Ezara 8
8
Mazina aabantu ibakasindikila Ezara
1Mbaaba bapati banzubo, amazyalani aabo, mbundakainka abo mubwami bwa-Aritasasta mwami wa-Babuloni: 2#1 Mak 3:22kuzwa kubana ba-Pinehasi, Gerisomu; kuzwa kubana ba-Itamara, Daniele; kuzwa kubana ba-Davida, Hatusi; 3#Ezr 2:3kuzwa kubana ba-Sekaniya, kuzwa kubana ba-Parosi, Zekariya, abamwi baalumi mbaakalembwa abo, mwanda amakumi osanwe; 4kuzwa kubana ba-Pahati-Moabu, Eliunai mwana wa-Zerahiya, abaalumi bali myanda yobile mbaakali abo; 5kuzwa kubana ba-Zatu, Sekaniya mwana waJahazieli abaalumi bali myanda yotatwe mbaakali abo; 6#Ezr 2:15; Neh 7:20kuzwa kubana ba-Adini, Ebedi mwana wa-Jonatani abaalumi bali makumi osanwe mbaakali abo; 7kuzwa kubana ba-Elamu, Jesaya mwana wa-Ataliya abaalumi bali makumi aali musanu aabili mbaakali abo; 8kuzwa kubana ba-Sefatiya, Zebadiya mwana wa-Mikayeli abaalumi bali makumi aali musanu aatatu mbaakali abo; 9kuzwa kubana ba-Joabu, Obadiya mwana wa-Jehieli; abaalumi bali myanda yobile akumi amusanu abatatu mbaakali abo; 10kuzwa kubana ba-Bani, Selomiti mwana wa-Josifiya, abaalumi bali mwanda amakumi aali musanu alimwi mbaakali abo; 11kuzwa kubana ba-Bebai, Zekariya mwana wa-Bebai, abaalumi bali makumi obile amusanu abatatu mbaakali abo; 12kuzwa kubana ba-Azigadi, johanana mwana wa-Hakatani abaalumi bali mwanda akumi mbaakali abo; 13akuzwa kubana basyaalizi ba-Adonikamu, mazina aabo mbaaba: Elifeleti, Jodi a-Semaya, abaalumi bali makumi aali musanu alimwi mbobakali abo; 14akuzwa kubana baBigvai, Utai a-Zabudi abaalumi bali makumi aali musanu aabili mbobakali abo.
Mbubakabungana kumulonga Ahava
15 #
Int 137:1; Inc 16:13; Tus 27:23; Inc 20:28; Heb 13:17; Ezr 7:7; My 8:1 Lino ndakababunganya kumulonga uuya ku-Ahava, nkabela twakakala nkukonya oko muzilao mazuba otatwe, Elyo ndakalingula bantu abapaizi, pele teendakajana naba omwe wabana ba-Levi, 16Mpawo ndakatuma kuyooita Eliezeri, a-Arieli, a-Semaya, a-Elinatani, a-Jaribu, a-Elinatani, a-Natani, a-Zekariya, a-Mesulamu, bapati, a-Joyaribu a-Elinatani, bantu bacenjede, 17ndabalailila kuya kuli-Ido silutwe kubusena butegwa Kasifiya, ndabapa majwi aakwaambila Ido abanyina ba-Netinimu kubusena butegwa Kasifiya, kuti batuletele basimilimo baŋanda ya-Leza wesu. 18#Ezr 7:28; Tus 3:6; Rom 8:28; Lev 10:10,11; 2 Mak 30:22; Neh 8:7Elyo kunguzu zyajanza ibotu lya-Leza wesu, ilyakali alindiswe, bakatuletela muntu uucenjede, umwi wabana ba-Mali mwana wa-Levi mwana waIsrayeli, a-Serebiya abana bakwe abanyina, bantu bali ikumi amusanu abatatu, 19a-Hasabiya, antoomwe a-Jesaya, umwi wabana ba-Merari, abanyina abana babo, bantu bali makumi obile, 20#Ezr 2:43abamwi ba-Netinimu, Davida abapati mbobakabika kukubelekela ba-Levi, ba-Netinimu bali myanda yobile amakumi obile balembedwe mazina aabo.
21 #
2 Mak 20:3; Lev 16:29; Is 58:3,5; Int 5:8 Lino ndakabika ciindi cakuliimya kulya, oko kumulonga Ahava kuti tulibombye kubusyu bwa-Leza wesu, tukumbile kuti inzila itululamine, iswe abana besu aŋombe zyesu. 22#1 Kor 9:15; 1 Mak 28:9; Ezr 7:6,9; Int 33:18,19; Is 3:10; Rom 8:28; 1 Pet 3:12; Int 34:16; 2 Mak 15:2Nkaambo ndakafwa insoni kukumbila kumwami kupegwa basilumamba na basimbizi bakutuvuna kulibasinkondoma besu munzila, nkaambo ndakaambila mwami kuti, Ijanza lya-Leza wesu lilagwasya boonse babika myoyo yabo kulinguwe, pele inguzu zyakwe abukali bwakwe zilalwisya boonse bamuleka. 23#Dt 4:29; 1 Mak 5:20; 2 Mak 33:13; Is 19:22; Jer 29:12,13Lino twakaliimya kulya akukumbila kuli-Leza wesu nkaambo kamakani aya, nkabela wakatumvwa.
24Elyo ndakagwisya bantu bali ikumi ababili babasilutwe babapaizi, Serebiya a-Hasabiya abeenzinyina bamwi bali ikumi, 25#Ezr 7:15,16nkabela ndakabapimina bulemu bwansiliva abwangolida abwazibelesyo, cipaizyo caŋanda ya-Leza wesu ncibakapa mwami abasinkuta bakwe abapati bakwe aba-Israyeli boonse ibakajanwa nkuko. 26Ndakaaba mumaanza aabo matalenta aansiliva aali myanda iili musanu aumwi amakumi osanwe, azibelesyo zyansiliva izyakali abulemu bwamatalenta aali mwanda, amatalenta aangolida aali mwanda, 27amitiba yangolida iili makumi obile iyakali abulemu bwampondo zili cuulu, azibelesyo zyobile zyamukuba uufulidwe izyakayandika mbuli ingolida. 28#Dt 33:8; Is 52:11; Lev 22:2,3; My 4:4; 1 Mak 23:28; 2 Mak 24:14Lino ndakabaambila kuti, Inywe mulasalala kuli-Jehova, azyalo zibelesyo zilasalala. Ansiliva angolida, ezi nzituuzyo kuli-Jehova Leza wabamauso. 29#1 Mak 26:20-26; Lk 12:37,38Amucenjele, muzibambe kabotu, mane mukazipimine bulemu kubusyu bwabapaizi bapati aba-Levi abapati banzubo zya-Israyeli ku-Jerusalemu mumaanda aantempele ya-Jehova. 30Mpawo bapaizi abaLevi bakatambula bulemu bwansiliva abwangolida abwazibelesyo, kuti baziletelele ku-Jerusalemu kuŋanda ya-Leza wesu.
Mbubakasika ku-Jerusalemu
31 #
Ezr 7:6,9,28; Job 5:19-24; Is 41:10-14 Lino twakanyamuka kuzwa kumulonga wa-Ahava mubuzuba bwakumi aabili bwamwezi mutaanzi kuti tuye ku-Jerusalemu. Nkabela ijanza lyaLeza wesu lyakatugwasya akutuvuna kumaanza aabasinkondoma akumaanza aabaabo ibakali kulindila-lindila munzila. 32#Neh 2:11Aboobo twakasika ku-Jerusalemu akukala nkuko mazuba otatwe.
33Lino mubuzuba bwane insiliva angolida azibelesyo zyoonse zyakapimwa muŋanda ya-Leza wesu kumaanza aa-Meremoti mwana wa-Uriya mupaizi a-Eleazara mwana wa-Pinehasi, bakali antoomwe a-Jozabadi mwana waJeshua a-Noadiya mwana wa-Binui, ba-Levi, 34Mweelwe wazyo abulemu bwazyo, zyoonse zyakapimwa, nkabela bulemu boonse bwakalembwa kuciindi eco nciconya. 35#Ezr 6:17Abalo bana babaabo ibakatolwa mubuzike, ibakazwa mubuzike, bakaletela Leza wa-Israyeli zipaizyo; basune bali ikumi ababili bakaletelwa ba-Israyeli boonse, abagutu bali makumi aali musanu aane amusanu aumwi, tubelele tuli makumi aali musanu aabili amusanu atubili, impongo zili ikumi zyazipaizyo zyakutontozya. Ezi zyoonse zyakaba cituuzyo kuli-Jehova.
36 #
Ezr 7:21; Is 56:6; 14:1; Zek 8:1-23 Nkabela milazyo yamwami, bakaiaba mumaanza aabasilutwe bamwami abeendelezi bakookuno kutala lyamulonga, elyo bakagwasya bantu aŋanda ya-Leza.
Currently Selected:
Ezara 8: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
