Mukambausi 1
1
Zintu zyoonse zyaansi nzyabuyo
1Ngaaya majwi aa-Mukambausi, mwana wa-Davida, mwami waku-Jerusalemu.
2 #
Int 39:5; 62:9,10; Muk 4:4-6; Rom 8:20 Nzyabuyobuyo! mbwaamba Mukambausi, Nzyabuyobuyo! Zyoonse nzyabuyo, 3#Muk 3:9Muntu ulajana impindunzi kumilimo yakwe yoonse njaabeleka ansi? 4#Int 104:5; 2 Pet 3:10Musela umwi ulamana, kulasika umbi, pele nyika inookede lyoonse. 5#Int 19:5Izuba lilazwa, izuba lilabbila, lilafwambaana kupiluka oko nkulyazwida. 6#Joh 3:8Muuwo ulaunga kumusanza, alimwi ulapiluka akuunga kunyika; muuwo ulazyunguluka mukweendeenda kwawo, ulapiluka nkowakatalikila. 7#Job 38:10; Int 104:8Milonga yoonse ilatola kulwizi lupati, nekubaboobo lwizi taluzuli: milonga ilapiluka nkukonya oko nkuyakatalikila. 8#Muk 3:1; Tus 27:20Zintu zyoonse zyakataala, citaambiki. Liso talikonzyi kulamwa kukubona kwalyo, akwalo kutwi takukonzyi kukuta kukuswiilila. 9#Matl 8:22; Muk 3:15Icakaba kale nceciyooba, icakacitika kale nceciyoocitwa. Taakwe cintu niciba comwe cipya ansi ano. 10Sa nkucili cintu caambwa kuti, Bona, eci ncipya? Ncobeni cakaba kale muziindi zyakamana. 11Bantu baciindi tabaciyeeyegwi, abaabo baciboola tabakooyooyeeyegwa kulibaabo beza kusule lyabo.
Mukambausi mbwaakayeeya-yeeya makani
12Mebo nde-Mukambausi ndakali mwami wa-Israyeli mu-Jerusalemu. 13#Matl 3:19; Muk 3:10Lino ndakabika moyo wangu kukuyandaula busongo bwakupandulula zintu zyoonse zicitika ansi ano. Ilakataazya milimo Leza njapa bana baAdamu kuti baibeleke. 14Ndabona zintu zyoonse zicitwa ansi ano. Ncobeni zyoonse nzyabuyo, tazikutyi moyo. 15#Muk 7:13Cintu cipilingene tacikonzyi koololoka, acintu cibulika tacikonzyi kubalwa.
16 #
1 Bam 4:29-31; 3:12; Muk 2:9 Ndakaamba mumoyo wangu kuti, Ncobeni ndajana busongo kwiinda boonse ibakanditaangunina kweendelezya mu-Jerusalemu, amoyo wangu ulibwene maanu manji aluzibo lunji 17#Muk 2:3; 1 Tes 5:21Ndakabika moyo wangu kuti mbe aluzibo abusongo, akuziba bufubafuba mbububede, pele ndajana kuti eci acalo tacikutyi moyo. 18#Job 28:28; Muk 7:16; 1 Kor 1:20Nkaambo mubusongo bunji muli buusu bunji, ayooyo uuliyungizizya luzibo nguuliyungizizya mapenzi.
Currently Selected:
Mukambausi 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
