1 Ba-Tesalonika 5
5
Taakwe muntu uuzi ciindi cakuboola kwakwe. Tuleelede kulangila
1 #
Mt 24:36
Pele makani aaziindi amyaaka, bakwesu, tamuyandi kulembelwa aya, pe, 2#Mt 24:42-44; Ciy 3:3; 16:15; Lk 12:39; 2 Pet 3:10nkaambo nywebo nobeni mulizi kabotu kuti buzuba bwa-Mwami buleza mbwasika uubba masiku. 3#Jer 6:14; Joh 16:21,22; Mt 24:39; Lk 21:34,35Nobanoozoocili mukwaamba kuti, Kwatontola, kwaliiba, elyo muciindi eco nciconya lunyonyooko luzoofwambaana kubasikila mbuli insungo mbozisikila uumisi, nkabela tabakooyooloboka pe. 4Pele nywebo nobakwesu tamuli mumudima, kuti buzuba obo bukamusikile mbuli uubba, pe, 5#Rom 13:12; Ef 5:9nkaambo nyoonse muli bana bamumuni abana basikati, Tatuli bamasiku nanka bamudima.
6Nkaambo kaako tutanooni mbuli bantu bamwi, atukalinde, tube bapakamani. 7Ikuti aboona boona masiku, abalo abakolwa bakolwa masiku, 8#Is 59:17; Ef 6:13-17pele swebo mbotuli besikati atube bapakamani, tulisamike kucamba cikwabilizyo calusyomo aluyando, alimwi olo lufutuko ndotulangila lube ingoani yesu. 9#1 Tes 1:10; 2 Tes 2:14Nkaambo Leza tutakanzili bukali pe, ulakanza kuti tuvube lufutuko luzwa ku-Mwami wesu Jesu Kristo, 10#1 Tes 4:14; Rom 14:8,9nguwenya wakatufwida, kuti notulanga nanka notoona, tukapone antoomwe anguwe. 11#Jud 1:20Nkaambo kaako kamuciya bugwasyanya akuyakana, umwi aumwi kumweenzinyina, mbubonya mbomucita.
Amwi makani aaziyanza zibotu zyabunakristo
12 #
1 Kor 16:18; 1 Tim 5:17 Lino bakwesu tulamukumbila kuti mulemeke abo abamana milimo akati kanu, abasolozi banu bamu-Mwami, abaabo abamucenjezya. 13Amukabalemekesye loko acaluyando nkaambo kamilimo yabo. Amukalane aluumuno. 14#2 Tes 3:6,11,15Alimwi tulamukombelezya nobakwesu, kuti mubacenjezye bapilingene, mubaumbulizye batyompedwe mumyoyo, mubatabe bakompeme, amube acamba cilemu kubantu boonse, 15#Tus 20:22; Rom 12:17; 1 Pet 3:9Amubone kuti kutabi uubweedezya cibi kucibi, pele lyoonse kamuya buyandaula kucita kabotu, naaba akati kanu nobeni nikuba kubantu boonse, 16#Flp 4:4Amusekelele lyoonse, 17#Lk 18:1; Rom 12:12; Kol 4:2Amukombe cakutaleka, 18#Ef 5:20Amube amyoyo iilumba kuzintu zyoonse, nkaambo nciconya eco bukanze bwa-Leza mbwaamukanzila muli-Jesu Kristo. 19#1 Kor 14:1,29,30,39Mutazimyi Muuya. 20Mutanenyi masinsimi. 21#1 Joh 4:1Amukasunke zintu zyoonse mbuzibede, kuti mujatisye zibotu, 22#Job 1:1,8; 2:3akulilesya kuzibi zyamisyobo yoonse.
Aakumamanino
23 #
2 Tes 3:16
Lino Leza siluumuno mwini amusalazye koonse koonse, kuti myoyo yanu amyuuya yanu amibili yanu zyoonse ziyobolwe cakulondoka acakutaba akampenda mane kusikila kukuboola kwa-Mwami wesu Jesu Kristo. 24#1 Kor 1:9; 2 Tes 3:3Oyo uwakamwiita ngomusyomesi, ulacita mbubonya obo.
25 #
2 Tes 3:1
Bakwesu amutukombelele.
26 #
1 Kor 16:20
Amujuzye babunyina boonse akumyontana kusalala. 27Ndamukonkezya ku-Mwami kuti lugwalo oluno lubalilwe bakwesu boonse.
28Luzyalo lwa-Mwami wesu Jesu Kristo alube anywe. Ameni,
Currently Selected:
1 Ba-Tesalonika 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
