Ezara 6
6
Mwami Dariyo mbwaakagwasya milimo yakuyaka
1 #
Ezr 5:17
Mpawo mwami Dariyo wakalailila, nkabela makani akalingulwa muŋanda yamagwalo, zintu ziyandisi nkuzyakayobwedwe ku-Babuloni. 2Elyo ku-Akimeta, muŋanda yabwami yakucisi caba-Medi, kwakajanwa lugwalo lulembedwe obu. 3Lwakati, Mumwaka mutaanzi wabwami bwa-Koresi, oyo mwami Koresi wakalailila aaŋanda ya-Leza yaku-Jerusalemu, wati, Iŋanda iyakwe, abwalo busena nkubakali kutuula zipaizyo. Intalisyo zyayo zibikwe kabotu. Bulamfu bwayo bube tukokola tuli makumi aali musanu akamwi, abwalo bwaamba bwayo bube tukokola tuli makumi aali musanu alimwi. 4#1 Bam 6:36; Int 68:29; Is 60:6Alimwi ibe amindando yotatwe yamabwe mapati amundando wazisamu zipya. Amali aakuula zintu apegwe kuzwa kuŋanda yamwami. 5#Ezr 1:7,8; Jer 27:16,18-22; Dan 1:2Azyalo zibelesyo zyangolida azyansiliva zyaŋanda ya-Leza, Nebukadinezara nzyaakagwisya muntempele yaku-Jerusalemu, nzyaakasisya ku-Babuloni, zibweedezegwe, zipiluke alimwi kuntempele yaku-Jerusalemu, cimwi acimwi kubusena bwaco, zibikwe muŋanda ya-Leza. 6#Ezr 5:3Lino uwe Tatinai, mweendelezi wakutala lyamulonga, a-Setara-bozenai, abeenzinyoko ba-Afarisikai bakutala lyamulonga, amuzwe oko kule. 7Amuleke kukasya milimo yayeeyi iŋanda ya-Leza. Mweendelezi waba-Juda abapati baba-Juda bayake iŋanda eyi ya-Leza mubusena bwayo. 8Alimwi ndamulailila mbumweelede kucitila bapati baba-Juda aba kukubagwasya kuyaka iŋanda ya-Leza. Muleelede kugwisya mali kumbono zyamwami, nkukuti mutelo wakutala lyamulonga, aakuliya bantu aba, kuti batakataazigwi mumilimo. 9Azintu nzibayanda, nkukuti boombe abagutu atubelele kukupaizizya Leza wakujulu, bulotwe, munyo, waini, amafuta, mbubaamba bapaizi baku-Jerusalemu, bapegwe buzuba bumwi abumwi cakutaleka, 10#Ezr 7:23; Jer 29:7; Matl 8:21; Lev 1:9; 1 Tim 2:1,2kuti bapaizizye Leza wakujulu zipaizyo zinunkilila kabotu, akukombela buumi bwamwami abwabana bakwe, 11#Dan 2:5Alimwi ndapa mulazyo wakuti, kufumbwa muntu uusandula ijwi eli, zisamu zigwisigwe muŋanda yakwe akwiimikwa kuti aanzikwe alinzizyo, alimwi iŋanda yakwe ibe mbolezi nkaambo kamakani aya. 12#Dt 12:11; 2 Mak 7:16; Int 132:13Alakwe Leza uubikide izina lyakwe nkuko anyonyoone bami boonse abantu boonse basoleka kusandula aya makani nanka kumwaya eyi iŋanda ya-Leza iili ku-Jerusalemu. Ndime Dariyo. Ndapa mulazyo. Kucitwe obo cakufwambaana.
Iŋanda mbuyakamana kuyakwa
13 #
Job 5:12; Int 9:16; 1 Kor 3:19 Lino Tatinai, mweendelezi wakookuno kutala lyamulonga, a-Setarabozenai abeenzinyina, bakafwambaana kucita mbubonya mbwaakaamba mwami Dariyo. 14#Ezr 5:1,2; 1:1; 4:24; 7:1Bapati baba-Juda bakayaka, nkabela bakacita kabotu nkaambo kakusinsima kwamusinsimi Hagai akwa-Zekariya mwana wa-Ido. Bakayaka mane lumwi bakamana mbubonya mbwaakalailila Leza waIsrayeli, ambubakalaililwa a-Koresi, a-Dariyo, a-Aritasasta mwami wa-Persia. 15Lino iŋanda yakamana kuyakwa mubuzuba bwatatu bwamwezi Ada, mumwaka wamusanu aumwi wabwami bwamwami Dariyo.
16 #
1 Bam 8:63; 2 Mak 7:5; Joh 10:22 Lino bana ba-Israyeli, bapaizi aba-Levi abamwi ibakazwa mubuzike, bakasekelela ipobwe lyakusalazya eyi iŋanda ya-Leza cakukondwa. 17#My 7:2,3; 1 Mak 16:1-3; Ezr 8:35Kupobwe lyakusalazya iŋanda ya-Leza bakatuula zipaizyo, basune bali mwanda, bagutu bali myanda yobile, tubelele tuli myanda yone; ampongo zyacipaizyo cakutontozya cakupaizizya zibi zyaba-Israyeli boonse zyakali ikumi azibili mbubonya mbuli mweelwe wamisyobo yabana ba-Israyeli. 18#1 Mak 24:1; 23:6Alimwi bakabika bapaizi munkamu zyabo, aba-Levi muzyaandaano zyabo, kukucita milimo yakukomba Leza mu-Jerusalemu mbubonya mbukulembedwe mubbuku lya-Musa.
19 #
Kul 12:6
Elyo bana ibakazwa mubuzike bakacita ipobwe lya-Pasika mubuzuba bwakumi aane bwamwezi mutaanzi, 20#2 Mak 29:34; Kul 12:21; 2 Mak 35:11Nkaambo bapaizi aba-Levi bakasalazigwa antoomwe; boonse buyo bakasalala, aboobo bakajaya banyama ba-Pasika; bakajayila bana babuzike boonse abakwabo bapaizi abalo beni. 21#Kul 12:48; Int 93:5Lino bana ba-Israyeli ibakazwa mubuzike, aboonse ibakalipambukanya azintu zisofweede zyabamasi kukuyandaula Jehova Leza wa-Israyeli, bakaiya ipobwe. 22#Kul 12:15; Tus 21:1Alimwi bakacita ipobwe lyazinkwa zitakwe bumena. Bakalya cakukondwa mazuba aali musanu aabili. Nkaambo Jehova wakabapa lukondo kukubasandwida moyo wamwami wa-Asuri kuti ayumye maanza aabo mumilimo yaŋanda ya-Leza, Leza wa-Israyeli.
Currently Selected:
Ezara 6: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
