Ezara 7
7
Ezara mbwaakeza ku-Jerusalemu
1 #
Neh 2:1; 1 Mak 6:14 Lino kusule lyayaaya, mubwami bwa-Aritasasta mwami wa-Persia, Ezara mwana wa-Seraya, mwana wa-Azariya, mwana wa-Hilikiya, 2mwana wa-Salumu, mwana wa-Zadoki, mwana wa-Ahitubu, 3mwana wa-Amariya, mwana wa-Azariya, mwana wa-Merayoti, 4mwana wa-Zerahiya, mwana wa-Uzi, mwana wa-Buki, 5mwana wa-Abisuwa, mwana wa-Pinehasi, mwana wa-Eleazara, mwana wa-Aroni mupaizi mupati— 6#Matl 32:28; Ezr 6:22; Neh 1:10,11oyu Ezara wakainka kuzwa ku-Babuloni, Kali mulembi uucenjede wa-Mulao wa-Musa, Jehova Leza wa-Israyeli ngwaakapede. Nkabela mwami wakamupa zyoonse nzyaakakumbila kujanza lya-Jehova Leza wakwe ilyakali alinguwe. 7#Ezr 8:1; 2:43Alimwi kwakainka bamwi bana ba-Israyeli abapaizi aba-Levi abasikwiimba abasimilyango aba-Netinimu, baya ku-Jerusalemu mumwaka wamusanu aibili wabwami bwa-Aritasasta. 8Elyo wakasika ku-Jerusalemu mumwezi wasanu wamumwaka wamusanu aibili wamwami. 9#Neh 2:8Nkaambo wakanyamuka kuzwa ku-Babuloni mubuzuba butaanzi bwamwezi mutaanzi, elyo mubuzuba butaanzi bwamwezi wasanu wakasika ku-Jerusalemu, mbwaakagwasigwa kujanza ibotu lya-Leza wakwe. 10#1 Sam 7:3; 2 Mak 12:14; Int 10:18; 119:45; Dt 33:10; Neh 8:1; Mal 2:7; 2 Tim 4:2Nkaambo Ezara wakapangika moyo wakwe kukuyandaula mulao wa-Jehova, akuucita, akukwiisya ba-Israyeli milazyo ambeta.
11Lino ngaaya majwi aalugwalo mwami Aritasasta ndwaakapa Ezara mupaizi mulembi, sikulemba majwi aamilazyo ya-Jehova ambeta zyakwe nzyaakabikila ba-Israyeli.
12 #
Ezk 26:7; Dan 2:37; Ezr 4:10 Aritasasta mwami wabami ulalembela Ezara mupaizi uulemba makani aamulao wa-Leza wakujulu. Koba aluumuno kuciindi caambwa. 13Ndalailila kuti boonse bantu ba-Israyeli, abapaizi bakwe, aba-Levi bakwe, bajanwa mubwami bwangu, bayanda mumyoyo yabo kuya ku-Jerusalemu, bakusindikile. 14#Es 1:14Nkaambo watumwa kuzwa kumwami akuzwa kulibasinkuta bakwe bali musanu ababili kukulingula makani aa-Juda a-Jerusalemu, mbubonya mbuli mulao wa-Leza wako uuli mujanza lyako, 15#2 Mak 6:2; Int 135:21akutola insiliva angolida, mwami abansinkuta bakwe nzibapa Leza wa-Israyeli uukala mu-Jerusalemu, 16#Ezr 8:26; 1 Mak 29:6ansiliva angolida zyoonse nzyoti jane mucisi coonse ca-Babuloni, antoomwe azipo zyabantu azyabapaizi, myoyo yabo nziiyanda kupa iŋanda ya-Leza wabo yaku-Jerusalemu, 17#My 15:4-13; Dt 12:5kuti ufwambaane kubelesya aya mali kukuula basune, abagutu, atubelele, azipaizyo zyazyo zyakulya azyakunywa, mukazituule acipaililo caŋanda ya-Leza wanu iili mu-Jerusalemu. 18Alimwi insiliva angolida iisyaala, kufumbwa cintu cibota mumeso aako amumeso aabakwanu, kamucita obo, mbubonya mbwayanda Leza wanu. 19Azyalo zibelesyo nzopedwa milimo yaŋanda ya-Leza wako, uleelede kuzyaaba kubusyu bwa-Leza waku-Jerusalemu. 20#1 Kor 4:1,2Azintu zimwi, kufumbwa ziyandilwa iŋanda ya-Leza wako, kozigwisya muŋanda yaziyobwedo zyamwami, 21#Ezr 4:16,20; 5:3,6Ndime mwami Aritasasta, Ndalailila boonse basiziyobwedo bali kutala lyamulonga kuti, kufumbwa ncakumbila Ezara mupaizi, mulembi wamulao wa-Leza wakujulu, amufwambaane kucicita, 22kusikila kumatalenta aansiliva aali mwanda, ansuwo zyabulotwe zili mwanda, amabbodela aawaini aali mwanda, amabbodela aamafuta aali mwanda, amunyo uutalembwa mweelwe. 23#Ezr 6:10; Int 68:29; Is 60:12; Jer 12:14; 1 Tim 2:1,2Kufumbwa cintu Leza wakujulu ncalailila, cicitwe camoyo woonse kukugwasya iŋanda ya-Leza wakujulu, kuti kutabukili bwami bwamwami abana bakwe bukali. 24Alimwi twamuzibya kuti bapaizi, aba-Levi, abasikwiimba, abasimilyango, aba-Netinimu, abasimilimo boonse baŋanda eyi ya-Leza, cilatonda kubatezya mutelo na musonko. 25#Kul 18:21; Dt 16:18; 1 Bam 3:28; Int 19:7; 2 Mak 17:7; Mal 2:7; Mt 13:52; Kol 1:28Ayebo O Ezara, mbuli mbojisi busongo bwa-Leza mumaanza aako, bika babetesi abasinkuta kuti babeteke bantu boonse bali kutala lyamulonga, boonse babwene milao ya-Leza wako. Abaabo batabwene, kobaiisya. 26Nkabela kufumbwa muntu uukaka kucita luyando lwa-Leza wako amulazyo wamwami, afwambaane kubetekwa akupegwa mulandu, nikuba kujayigwa nikuba kutandwa nikuba kunyangwa imbono nikuba kubikwa muntolongo.
27 #
1 Mak 29:10; Ezr 6:22; Flp 4:10; Neh 2:12; Tus 16:7; 2 Kor 8:16 Alumbwe Jehova Leza wabatateesu, iwakabika muyeeyo uuli boobo mumoyo wamwami, kuti abotye iŋanda ya-Jehova iili mu-Jerusalemu. 28#Ezr 9:9; Neh 1:11; Ezr 5:5Ambebo wandipa luzyalo kumeso aamwami akumeso aabasinkuta bakwe akumeso aabapati basinguzu boonse bamwami. Lino ndakajata inguzu, ijanza lya-Jehova Leza wangu mbulyakali alindime, nkabela ndakabunganya bamwi bapati baba-Israyeli kuti njiinke abo.
Currently Selected:
Ezara 7: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
