Ezekieli 42
42
Twaanda twabapaizi
1 #
Ezk 40:1; 41:1; 2 Kor 3:5; Ciy 11:2 Lino wakandisisya kulubuwa lwaanze kulubazu lwakunyika. Nkabela wakandileta kutwaanda tulangide lubuwa, tulangide mayake aakulubazu lwakunyika. 2Bulamfu bwamayake aakulubazu lwakunyika bwakali tukokola tuli mwanda, abwaamba bwakali tukokola tuli makumi osanwe. 3Mubusena bulangene tukokola tuli makumi obile twalubuwa lwamukati, bulangene ibbuwa lyakulubuwa lwaanze, kamuli inzila mumilongo yoonse yotatwe. 4Alimwi kunembo lyatwaanda kakuli mwenya wakwiinda mukati; bwaamba bwawo bwakali tukokola tuli ikumi, abulamfu bwawo bwakali tukokola tuli mwanda, amilyango kiilangide kunyika. 5Nkabela twaanda twakujulu twakafwimpa-fwimpa nkaambo inzila yakatola busena kulintuto kwiinda kutwaanda twaansi atwaakati. 6Nkaambo twakali mumilongo yotatwe, alimwi katujisi minsende mbuli minsende yalubuwa lwaanze; nkambo kako twaanda twakujulu twakalisyanikide kwiinda twaanda twaansi atwaakati. 7Alimwi kakuli lubaya anze lulangide twaanda, kumbali lyalubuwa lwaanze, lulangide twaanda. Bulamfu bwalo bwakali tukokola tuli makumi osanwe. 8Nkaambo bulamfu bwatwaanda twakulubuwa lwaanze bwakali tukokola tuli makumi osanwe, atootu tuli kunembo lyantempele twakali tukokola tuli mwaanda. 9Alimwi kunsi lyatwaanda otu kakuli manjililo kujwe, nkonkuko nkobakali kunjilila kuzwa kulubuwa lwaanze; lubaya nkolwakagolela,
10Alimwi kulubazu lwakumusanza, kunembo lyalubuwa, kunembo lyamayake, akooko kakuli twaanda, 11anzila kunembo lyato; twakali mbubonya mbuli twaanda twakunyika; bulamfu bwato abwaamba bwato, manjililo aato abube bwato amilyango yato, muzintu zyoonse katukozyene atumwi. 12Akunsi lyatwaanda twakumusanza kakuli manjililo kulubazu lwakujwe, nkukonya oko mwenya wakwiinda nkuunjililwa, akulubazu lulangene kakuli lubaya lwakwaandaanya.
13 #
Kul 30:20; Lev 10:3; My 16:5,40; 18:9; Dt 21:5; Ezk 40:46; Lev 6:16; 24:9; 2:3 Lino wakandaambila kuti, Oto twaanda twakunyika atwakumusanza ntwaanda tusalala; mulintuto bapaizi baswene kuli-Jehova mobalida zintu zisalalisya. Mumonya omo mobabika zintu zisalalisya, nkokuti cipaizyo cabusu acipaizyo cazibi acipaizyo camilandu, nkaambo omo mbusena busalala. 14#Kul 28:40-43; 29:4-9; Lev 8:7,13; Ezk 44:19Bapaizi banjila buyo mubusena busalala, tabeelede kuzwa alimwi kukunjila mulubuwa lwaanze cita bataangune kusamununa zyakusama nzibakasamide ciindi cakucita milimo, nkaambo zilasalala. Baleelede kusama zyakusama zimbi nibatana kusika kufwaafwi kubantu.
Mitwe yamakani aakweeleka intempele
15Amane buyo kweeleka iŋanda yamukati, wakandiinzya kumulyango uulangide kujwe, weeleka cakuzyunguluka. 16Wakeeleka lubazu lwakujwe atete lyakweelesya, wajana kuti ntukokola tuli myanda yosanwe kukweeleka kwatete. 17Lino wakeeleka lubazu lwakunyika, wajana kuti ntukokola tuli myanda yosanwe kukweeleka kwatete. 18Alimwi wakeeleka lubazu lwakumusanza, wajana kuti ntukokola tuli myanda yosanwe kukweeleka kwatete. 19Kuzwa oko wakapilukila kumbo, weeleka lubazu lwakumbo, wajana kuti ntukokola tuli myanda yosanwe kukweeleka kwatete. 20#Is 5:2; 2 Kor 6:17; Ezk 40:5; 45:2Kumabazu oonse one wakeeleka. Kakuli bulambo bwakuzyunguluka koonse Koonse, kabujisi bulamfu bwatukokola tuli myanda yosanwe abwaamba bwatukokola tuli myanda yosanwe. Mbombubo bupambukanya zintu zisalala azintu zyabuyo.
Currently Selected:
Ezekieli 42: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
