Ezekieli 40
40
Cilengano cantempele impya
1 #
Ezk 33:21; 1:3 Lino mumwaka wamakumi obile amusanu wabuzike bwesu, kumatalikilo aamwaka, mubuzuba bwakumi bwamumwezi, nkokuti mumwaka wakumi aine kuzwa kuciindi cakuzundwa kwamunzi, mubuzuba obo mbubonya ijanza lya-Jehova lyakali alindime, 2#Ezk 8:3; Ciy 21:10nkabela muzilengano zya-Leza wakandisisya kunyika ya-Israyeli, wanditula atala lyacilundu cilamfu loko. Mpoonya awo kwakaboneka mayake aali mbuli munzi oko kumusanza. 3#Dan 10:6; Ezk 47:3; Ciy 11:1; 21:15Lino naakandisisya nkuko, ndakabona muntu uuli aciwa cili mbuli mukuba, Kajisi lukole mujanza lyakwe, atete lyakweelesya, alimwi kaimvwi mumulyango. 4#Ezk 2:7,8; 3:17; 43:10Oyu muntu wakandaambila kuti, O mwana amuntu, meso aako abone, aalo matwi aako aswiilile, alimwi bika moyo wako kuzintu zyoonse nzensi kutondezye, nkaambo kakuti ncecico ncowaletelwa okuno kuti nkutondezye, Lino zintu zyoonse nzobona, uleelede kuzilwiida luzubo lwa-Israyeli.
5 #
Is 26:1; 1 Bam 6:1-38; 2 Mak 3:1-9 Lino ndakabona bulambo buzyungulukide lubuwa lwaŋanda. Itete lyakweelesya lyakali mujanza lyamuntu oyo lyakali abulamfu bwatukokola tulamfu tuli musanu akamwi, (kakokola komwe nkokuti kakokola abwaamba bwajanza). Nkabela wakeeleka bwaamba bwabulambo, wajana kuti nditete lyomwe, abwalo bwiime nditete lyomwe. 6Mpawo wakasika kumulyango uulangide kujwe, watanta matantilo aawo, wapima cikunguzyo camulyango, wajana kuti bwaamba bwaco nditete lyomwe, acalo dkunguzyo acimwi bwaamba bwaco nditete lyomwe. 7#1 Mak 9:18Atwalo twaanda twakalijisi bulamfu bwatete lyomwe abwaamba bwatete lyomwe, amweenya waakatikati katwaanda wakali tukokola tosanwe. Acalo cikunguzyo camulyango kumbali lyalukonkono lwamulyango wamukati lwakalijisi bwaamba bwatete lyomwe. 8Alimwi wakeeleka lukonkono lwamulyango, 9wajana kuti ntukokola tuli musanu atutatu, aminsende yalo yakali tukokola tobile. Lukonkono lwamulyango lwakali mukati. 10#1 Mak 26:12,13; Lwi 1:4; Neh 13:5,9,12,13; Is 26:20; Jer 35:2Atwalo twaanda twamulyango wakujwe twakali totatwe totatwe; toonse totatwe twakaleelene aminsende yoonse ayalo kielene. 11Lino wakeeleka bwaamba bwamanjililo aamulyango, wajana kuti ntukokola tuli ikumi; abwalo bulamfu bwamulyango bwakali tukokola tuli ikumi atutatu. 12Nkabela kakuli kalambo kamugaano kunembo lyatwaanda; aka kalambo kakajisi kakokola komwe koonse koonse, Atwalo twaanda katujisi tukokola tuli musanu akamwi kumabazu oonse. 13Mpoonya awo wakeeleka mulyango kuzwa kulululi lwakaanda kusikila kulululi lwakaandanyina, bwaamba bwakali tukokola tuli makumi obile amusanu kuzwa kukoma akusikila kukomanyina. 14#Kul 27:9; Lev 6:16; Int 85:4; 84:2; 87:4; 100:4; Is 54:2; 60:8,9; 62:9; Ezk 8:7; 42:1Alimwi wakeeleka lukonkono, tukokola tuli makumi obile; nkabela kakuli lubuwa luzyungulukide lukonkono lwamulyango. 15Kuzwa kunembo lyamanjililo aamulyango kusikila kumamanino aalukonkono lwamulyango wamukati kakuli tukokola tuli makumi osanwe. 16Mutwaanda amuminsende yato, moonse moonse mukati kamulyango, kamuli zipulo zisyanikide. Alwalo lukonkono kalujisi zipulo. Moonse moonse mukati kamuli zipulo. Alimwi aminsende kaali tukunka.
17 #
Ciy 11:2; Ezk 45:5 Lino wakandisisya kulubuwa lwaanze. Oko ndakabona twaanda abbuwa lyamabwe ilyakacitidwe koonse koonse kulubuwa. Ibbuwa lyakalijisi twaanda tuli makumi otatwe. 18Ibbuwa lyakali kulubazu lwamilyango, lyakaleelene abulamfu bwamilyango, nkokuti ibbuwa lyaansi. 19Lino wakeeleka bwaamba kuzwa kunembo lyamulyango waansi kusikila kunembo lyalubuwa lwamukati aanze, tukokola tuli mwanda, kujwe akunyika koonse.
20Mpoonya awo wakandizulwida kuya kunyika, nkabela ndakabona mulyango uulangide kunyika uuli mulubuwa lwaanze. Wakeeleka bulamfu bwawo abwaamba bwawo. 21Twaanda twawo katuli totatwe totatwe, aminsende yawo alukonkono lwawo zyoonse kazyeelene azeezyo zyamulyango mutaanzi; bulamfu bwakali tukokola tuli makumi osanwe, abwaamba bwakali tukokola tuli makumi obile amusanu. 22Azyalo zipulo zyawo alukonkono lwawo atukunka twawo, zyoonse kazyeelene azeezyo zyamulyango uulangide kujwe, alimwi kakuli matantilo aali musanu aabili aakutanta kulinguwo, alukonkono lwawo lwakali mukati. 23Nkabela kakuli mulyango wakunjila mulubuwa lwamukati uulangene amulyango umwi, kulubazu lwakunyika akulubazu lwakujwe koonse. Lino wakeeleka kuzwa kumulyango kusikila kumulyangonyina, tukokola tuli mwanda.
24Lino wakandizulwida kumusanza, nkabela oko kumusanza ndakabona mulyango, Elyo wakeeleka minsende yawo alukonkono lwawo. Zyoonse kazyeelene azyeenzinyina, 25#1 Bam 6:4; Is 54:12Koonse koonse kulinguwo alukonkono lwawo kakuli zipulo mbubonya mbuli zimwi zyaambwa kale. Bulamfu bwakali tukokola tuli makumi osanwe, abwaamba bwakali tukokola tuli makumi obile amusanu. 26Kakuli matantilo aali musanu aabili aakutantila kulinguwo, alukonkono lwawo lwakali mukati, alimwi aminsende yawo akali tukunka, kamwi oko akamwi oko. 27Akwalo kulubazu lwakumusanza lwalubuwa lwamukati kakuli mulyango, nkabela wakeeleka kuzwa kumulyango akusikila kumulyangonyina oko kumusanza, tukokola tuli mwaanda.
28Lino wakandisisya kulubuwa lwamukati kumuiyango wakumusanza, weeleka mulyango wakumusanza; kuuelene aimwi. 29#1 Bam 6:5-10; 1 Mak 28:11,12; 2 Mak 3:9; 31:11; Neh 10:38,39; 12:44; 13:5,9,12,13; Jer 35:2; 36:10Twaanda twawo aminsende yawo alukonkono lwawo, zyoonse buyo kazyeelene azimwi, alimwi koonse koonse kakuli zipulo kulinguwo akulukonkono lwawo. Bulamfu bwakali tukokola tuli makumi osanwe, abwaamba bwakali tukokola tuli makumi obile amusanu. 30Alimwi kumabazu oonse kakuli inkonkono; lumwi alumwi kalujisi bulamfu bwatukokola tuli makumi obile amusanu abwaamba bwatukokola tosanwe. 31#Int 92:12; Lwi 7:7; Jer 10:5Lukonkono lwawo kalulangide lubuwa lwaanze. Aminsende yalo akali tukunka, Alimwi kuujisi matantilo aali musanu aatatu.
32Lino wakandisisya kulubuwa lwamukati kulubazu lwakujwe, weeleka mulyango, wajana kuti kuuelene aimwi. 33Twaanda twawo, minsende yawo, alukonkono lwawo, zyoonse kazyeelene azimwi. Akooko kulinguwo akulukonkono lwawo kakuli zipulo koonse koonse. Bulamfu bwakali tukokola tuli makumi osanwe, abwaamba bwakali tukokola tuli makumi obile amusanu. 34Lukonkono lwawo kalulangide alubuwa lwaanze. Aminsende yawo akali tukunka, kamwi oko akamwi oko. Alimwi kuujisi matantilo aali musanu aatatu,
35Lino wakandisisya kumulyango wakunyika, weeleka, wajana kuti uli mbubonya mbuli imwi. 36Twaanda twawo aminsende yawo alukonkono lwawo, zyoonse zyakaleelene azimwi. Kumabazu oonse kuujisi zipulo. Bulamfu bwakali tukokola tuli makumi osanwe, abwaamba bwakali tukokola tuli makumi obile amusanu. 37Lukonkono lwawo kalulangide lubuwa lwaanze; aminsende yawo akali tukunka, kamwi oko akamwi oko; alimwi kuujisi matantilo aali musanu aatatu,
38 #
Lev 1:9; 3:11; Heb 9:14 Nkabela kakuli kaanda amulyango wako mulukonkono lwamulyango. Nkukonya oko nkobakali kusanzizya zipaizyo. 39#Lev 4:2,3; 5:6; 6:6; 7:1; 14:12,13; 19:21,22; Is 53:5; 2 Kor 5:21; Tit 2:14; Heb 10:12-14; 1 Pet 1:18,19; Ciy 5:9; My 6:12; Ezk 42:13; 44:29Alimwi mulukonkono lwamulyango kamuli intafule, zyobile zyobile kumabazu oonse obile. Alinzizyo mpobakali kujayila zituuzyo azipaizyo zyazibi azipaizyo zyamilandu. 40Alimwi anze, kumatantilo aakuya kumanjililo aamulyango wakunyika, kakuli intafule zyobile, akwalo kulubazu alumwi lwalukonkono lwamulyango kakuli intafule zyobile. 41Kakuli intafule zyone kulubazu lumwi antafule zyone kulubazu lumwi, kumbali lyamulyango, nkokuti intafule zili musanu azitatu nkobakali kujayila zipaizyo. 42Alimwi kakuli intafule zyone zibezedwe amabwe zyazituuzyo. Bulamfu bwazyo bwakali kakokola acisela, abwaamba bwakali kakokola acisela, abwiime bwakali kakokola komwe, Alinzizyo mpobakali kubika zibelesyo zyakujazya zituuzyo azipaizyo. 43Nkabela moonse moonse mukati kamukankamidwe twaanzikilo, itwakali abulamfu bwabwaamba bwajanza. Alimwi antafule mpobakali kubika nyama yazituuzyo.
44 #
1 Mak 6:31; Kol 3:16; Ef 5:19 Lino kuzwa anze wakandisisya mulubuwa lwamukati, Omo mulubuwa lwamukati ndakabona twaanda tobile, kamwi kali kumbali lyamulyango wakunyika, kakalangide kumusanza, akamwi kali kumbali lyamulyango wakumusanza, kakalangide kunyika. 45#Lev 8:35; My 3:7; Dt 11:1; 1 Bam 2:3; Ciy 1:6Lino wakandaambila kuti, Aka kaanda kalangide kumusanza nkabapaizi, basikulindila iŋanda. 46#My 18:5; 1 Bam 2:35; Ezk 44:15; 43:19; Ef 2:17; Kol 4:12Akaanda kalangide kunyika nkabapaizi basikulindila cipaililo, nkokuti bana ba-Zadoki, nkaambo mbembabo balike akati kabana ba-Levi bakonzya kuswena kuli-Jehova kukumupaizizya. 47Mpoonya awo wakeeleka lubuwa. Bulamfu bwakali tukokola tuli mwanda, abwaamba bwakali tukokola tuli mwanda; lwakali azyooko zyone, abulamfu kabweelene abwaamba. Acalo cipaililo kaciimvwi kunembo lyaŋanda.
48Lino wandisisya kulukonkono lwaŋanda, weeleka minsende yaluko-nkono, tukokola tosanwe kumabazu oonse obile. Nkabela bwaamba bwamulyango bwakali tukokola tuli ikumi atone, arulyango twakulubazu twakali tukokola totatwe, kamwi oko akamwi oko. 49#1 Bam 6:3; 7:21Alimwi bulamfu bwalukonkono bwakali tukokola tuli makumi obile, abwaamba bwakali tukokola tuli ikumi atubili, Kalujisi matantilo aali ikumi aakutanta. Alimwi minsende kiijisi zimikilo, cimwi oko acimwi oko.
Currently Selected:
Ezekieli 40: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
