mumonya munkanda njoomeneka misamu yakedari ayamuunga ayamisiwe ayamafuta, amugundu muyoomena misamu yakupresi amisigili amizimbwa yoonse antoomwe, kuti babone akuziba akubika myoyo yabo kumakani, bamvwisye boonse kuti ijanza lya-Jehova ndelyakacita obo, Uusalala wa-Israyeli nguwakazilenga.