Ezara 9
9
Ba-Israyeli mbubakakwatana abamasi
1 #
Neh 9:2; Dt 12:30 Lino makani aya naakamana, bapati bakasika kulindime, bati, Bantu ba-Israyeli abapaizi aba-Levi tabana kulipambukanya abantu bamasi. Balacita mbubonya mbuli zisesemyo zyabo, ba-Kanana, ba-Hiti, ba-Perizi, ba-Jebusi, ba-Amoni, ba-Moabu, ba-Egepita, aba-Amori, 2#Dt 7:3; Kul 22:31; 2 Kor 6:14nkaambo balikwete bana babo basimbi, balo beni abana babo, aboobo basiluzubo lusalala balivwelene abantu bamasi; nkabela bapati abasilutwe mbobainda kubisya mumakani aya. 3#Is 15:2; Int 143:4Lino nindakamvwa aya makani, ndakadeluula zyakusama zyangu acikobela cangu, ndanonkola masusu aangu acilezu cangu, ndakala cakugamba. 4#Ezr 10:3; Is 66:2; Kul 29:39Elyo kwakabungana kulindime boonse ibakali kuyoowa majwi aa-Leza wa-Israyeli, nkaambo kakubisya kwabaabo ibakazwide mubuzike, nkabela ndakakala cakugamba mane kusikila kuciindi cacipaizyo camangolezya.
5 #
Kul 9:29
Pele kuciindi cacipaizyo camangolezya ndakabuka kuzwa kumapenzi aangu, elyo nindakamana kudeluula zyakusama zyangu acikobela cangu, ndakafugama amazwi aangu akutandabika maanza aangu kujulu kuli-Jehova Leza wangu. 6#Dan 9:7Ndakati, O Leza wangu, ndausa insoni; ndafwa bweeme kupungula meso aangu kulinduwe, Leza wangu, nkaambo milandu yesu yavula kumitwe yesu, amilandu yesu yakomena mane kusikila kujulu. 7#Int 106:6; Dt 28:36Kuzwa kumazuba aabamatateesu tuli mumulandu mupati, asunu tucili mbubonya, Nkaambo kamilandu yesu ncitwaabilwa, iswe abami besu abapaizi besu, mumaanza aabami bamasi akujazigwa ipanga abuzike akusaalwa akufwa insoni mbubonya mbutubede sunu. 8#Int 13:3Lino kaindi kaniini twafwidwa luzyalo kuli-Jehova Leza wesu, kuti tusyaalilwe bamwi baloboka akupegwa izina mubusena bwakwe busalalisya, kuti Leza wesu amunike meso esu akutuponya buniini mubuzike bwesu. 9#Neh 9:36; Int 136:23; Ezr 7:28; Is 5:2Nkaambo tuli bazike, pele Leza wesu tana kutusoowa mubuzike bwesu. Wacita kuti tufwidwe luzyalo mumeso aabami ba-Persia, kuti atuponononye, tubusye iŋanda ya-Leza wesu akuyakulula matongo aayo, kuti tukale kabotu mucisi ca-Juda amuJerusalemu. 10Lino twaambe buti, O Leza wesu, kusule lyayaaya? Nkaambo twasoowa milazyo yako, 11njowakalailila kumilomo yabalanda bako basinsimi. Wakati, Nyika njemuyoovuba ninyika iisofweede; yasofwaazigwa busofwi bwabantu bamasi azisesemyo zyabo, nkaambo baizuzya busofwi bwabo kuzwa kumagolelo kusikila kumagolelo aayo. 12#Kul 23:32; Dt 7:3; Jos 23:12; Dt 23:6; 2 Mak 19:2; Matl 18:19; Tus 13:22Lino bana banu basimbi, mutabapi kukukwatwa kubana babo balombe, abalo bana banu balombe mutabakwatyi bana babo basimbi. Mutayandauli abuniini kubaletela luumuno acoolwe, kuti mujate inguzu, mulye micelo mibotu yanyika akuvubya njiyo bana banu mazuba oonse. 13Lino kusule lyamakani aya oonse aatusikila nkaambo kamilimo yesu mibi amilandu yesu mipati, mbuli uwe O Leza wesu mbowatubweedezya milandu yesu buniini buyo kwiinda mbukweelede, alimwi mbotupa lufutuko luli boobu, 14#Kul 23:32,33; Bab 2:2; Joh 5:14; 2 Pet 2:20; 2 Kor 6:14sa ncibotu kuti tuboole alimwi kukusotoka milazyo yako akutuvwelanya mulukwatano abantu aba bacita zisesemyo? Na twacita obo, sa tokooyootukalalila mane lumwi watujayilila akutatusiila naba omwe uuloboka? 15#Neh 9:33; Dan 9:14; Rom 3:19; Int 130:3O Jehova Leza waIsrayeli, nduwe uululeme, nkaambo twasyaala tulivunidwe mbutubede sunu. Kotulangila mbutubede amilandu yesu okuno kubusyu bwako, nkaambo tatukonzyi kwiima nji kumeso aako nkaambo kamakani aya.
Currently Selected:
Ezara 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
