2 Ba-Tesalonika 2
2
Aakuboola kwa-Mwami. Kuleelede kusaanguna kuba luleyo
1 #
1 Tes 4:15-17
Lino bakwesu, tulaamba makani aakuboola kwa-Mwami wesu Jesu Kristo akuyoboloka kwesu kwakuyoomucinga. Tulamukumbila 2kuti mutafwambi kuzungaana kumyoyo yanu, alimwi mutayoosegwi, nokuba kumuuya nokuba kujwi nokuba kulugwalo lubaanga luzwa kulindiswe, cakuyeeya kuti buzuba bwa-Mwami buliswenede kale. 3#1 Tim 4:1; Joh 17:12; 1 Joh 2:18; 4:3Kutabi muntu uumweena kufumbwa muciyanza cili buti, nkaambo tabukooyoosika cita lukasaangune kuba luleyo, alimwi uyooyubunuka muntu mubi, mwana walunyonyooko. 4#Dan 11:36; Ezk 28:2Oyu ngusinkondonyina Leza, uulisumpula ajulu lyazyoonse zyaambwa Leza na zikombwa, waba uukala muntempele ya-Leza, walyaamba kuti, Ndime Leza.
5Sa tamwiibulukwi mbuli mbundakamwaambila aya makani nendakacili anywe? 6Lino mulicizi cintu cimukasya kuti atayubunuke nocitana kusika ciindi cakwe ceelede. 7#Inc 20:29Nkaambo Makani aasisidwe aakusotoka milao alacita-cita kale, pele taakonzyi kuzukulika mane do akagwisigwe oyo uukasya, 8#Is 11:4; Job 4:9; Ciy 19:15,20elyo nayooyubununwa sikusotoka milao, ngwayoonyonyoona Mwami Jesu a-Muuya wamulomo wakwe, akumulobya akulibonya kwakuboola kwakwe.
9 #
Mt 24:24; Ciy 13:11-13 Oyu sikusotoka milao uyooza akubeleka kwa-Saatani, anguzu zyamisyobo misyobo azitondezyo aziyoosyo zyakubeja. 10#2 Kor 2:15; 4:3Uyooza alweeno loonse lwabubi lwakweena baabo abali mukunyonyooka, nkaambo teebakayanda kutambula lusinizyo lwakubafutula, 11#2 Tim 4:4aboobo Leza wabatumina kucita-cita kwalweeno, kuti basyome kububeji. 12Mbuboobo mbubazoobetekwa boonse abakaka kusyoma lusinizyo, abalibotezya kumakani aataluleme.
Paulo ulalumba akubaambila amwi makani aaziyanza zyabunakristo
13 #
Ef 1:4; Dt 33:12; 1 Tes 2:13; 4:7 Pele tuleelede kulumba Leza lyoonse aandinywe, nobakwesu abayandwa ku-Mwami, kuti Leza wakamusalulula kuzwa kumatalikilo, kuti mutambule lufutuko mukusalazigwa kunguzu zya-Muuya amukusyoma lusinizyo, 14#1 Tes 4:7; 5:9Nciconya eco ncaakamwiitila kunguzu zya-Makani Mabotu esu, kuti muvube bulemu buzwa ku-Mwami wesu Jesu Kristo.
15Nkaambo kaako, nobakwesu, amwiime nji, mujatisye milao njomwakaiisigwa, nokuba kumilomo nokuba kulugwalo lwesu, 16#1 Tes 3:11-13elyo walo Mwami wesu Jesu Kristo, a-Leza Taateesu, uwakatuyanda akutupa luumbulizyo lutamani abulangizi bubotu, 17aumbulizye myoyo yanu caluzyalo akumuyumya mumakani oonse mabotu, naaba aakucita naaba aakwaamba.
Currently Selected:
2 Ba-Tesalonika 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
