Ezekieli 41
41
Intempele amayake aayo mbuzyahabede
1 #
Zek 6:12; Mt 16:18; 1 Kor 3:16; 2 Kor 6:16; Ef 2:21; Ciy 3:12 Lino wakandisisya kuntempele, weeleka minsende; bwaamba bwakali tukokola tuli musanu akamwi kulubazu lumwi, atukokola tuli musanu akamwi kulubazu lumwi. 2Alimwi bwaamba bwamanjililo bwakali tukokola tuli ikumi, atwalo tulyango twamanjililo twakali tukokola tosanwe tosanwe kumabazu oonse ebile. Elyo wakeeleka bulamfu bwantempele, tukokola tuli makumi one, abwaamba bwayo, tukokola tuli makumi obile. 3Alimwi wakanjila mukati, weeleka minsende yamanjililo, tukokola tobile; abwalo bwaamba bwamanjililo, tukokola tuli musanu akamwi; amalambo aakumbali lyamanjililo akali tukokola tuli musanu atubili oku akooku. 4#1 Bam 6:20; 2 Mak 3:8; Ciy 21:2,3,16,17Lino wakeeleka bulamfu bwaŋanda, tukokola tuli makumi obile, abwalo bwaamba bwayo, tukokola tuli makumi obile, kunembo lyantempele, nkabela wakandaambila kuti, Mbuboobu busena busalalisya.
5Lino wakeeleka bulambo bwaŋanda, tukokola tuli musanu akamwi; abwalo bwaamba bwatwaanda twakulubazu, tukokola tone, koonse koonse cakuzyunguluka iŋanda. 6#1 Bam 6:5,6Twaanda twakulubazu twakali totatwe totatwe atala lyatweenzinyina, amakumi otatwe mumulongo umwi aumwi. Alimwi koonse koonse kubulambo bwantempele kakuli zijatilizyo zyakutabilizya twaanda twakulubazu kuti tutabililwe abulambo bwaŋanda. 7Twaanda twakali kuya bukomena mujulu, mbubonya mbuli zijatilizyo mbuzyakali kuya bukomena kujulu. Alimwi kulubazu lwaŋanda kakuli citantilo, aboobo cakakonzeka kutanta kuzwa ansi kusikila akatikati akuzwa akatikati kusikila kujulu. 8#Is 28:16; Ezk 40:5Lino ndakabona kuti iŋanda kiijisi lukonkono lwakujulu kumabazu oonse. Nkabela intalisyo zyatwaanda twakulubazu kazijisi bulamfu bwatete lizwide, nkokuti tukokola tupati tuli musanu akamwi. 9Indiya yabulambo bwakukaanda kakulubazu anze yakali tukokola tosanwe, acalo cipanzi calukonkono icakasiidwe cakali tukokola tosanwe. Alimwi akatikati kalukonkono lwaŋanda, 10atwaanda twakulubuwa kakuli bwaamba bwatukokola tuli makumi obile koonse koonse kumabazu oonse. 11Nkabela milyango yatwaanda twakulubazu katulangide busena ibwakasyeede; mulyango umwi kaulangide kunyika, amulyango umwi kaulangide kumusanza; alimwi bwaamba bwabusena ibwakasyeede bwakali tukokola tosanwe kumabazu oonse.
12Mayake aalangide lubuwa kulubazu lwakumbo kaajisi bwaamba bwatukokola tuli makumi aali musanu aabili, abulambo bwamayake kabujisi indiya yatukokola tosanwe koonse koonse, abulamfu bwabo bwakali tukokola tuli makumi aali musanu aane.
13Lino wakeeleka iŋanda, Bulamfu bwayo bwakali tukokola tuli mwanda: alwalo lubuwa amayake aalo amalambo aalo, bulamfu bwalo bwakali tukokola tuli mwanda. 14Abwalo bwaamba bwaŋanda alubuwa lwayo lwakujwe kabuli tukokola tuli mwanda.
15Elyo wakeeleka bulamfu bwamayake aalangide lubuwa ilwakali kusule, anzila zyao kumabazu oonse obile, tukokola tuli mwanda. Nkabela intempele acikombelo camukati ankonkono zyalubuwa lwaanze, 16#1 Bam 7:4; Is 54:12; Ezk 40:16; 1 Kor 13:12zyoonse zyakalinamatikilidwe zisamu. Zyoonse zyotatwe kazijisi zipulo zisyanikide kumabazu oonse, alimwi moonse moonse mukati kamunamatikidwe azisamu, kuzwa ansi kusikila kuzipulo, (azyalo zipulo kazivumbidwe), 17akusikila ajulu lyamulyango, kuŋanda yamukati aanze oonse. Alimwi amalambo, muŋanda yamukati aanze, akali zikozyano zibezedwe kumabazu conse, 18#Matl 3:24; Kul 25:22; 1 Sam 4:4; 2 Sam 22:11; 1 Bam 6:29; 2 Mak 3:10; Int 80:1; 99:1; Ezk 10:2,14; 1:10; Ciy 4:7-9nkukuti zikozyano zyabaangelo bakerebimu azyatukunka, kakunka komwe komwe akati kabakerebimu. Nkabela kerubu umwi aumwi kajisi masyu obile, 19busyu bwamuntu bulangide kukakunka kamwi, abusyu bwamulavu bulangide kukakunka kakulubazu lumwi. Mbuzyakabede moonse moonse muŋanda. 20Kuzwa ansi kusikila ajulu lyamulyango, koonse koonse kakubezedwe bakerebimu atukunka abulambo.
21Lino intempele, minsende yayo azikunguzyo zyayo zyakali azyooko zyone zyeelene, alimwi kunembo lyabusena busalala kakuli cintu cili mbuli cipaililo cazisamu; 22#Kul 30:1,8; 1 Bam 7:48; 2 Mak 4:19; Ciy 8:3; Tus 9:2; Lwi 1:12; Ezk 44:16; Mal 1:7,12bwiime bwaco bwakali tukokola totatwe, abulamfu bwaco bwakali tukokola tobile, abwaamba bwaco bwakali tukokola tobile. Zyooko zyaco amatako aaco amalambo aaco, zyoonse zyakali zyazisamu. Lino wakandaambila kuti, Njeeyi intafule iili kubusyu bwa-Jehova. 23#1 Bam 6:31-35Nkabela intempele acikombelo cisalalisya kazijisi milyango yobile. 24Mulyango umwi aumwi kaujisi makoma obile, makoma aaliyumba, makoma obile kumulyango umwi aumwi. 25Amakoma aantempele akalibezedwe bakerebimu atukunka mbubonya mbuli ezyo izyakali amalambo, alimwi kunembo lyalukenkono lwaanze kakuli kaluli kazisamu. 26#Ezk 40:16Nkabela kumabazu conse obile aalukonkono kakuli zipulo zisyanikide atukunka. Mbutwakabede twaanda twakulubazu lwaŋanda atululi.
Currently Selected:
Ezekieli 41: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
