Tusimpi 31
31
Majwi aa-Lemueli
1Ngaaya, majwi aamwami Lemueli, cilengano ncebakamwiiyisya banyina,
2Webo mwanaangu!
Webo mwana ngundakazyala!
Webo mwana wazikonke zyangu!
3 #
Dt 17:17; Neh 13:26; Tus 7:26; Hos 4:11 Utaabili banakazi inguzu zyako,
Neziba inzila zyako kulibaabo banyonyoona bami,
4 #
Muk 10:17
Tacili cibotu kubami, O Lemueli,
Tacili cibotu kubami kunywa waini;
Azyakunywa zikola tazyeelede beendelezi;
5 #
Hos 4:11
Nkaambo na banywa, ambweni balaluba milumbe,
Akutabeteka kabotu makani aabantu bapengede.
6 #
Int 104:15
Muntu uuli mukunyonyooka apegwe zikola,
Ayooyo uupengede mumoyo apegwe waini,
7Kuti anywe akuluba mapenzi aakwe,
Atayeeyi limbi mafwabi aakwe.
8Asamina basyataambi amulomo wako,
Beteka kabotu makani aabaabo basi nyonyooke.
9 #
Lev 19:15; Dt 1:16; 2 Sam 8:15; Is 1:17,23; Zek 7:9; Joh 7:24; Heb 1:9; Tus 21:13; Jer 22:16 Asama amulomo wako; beteka cakululama;
Beteka makani aabacete abapengede.
Mwanakazi mubotu mbwabede
10Ngwani uukonzya kujana mwanakazi mubotu?
Ulayandika loko kwiinda mabwe aarubi.
11Moyo wamulumaakwe ulamusyoma;
Takooyoobula impindu pe,
12Ulamucitila kabotu, tamubisizyi pe,
Mazuba oonse aabuumi bwakwe,
13Ulayandaula boya bwambelele abutonge,
Ulazibelesya amaanza masungu.
14Uli mbuli maato aabasambazi
Ulagwisya zilyo zyakwe kule.
15 #
Rom 12:11; Mt 24:45; Lk 12:42 Ulafuma kubuka kubucedo,
Ulaabila basiŋanda bakwe zilyo,
Akupa basimbi bakwe milimo,
16Ulayeeya muunda, akuula;
Ulabyala muunda wamasaansa amicelo yamaanza aakwe.
17Ulaanga cikungu cakwe anguzu,
Ulayumya maboko aakwe,
18Ulabona kuti zyakusambala zyakwe nzibotu,
Alampi lyakwe talizimi masiku.
19Ulabika ijanza lyakwe kumusako wakoosya,
Maanza aakwe alajata cipesyo,
20Ulafumbatwida bacete,
Ulatandabika maanza aakwe kukugwasya bapengede.
21Tayooweii basiŋanda bakwe ciindi campeyo,
Nkaambo basiŋanda bakwe boonse balisamine zisani zisalala pyu.
22Ulalicitila zyakulivumbya;
Zyakusama zyakwe nzyamasani mabotu amasani aakamwemvwe,
23 #
Dt 16:18; Tus 12:4; 1 Kor 11:7 Mulumaakwe ulizibidwe kumilyango,
Naakala akati kabapati banyika,
24Ulatunga zikobela zyabutonge akuzyuuzya,
Ulaabila basambazi inkumba.
25 #
1 Tim 2:9,10 Ulisamine inguzu abulemu;
Ulaseka buyo mazuba aali kunembo,
26Ulaasama amulomo wakwe cabusongo;
Mulao waluzyalo uli kululimi lwakwe.
27 #
Tus 14:1; 1 Tim 5:14; 2 Tim 3:15; Tit 2:4,5 Ulalanga kabotu kweenda kwabasiŋanda bakwe;
alyi cilyo cabutolo.
28 #
1 Bam 2:19
Bana bakwe balabuka akumulongezya;
Alakwe mulumaakwe ulamutembaula;
29Ulati, Banakazi banji bacita kabotu,
Pele yebo wabainda boonse.
30 #
Int 112:1
Kubotezya kuleena, akweebeka nkwabuyo,
Pele mwanakazi uuyoowa Jehova uli acoolwe.
31Apegwe micelo yamaanza aakwe,
Amilimo yakwe imutembaule mumilyango.
Currently Selected:
Tusimpi 31: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
