Popular Bible Verses from Isaya 42

Share

Mebo nde-Jehova ndakwiita mubululami. Njookujata kujanza, njookubamba, njookubika kuti ube cizuminano cabantu amumuni wabamasi, ubononosye meso aaboofu, uvune baange muntolongo, ugwisye abo bakede mumudima muŋanda yabuzike.

Ndime Jehova. Ndezina lyangu. Bulemu bwangu nsikooyoobupa umbi, akulemekwa kwangu nsikooyookupa zikozyano zifulidwe.

Ngooyu mulanda wangu nguntabilila, musale wangu moyo wangu nguukondelwa. Ndabika Muuya wangu alinguwe, kuti aletele bamasi lubeta.

Itete lifuyukide takooyoolityola, akamuni kasuka takooyookazimya. Uyooleta lubeta cakusyomeka. Takooyooceelwa mumuni nikuba kutyolwa, mane akabike lubeta mukati kanyika, Azyalo nyika zyakunkomwe yalwizi ziyoolindila mulao wakwe.

Nkabela njooenzya boofu munzila njibatezi, njoobatola mumigwagwa njebatabwene, Njoosandula mudima kunembo lyabo ube mumuni, amasena aapilingene njooalulamika. Ngaaya makani ngenti cite, nkabela nsikooyoobalekelezya pe.

Amubone! Makani aaciindi amana kale. Ndamulwiida makani mapya. Naatana kuboneka, ndamwaambila ngao.