1 Ba-Tesalonika 4
4
Amwi makani aabuumi bwabunakristo—kusalala, kuyandana akubeleka cabusungu
1 #
2 Tes 3:6
Lino bakwesu, mwakamvwa kale kulindiswe mbumweelede kweenda kukubotezya Leza, nkabela muleenda obo ncobeni, aboobo sunu tulamukumbila akumukombelezya mu-Mwami Jesu kuti kamuciya bweendesya munzila eyo njiyonya. 2Mulizi milazyo njotwakamupa iizwa kuMwami Jesu, 3#1 Tes 5:23; Heb 10:10; 1 Pet 1:16Cintu ncayanda Leza nceeci, ncakuti musalale, mulilesye kubwaamu. 4#1 Kor 6:13,15Umwi aumwi akati kanu uleelede kuziba kuba amwanakazi wakwe mwini cakusalala acakulemeka, 5#Jer 10:25; Int 79:6Teelede kumvwa zisusi zibi mbuli mbobacita bamasi abatamuzi Leza. 6#Int 94:2Teelede kusotoka nanka kweemuzya kumweenzinyina kumakani aya, nkaambo Leza nguubweedezya kumakani aya oonse, mbubonya mbotwakamwaambila kale akumulungulwida. 7#2 Tes 2:13,14Teensi busofwaazi mbwaakatwiitila Leza, pe, nkukusalala. 8#Lk 10:16; Ezk 36:27; 37:14Nkaambo kaako oyo uunenya kumakani aya tanenyi muntu buyo, ulanenya Leza uumupa Muuya wakwe Uusalala.
9 #
Joh 13:34; Jer 31:33,34 Lino nseelede kulikataazya kumulembela makani aaluyandano lwabunyina, nkaambo nywebo nobeni muliiyidwe kuli-Leza kuti muyandane, 10#2 Tes 3:4nkabela ncobeni muli aluyando kulibabunyina boonse abali mu-Make doniya moonse, pele tulamukombelezya bakwesu, kuti kamuciya buvula mulindulo. 11#Ef 4:28; 2 Tes 3:8,12Alimwi amusungwaalile kukala caluumuno, akulilangilila makani aanu nobeni, akumana milimo kumaanza aanu mbuli mbotwakamulailila, 12#Kol 4:5; 1 Kor 5:12,13kuti mukacite ziyanza zibotu kumeso aabaabo bali anze akutabula kantu.
Makani aakubuka kwabafu akuboola kwa-Jesu
13 #
1 Kor 15:20; Ef 2:12 Lino bakwesu, tulayanda kuti mukaswiililisye makani aaboona, kuti mutafwi buusu mbuli bamwi abatajisi ncobalangila. 14#Rom 14:9; 1 Kor 15:3,4,12Nkaambo na tulasyoma kuti Jesu wakafwa akubukuluka, elyo abo abakoona muli-Jesu Leza ulabaletelezya awe. 15#1 Kor 15:51-52; 7:10,25Ijwi di ndituti mwaambile lyazwa ku-Mwami. Swebo tobaumi netuyoosyaalila kukuboola kwa-Mwami tatukooyoobasaanguni na aboona, pe. 16#1 Kor 15:52; 2 Tes 1:7Nkaambo Mwami mwini uyooseluka kuzwa kujulu amukunga ajwi lyaangelo simutwe amweembo wa-Leza, nkabela nobayoosaangu na kubuka abafwide muli-Kristo. 17#Joh 12:26; 17:24Elyo swebo tobaumi tobasyaalizi tuyoobwezelwa mumakumbi antoomwe ambabo, tukacingane a-Mwami mujulu aboobo tuyookala a-Mwami lyoonse. 18Amugwasyanye amajwi aya.
Currently Selected:
1 Ba-Tesalonika 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
