Habakuku 1
1
Habakuku mbwaakapenga nkaambo kazibi zyabantu
1Nceeci cilengano ncaakabona Habakuku musinsimi.
2 #
Int 27:7; 2 Pet 2:8 Jehova, njooleka lili kukukwiilila notamvwi? Ndakulilila nkaambo kakupyopyongana kwabantu, pele toswiilili. 3Ino nkaambonzi wandibonya zibi akundilanzya bupilingene? Kusaala akuvupuula, zyoonse nkuzili kumeso aangu. Kwabuka inkondo akukazyanya. 4#Job 12:6; Int 12:8; 58:1,2Nciceeci mulao nciwalekela kubambwa, akubeteka takubetekwi abuniini pe. Nkaambo basizibi balazyunguluka baluleme, aboobo makani taakosoki cakululama,
5Amubone akati kabamasi! Amulange, mugambe loko! Nkaambo ndacita milimo mumazuba aanu njimutakoozumina nekuba kuti mwalwiidwa. 6#2 Bam 24:2Nkaambo ndabusya Ba-Kasidi, oyo musyobo mukali, ulalula. Baleenda nyika yoonse kuyoovuba makalilo aatali aabo. 7Balayoosya akugambya, Makanze aabo akulisumpula kwabo zyazwa mumyoyo yabo beni. 8#Dt 28:49,50Imbizi zyabo zileendesya kwiinda basiluwe, mbakali kwiinda baumpe bamasiku. Basimbizi babo balalisumpula. Basimbizi babo bazwa kule, baleza buuluka mbuli sikube uufwambaanina kulya. 9Boonse baleza kuzoosaala. Masyu aabo alalanga kunembo. Balabunganya bazike banji mbuli musenga. 10Bami balabaseka, abapati balabawelela buyo. Balaseka macijilo mayumu oonse, balalundika buyo ivu akwaazunda. 11Elyo balaindilila buyo mbuli muwo, balaya bubisya, Inguzu zyabo ngu-leza wabo.
12Sa toli waciindi loko, O Jehova Leza wangu, Musalali wangu? Tofwi pe. O Jehova, wababika kuti babetekwe. O mwaala wangu, wababusya kuti bapegwe mulandu. 13Uwe noli ameso aasalala aakutabona bubi, notakonzya kulanga zibi, nkaambonzi nolanga buyo basilweeno, akuumuna buyo sizibi naalya muntu uumwiinda kululama? 14Nkaambonzi nobika bantu babe mbuli inswi zyamulwizi, ambuli tuukauka tubula mwami? 15Ulabagwisya boonse andobyo yakwe. Ulabatola mulusabwe lwakwe, akubabunganya mubuzamba bwakwe. Elyo ulakondwa akusekelela, 16aboobo ulapailila lusabwe lwakwe, akutentela buzamba bwakwe tununkilizyo, nkaambo nzenzizyo zineneesya caabilo cakwe akubotya zilyo zyakwe. 17Lino sa ulazumizigwa kuciya bukunkumuna lusabwe lwakwe? Sa uciya bujaya bamasi cakutafwida insoni?
Currently Selected:
Habakuku 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
