2 Ba-Tesalonika 1
1
1 #
Inc 17:1; 1 Tes 1:1 Ndiswe ba-Paulo a-Silvano a-Timoteo, tulamujuzya nombungano yakuTesalonika mwa-Leza Taateesu a-Mwami Jesu Kristo. 2#Rom 1:7Amube alu zyalo aluumuno kuzwa kuli-Leza Taateesu aku-Mwami Jesu Kristo.
Paulo ulalumba mbobajatisya lusyomo lwabo akati kamapenzi.
Kristo uzooboola kukubeteka insi
3 #
1 Tes 1:2,3; 2 Tes 2:13 Tuleelede kulumba Leza lyoonse nkaambo kanu, nobakwesu, Ncobeni kuleelede kucita obo, nkaambo kakuti lusyomo lwanu lulaya bukomenesya, alwalo luyandano lwanu nyoonse ndomuyandana umwi aumwi lwavula, 4#2 Kor 7:4; Ciy 1:9; 1 Tes 2:19; 3:2,7Ncotwalilumbaizya aandinywe swebo tobeni mumbungano zyoonse zyaLeza. Tulalumba nkaambo kakukakatila kwanu alusyomo lwanu akati kamafwabi aanu oonse amapenzi ngomupenzegwa. 5#1 Tes 2:12; Flp 1:28; Lk 21:36Aya alatondezya kubeteka kwa-Leza kululeme, uuyanda kuti mukeelezegwe mbuli beeledwe Bwami bwa-Leza mbomupengela, 6#Ciy 18:6,7; Rom 12:19nkaambo kakuti kumeso aa-Leza kuliluleme kubweedezya mapenzi kulibaabo abamupenzya, 7#Mt 25:31; 1 Tes 3:13; 4:16pele nywebo nomupenzegwa uyoomupa kulyookezya, antoomwe aswebo, kuciindi cakuyubunuka kwa-Mwami Jesu kuzwa kujulu. Uyooyubunuka antoomwe abaangelo bakwe basinguzu, 8#Rom 2:8; Is 66:15; Jer 10:25; Int 79:6; 1 Pet 4:17abbalabala lyamulilo, nkabela uyoobwedezya muliyano kulibaabo abatamuzi Leza akutaswiilila Makani Mabotu aa-Mwami wesu Jesu. 9#Is 2:10,19,21Aba bayoobetekelwa lunyonyooko lutamani kuzwa kubusyu bwa-Mwami akubulemu bwanguzu zyakwe, 10#1 Tes 3:13; Kol 3:4; Int 89:7; 69:36; Is 49:3; 2:11,17kuciindi ncazoosika kuzoolemekwa kubasalali bakwe akulumbaizigwa kuliboonse basyoma (nkaambo bukamboni bwesu bwakasyomwa kulindinywe) kubuzuba obo.
11 #
1 Tes 1:2,3 Nkaambo kaako tulamukombelela lyoonse, tulakumbila kuti Leza wesu akamweelezye mbuli beelede eco ncomwaitilwa, alimwi kuti abelesye inguzu zyakwe kukulondola bubotu boonse mbomuyeeya amilimo yoonse yalusyomo lwanu. 12#Is 24:15; 66:5; Mal 1:11Akube obo kuti izina lya-Mwami wesu Jesu likalemezegwe mulindinywe, anywebo mulemezegwe mulinguwe, nkaambo kaluzyalo lwa-Leza wesu alwa-Mwami Jesu Kristo.
Currently Selected:
2 Ba-Tesalonika 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
