Habakuku 2
2
Cilengano Habakuku ncaakabona
1 #
Int 73:16,17; Is 21:8 Ndaima acilangilo cangu, ndaliimika angazi yangu, nkalindile, nkabone ncati ndaambile, ancati ndivwiile mukutongauka kwangu. 2#Dt 27:8; Is 8:1; Rom 15:4; Ciy 1:19Elyo Jehova wakavuwa, wakati, Lemba eci cilengano, cimvwike kabotu acilembelo, kuti umwi aumwi acibale cakucijaana. 3#Dan 10:14; Heb 10:37Nkaambo cilengano cilijisi ciindi caco cibikidwe. Cileza bukunkulika, nkabela kumamanino tacikooyoobeja pe. Na camuka, kocilindila, nkaambo ncobeni cilaza, tacikooyoocedelelwa pe. 4#Joh 3:36; 2 Kor 5:7; Rom 1:17; Gal 3:11; Heb 10:38Moyo wakwe wazimba, toluleme mukati kakwe. Pele mululami, lusyomo lwakwe ndoluyoomuponya.
Zibi zyabantu zilaleta lunyonyooko
5 #
Tus 27:20
Zikola mbuzimoongelezya, sikulisumpula tapuumuni pe. Ulakomezya moyo wakwe mbuli cuumbwe, uli mbuli lufu, takuti pe. Ulalibunganisizya masi oonse, ulaliyobolweda misyobo yoonse. 6Aba boonse sa tabakooyooamba cikozyano alinguwe? Sa tabakooyooimba lwiimbo lwakumuweelela? Bayooti, Maawe kuliyooyo uuvuzya imbono zitali zyakwe! Cilamana lili? Maawe kuliyooyo uulilemezya zikonkezyo! 7Sa takooyoofwambaana kubuka sikukuluma? Sa tabakooyoobuka basikukukataazya? Uyoobabeda zisaalo, 8Mbuli mbosaalide zisi zinji, bantu boonse basyeede bayookusaala ayebo, nkaambo kabulowa bwabantu alunyonyooko lucitilwa nyika, lucitilwa munzi aboonse bali mulinguwo.
9Maawe kuliyooyo uunyanzizya ciinga cakwe impindu iitaluleme, kuti asumpule citeente cakwe, avunwe kumaanza aabubi. 10Wajanina luzubo lwako bweeme kukukosola bantu banjibanji. Moyo wako wabisya. 11Ibbwe lyamubwaanda liyookwiila, angwalala yamumusamu iyoolivwiila.
12Maawe kuliyooyo uuyaka munzi abulowa, uubusya idolopo abubi. 13#Is 50:11Ncobeni teensi kuli-Jehova wamakamu nkwaazwida aya makani aakuti bantu balikataazye mumulilo akuti zisi zilipenzezye zintu zyabuyo. 14#Is 11:9Nkaambo nyika iyoozula luzibo lwabulemu bwa-Jehova, mbubonya mbuli maanzi mbwaazuzya lwizi.
15Maawe kuliyooyo uunywisya mweenzinyina mucinywido cabukali bwakwe akumukozya, kuti aebele cintanda cakwe, 16Vakuta bweeme, tokuti bulemu pe. Konywa ayebo, uvumbulwidwe lulomo. Inkomeki yamujanza lyalulyo lya-Jehova iyookusandukila, elyo abulemu bwako buyoovumbwa abweeme. 17#Jer 50:33Nkaambo lunyonyooko lwaku-Libano luyoo-kuvumba, akunyonyoona kwabanyama kuyookuyoosya, nkaambo kabulowa bwabantu alunyonyooko lucitilwa nyika, lucitilwa munzi aboonse bali mulinguwo.
18Cili amilimonzi cikozyano cibe zed we, mubezi naamana kucibeza? Cili amilimonzi cikozyano cifulidwe ciisya zibejo? Sikucibumba acisyome buti? Ulapanga zikozyano buyo zitaambi. 19Maawe kuliyooyo uuambila cisamu kuti, Nyamuka, akwaambila ibbwe litaambi kuti, Buka. Sa eci cilaiisya? Cilivumbidwe ingolida ansiliva; taakwe kuyooya abuniini mukati kaco. 20Pele Jehova mwaali muntempele yakwe iisalala. Umuna kubusyu bwakwe, O nyika yoonse.
Currently Selected:
Habakuku 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
