Mukambausi 3
3
Zintu zyoonse zilijisi ciindi cazyo, Leza ngowakazibika
1 #
Muk 8:6
Zintu zyoonse zilijisi ciindi cazyo, amakani oonse aansi alijisi mazuba aao: 2#Matl 47:29; Job 7:1; Is 38:1; Joh 11:14; Heb 9:27ciindi cakuzyalwa aciindi cakufwa, ciindi cakuzikila aciindi cakunonkola cizikidwe, 3#Matl 9:6; 1 Sam 2:6; Hos 6:1,2ciindi cakujaya aciindi cakusilika, ciindi cakumwaya aciindi cakuyaka, 4#Kul 15:20; 2 Sam 6:16; Int 149:3ciindi cakulila aciindi cakuseka, ciindi cakoomoka aciindi cakuzyana, 5ciindi cakusowa mabwe aciindi cakubungika mabwe, ciindi cakukumbata aciindi cakulikasya kukumbata, 6ciindi cakuyandaula aciindi cakuswekelwa, ciindi cakubamba aciindi cakusowa, 7#Am 5:13ciindi cakuzapaula aciindi cakusuma, ciindi cakuumuna aciindi cakwaamba, 8#Lk 14:26ciindi caku yanda aciindi caku sula, ciindi cankondo aciindi caluumuno. 9#Muk 1:3Ino muntu ulajana impindunzi kumilimo yakwe njabeleka?
10 #
Muk 1:13
Ndibwene milimo Leza njaakapa bana ba-Adamu kuti baibeleke. 11#Dt 32:4; Muk 8:17; Rom 11:33Wacita kuti zintu zyoonse zibote kuziindi zyazyo zyeelede. Wabika bulangizi bwabuumi buteeli mumyoyo yabo, nekubaboobo muntu takonzyi kumvwisya milimo yoonse Leza njaakacita kuzwa kumatalikilo kusikila kumamanino. 12Ndizi kuti taakwe cintu cibotela bantu kwiinda eci: kukondwa akulibotezya mubuumi bwabo. 13#Muk 2:24Alimwi cipo ca-Leza nceeci: kuti muntu alye akunywa akukondwa mumilimo yakwe yoonse, 14#Jak 1:17Ndizi kuti zintu zyoonse nzyacita Leza tazimani; taakwe muntu uukonzya kuziyungizizya nanka kugwisya cintu kulinzizyo; Leza wakacita obo kuti bantu bamuyoowe. 15#Muk 1:9Zintu ziliwo zyakaba kale, azeezyo ziyooba azyalo zyaba kale, azintu zitandidwe kale Leza ulaziyandaula.
16 #
Muk 5:8
Alimwi ndakabona kuti, ansi ano, mubusena bwakubeteka muli bubi, amubusena bwabululami muli bubi. 17#Job 34:11; Mt 16:27; Rom 2:6; 2 Kor 5:10; 2 Tes 1:6Lino ndakaamba mumoyo wangu kuti, Leza uyoobeteka baluleme abasizibi boonse, nkaambo zintu zyoonse zili aciindi cazyo, makani oonse alibikilidwe ciindi. 18Nkabela mumoyo wangu ndakaamba aabana ba-Adamu kuti Leza ulabatondezya mbubabede, bazibe kuti bali mbuli banyama buyo. 19#Int 49:12Nkaambo cintu cisikila bantu, abanyama cilabasikila. Balo balafwa, abalo balafwa mbubonya, Boonse balijisi muuya omwe, nkabela muntu tali mubotu kwiinda banyama, nkaambo boonse mbabuyo. 20#Matl 3:19Boonse balaya kubusena bomwe. Bakazwa kubulongo, alimwi balapiluka kubulongo. 21Taakwe muntu uuzi na muuya wamuntu ulaya kujulu, amuuya wabanyama na ulaya ansi kubulongo. 22#Muk 2:10Aboobo ndibwene kuti taakwe cintu cibotela muntu kwiinda eci: muntu alibotezye mumilimo yakwe, nkaambo ncaabilo cakwe. Taakwe muntu uukonzya kumutondezya makani aaboola.
Currently Selected:
Mukambausi 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
