Ezara 10
10
Bantu mbubakalekana abanakazi bazwakule
1 #
Dan 9:20; 2 Mak 20:9 Lino Ezara naakamana kukomba akulyaambila zibi, cakulila acakuliwaala ansi kunembo lyaŋanda ya-Leza, kwakamubunganina imbungano impati loko yabana ba-Israyeli, baalumi abanakazi abana, nkaambo bantu bakali kulila loko. 2#Kul 34:13Elyo Sekaniya mwana wa-Jehieli, umwi wabana ba-Elamu, wakavwiila Ezara kuti, Twabisizya Leza wesu, nkaambo tulikwete banakazi beenzu babantu banyika. Nekubaboobo tatweelede kusyomononwa mumakani aya aa-Israyeli. 3#Ezr 9:4; Int 119:53,120; Is 66:2; Dt 7:2,3Atutangane cizuminano a-Leza wesu, tutande boonse banakazi abana mbobazyede, mbubonya mbwayanda mwami wangu, ambubayanda boonse bayoowa milazyo ya-Leza wesu. Kucitwe mbubonya mulao mbuulailila. 4#1 Mak 28:10; Is 35:3,4Buka, nkaambo makani ali mumaanza aako. Aswebo tuyookugwasya. Koliyumya, ukacite makani. 5#Neh 5:12Mpawo Ezara wakabuka, wakasungilizya bapati babapaizi aba-Levi aba-Israyeli boonse kukonka kucita mbubonya mbuli majwi ayo. Nkabela bakakonka.
6 #
Dt 9:18
Elyo Ezara wakanyampuka kunembo lyaŋanda ya-Leza, waya kucilao ca-Johanana mwana wa-Eliyasibu. Asike nkuko, takwakalya insima nikuba kunywa maanzi, nkaambo wakali kulila nkaambo kamilandu yabaabo ibakazwide mubuzike. 7Lino bakatumina bana babuzike boonse bamucisi ca-Juda abamu-Jerusalemu ijwi lyakuti baleelede kuyoboloka ku-Jerusalemu. 8#Lev 27:28; Jos 6:19Alimwi kwakaambwa kuti kufumbwa muntu uukaka kuza, mazuba otatwe naatana kumana, mbuli majwi aabami abapati, imbono zyakwe zyoonse ziyoonyanzigwa, alakwe mwini uyoogwisigwa mumbungano yababuzike.
9 #
1 Sam 12:18
Lino mazuba otatwe naatakalina kumana, bantu boonse ba-Juda abaBenjamini bakayoboloka ku-Jerusalemu, nkukuti mubuzuba bwamakumi obile bwamwezi wamusanu aine. Nkabela bantu boonse bakalikede mumugwagwa waŋanda, balakankama nkaambo kamakani aya akaambo kamvula. 10Mpawo Ezara mupaizi wakanyampuka, wabaambila kuti, Mwabisya inywe, nkaambo mulikwete banakazi beenzu, aboobo mwayungizizya zibi zya-Israyeli. 11#Tus 28:13; Jer 3:13; Is 1:16,17; Rom 12:2Lino amulyaambe zibi zyanu kubusyu bwaJehova Leza wabamauso banu, akucita luyando lwakwe, mulipambukanye kubantu bamasi akubanakazi beenzu. 12Elyo bantu boonse ibakabungene bakavuwa ajwi ipati, bati, Tulacita mbubonya mboamba. 13Pele bantu mbanji, alimwi nciindi camvula. Tatukonzyi kwiima anze. Ayalo milimo tiili milimo yabuzuba bomwe buyo na mazuba obile, nkaambo tuli banji nitwabisya mumakani aya, 14#My 25:4; 2 Bam 23:26; 2 Mak 28:11-13; 29:10; 30:8; Int 78:38; Is 12:1Banyampuke basilutwe besu bambungano yoonse, elyo boonse bamuminzi yesu bakwete banakazi beenzu basike kuziindi zibikidwe, babe abapati bamunzi umwi aumwi ababetesi bawo, mane buleke bukali buyumu bwa-Leza wesu mbwatukalalila nkaambo kamakani aya.
15Lino Jonatani mwana wa-Asaheli a-Jahaziya mwana wa-Tikiva mbobakali kubamba aya makani, abalo Mesulamu a-Sabetai mu-Levi bakabagwasya. 16Nkabela bana babuzike bakacita obo. Ezara mupaizi, abamwi bantu bapati banzubo, boonse balembedwe mazina aabo, bakaandaanisigwa. Bakakala munkuta mubuzuba butaanzi bwamwezi wakumi kuti batalike kulingula makani. 17Elyo bakamana baalumi boonse ibakakwete banakazi beenzu mubuzuba butaanzi bwamwezi mutaanzi.
18 #
Ezr 5:2; Hag 1:1,12; Zek 3:1; 6:11 Lino kwakajanwa bamwi bana babapaizi ibakakwete banakazi beenzu. Mbaaba. Akati kabana oa-Jeshua mwana wa-Jozadaki ababunyina: Maaseya a-Eliezeri a-Jaribu a-Gedaliya. 19#2 Bam 10:15; 1 Mak 29:24; 2 Mak 30:8; Gal 2:9; Tus 6:1; 22:26; Lev 5:15; 6:4-6Aba bakazumina kulekana abanakazi babo, alimwi mbubakajisi mulandu, bakaleta imbelele, ibe cipaizyo cakumanya milandu yabo. 20Akati kabana ba-Imeri: Hanani a-Zebadiya, 21Akati kabana ba-Harimu: Maaseya a-Elija a-Semaya a-Jehieli a-Uziya. 22Akati kabana ba-Pasuri: Eliunai a-Maaseya a-Ismayeli a-Netaneli ajozabadi a-Eleasa, 23Aba-Levi: Jozabadi a-Simei a-Kelaya (ngonguwe Kelita) a-Petahiya a-Jehuda a-Eliezeri. 24Akati kabasikwiimba: Eliyasibu. Akati kabasimilyango: Salumu a-Telemu a-Uri. 25#Ezr 2:3; 8:3; Neh 7:8Abamwi ba-Israyeli mbaaba. Akati kabana ba-Parosi: Remaya a-Jeziya a-Malikiya a-Miyamini a-Eleazara a-Malikiya a-Benaya. 26Akati kabana ba-Elamu: Mataniya a-Zekariya a-Jehieli a-Abidi a-Jeremoti a-Elija. 27#Ezr 2:8; Neh 7:13Akati kabana ba-Zatu: Eliunai a-Eliyasibu a-Mataniya a-Jeremoti a-Zabadi a-Aziza. 28Akati kabana ba-Bebai: Jehohanana a-Hananiya a-Zabai a-Atilai, 29Akati kabana ba-Bani: Mesulamu a-Maluki a-Adaya a-Jasubu a-Syeali a-Ramoti. 30Akati kabana ba-Pahati-Moabu: Adina a-Kelali a-Benaya a-Maaseya a-Mataniya a-Bezaleli a-Binui a-Manase. 31#Neh 3:11Akati kabana ba-Harimu: Eliezeri a-Isiya a-Malikiya a-Semaya a-Simeoni, 32a-Benjamini a-Maluki a-Semariya. 33Akati kabana ba-Hasumu: Matenai a-Matata a-Zabadi a-Elifeleti a-Jeremai a-Manase a-Simei. 34Akati kabana ba-Bani: Maadai a-Amramu u-Ueli, 35a-Benaya a-Bedeya a-Keluhi, 36a-Vaniya aMeremoti a-Eliyasibu, 37a-Mataniya a-Matenai a-Jaasau, 38a-Bani a-Binui a-Simei, 39a-Selemiya a-Natani a-Adaya, 40a-Makinadebai a-Sasai a-Sarai, 41a-Azareli a-Selemiya a-Semariya, 42a-Salumu aAmariya a-Josefa. 43#My 32:38; Ezr 2:29Akati kabana ba-Nebo: Jeieli a-Matitiya a-Zabadi a-Zebina a-Jadai a-Joeli a-Benaya. 44#Matl 6:2-5; Kul 23:2; Dt 7:3Aba boonse kabakwete banakazi beenzu, abamwi babo kabakwete banakazi ibakazyede kale.
Currently Selected:
Ezara 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
