Mukambausi 2
2
1 #
Int 10:6,11; Lk 12:19; Is 50:11 Lino ndakaamba mumoyo wangu kuti, Boola usole kukondwa akubona bubotu. Pele ndakajana kuti eci acalo ncabuyo. 2#Tus 14:13; Muk 7:6; Is 22:12,13; Am 6:5,6Kusekaseka, ndakaamba kuti, Nkusondoka buyo; akukondwa, ndakaamba kuti, Kulagwasya nzi? 3#Muk 1:17; Is 22:13; Am 6:3-6; 1 Pet 4:3Lino mumoyo wangu ndakali kuyandaula kubotezya-botezya mubili wangu awaini, nekuba kuti ndakali kulyeendelezya cabusongo, akujata bufubafuba, mane nkabone na ncinzi cintu cibotela bantu, ncibeelede kucita ansi ano, mumazuba mace aabuumi bwabo. 4#1 Bam 10:23-27; 2 Mak 9:22-27Ndakacita milimo mipati. Ndakaliyakila maanda akulibyalila myuunda yamasaansa. 5Ndakalicitila myuunda amakwa, akubyala mumonya omo misyobo yoonse yamisamu yamicelo. 6Ndakalicitila maziba aamaanzi aakutilaila misamu njendakabyala. 7#1 Bam 4:23Ndakavuba bazike baalumi abanakazi, alimwi ndakalijisi bazike ibakazyalwa muŋanda yangu. Alimwi ridakavuba iŋombe ambelele zinji loko kwiinda boonse ibakanditaangunina mu-Jerusalemu. 8#1 Bam 10:10,14-22; 9:28Alimwi ndakalijanina insiliva angolida azintu ziyandika zyabami azyazisi zimbi. Ndakavuba basikwiimba, baalumi abanakazi, azintu zibotezya bantu, nkokuti ziimbyo zinji zyamisyobo misyobo. 9#1 Mak 29:25; Muk 1:16Aboobo ndakali kuya bukomena kwiinda boonse ibakanditaangunina mu-Jerusalemu, abwalo busongo bwangu bwakaciliwo. 10#Muk 3:22Kufumbwa cintu meso aangu ncaakali kuyanda, teendakali kwaakasya pe. Teendakakasya moyo wangu kucita neciba comwe cibotezya, nkaambo moyo wangu wakali kukondwa kumilimo yangu yoonse, Mbubulumbu mbundakajana kumilimo yangu yoonse. 11Pele nindakayeeya milimo yoonse yamaanza aangu, amakataalo oonse aakwiicita, ndakabona kuti zintu zyoonse nzyabuyo. Tazigwasyi pe, taakwe impindu zijanika ansi ano.
12 #
Muk 1:17
Mpoonya awo ndakatalika kuyeeya makani aabusongo abufubafuba abusondosi mbwaabede. Muntu uulya izina lyamwami acitenzi? Taakwe cintu ncaakonzya kucita pele ezyo zyakacitwa kale. 13Lino ndakabona kuti busongo bulainda bufubafuba, mbubonya mbuli mumuni mbuuinda mudima. 14#Muk 8:1; 9:2Musongo uli ameso mumutwe wakwe, anukuti mufubafuba uleenda mumudima, nekubaboobo ndizi kuti cintu comwe cilabasikila boonse, 15Lino ndakaamba mumoyo wangu kuti, Cintu eco nciconya cisikila mufubafuba cilandisikila ambebo. Ino cilandigwasya buti kuba abusongo bunji? Ndakaamba mumoyo wangu kuti, Eci acalo ncabuyo. 16Nkaambo musongo tayeeyegwi lyoonse, mbubonya mbuli mufubafuba. Mumazuba aaboola boonse buyo banooyoolubidwe, Ma! Musongo ulafwa mbubonya mbuli mufubafuba. 17Aboobo ndakasula buumi, nkaambo milimo yoonse iicitwa ansi yakandikataazya. Zyoonse nzyabuyo, tazikutyi moyo pe.
18 #
Int 49:10
Ndakasula milimo yangu yoonse njindakabeleka ansi ano, nkaambo ndakaziba kuti njocisiila oyo uulya izina lyangu. 19#1 Bam 12:13; 1 Tim 6:10Takuzibwi na oyo muntu ulaba musongo na mufubafuba, nekubaboobo uyookona zintu zyoonse nzindakajana kumilimo yangu akubusongo bwangu ansi ano. Eci acalo ncabuyo. 20Mpawo ndakasi fwidwe lusyomo mumakani aamilimo yangu yoonse njindakabeleka ansi ano. 21Nkaambo muntu uubeleka cabusongo acaluzibo acamaanu ulasia impindu yakwe yoonse mumaanza aamuntu iwatakaibelekela. Eci acalo ncabuyo, ncibi loko, 22#Muk 1:3Muntu ulajana impindunzi kumilimo yakwe yoonse akukulipenzya kwakwe koonse ansi ano? 23#Job 5:7; 14:1Nkaambo mazuba aakwe oonse alizwide mapenzi, amilimo yakwe ilakataazya. Akuciindi camasiku moyo wakwe tuukede cakuliiba. Eci acalo ncabuyo.
24 #
Muk 3:13; 5:17; 9:7; Is 56:12; Lk 12:19; 1 Kor 15:32 Taakwe cintu cibotu kwiinda eci: muntu alye akunywa akulikondezya mumilimo yakwe. Aceeci acalo, ndakabona kuti cilazwa kumaanza aa-Leza, 25nkaambo taakwe uukonzya kulya akulibotezya kunze lya-Leza, 26#Job 32:8; Tus 2:6Nkaambo muntu uumubotezya, Leza ulamupa busongo aluzibo akukondwa, pele sizibi, ulamupa milimo yakulundika imbono kuti azisiile muntu mubotu mumeso aa-Leza. Eci acalo ncabuyo, tacikutyi moyo.
Currently Selected:
Mukambausi 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
