Popular Bible Verses from 2 Ba-Tesalonika 2

Share

Kutabi muntu uumweena kufumbwa muciyanza cili buti, nkaambo tabukooyoosika cita lukasaangune kuba luleyo, alimwi uyooyubunuka muntu mubi, mwana walunyonyooko.

Pele tuleelede kulumba Leza lyoonse aandinywe, nobakwesu abayandwa ku-Mwami, kuti Leza wakamusalulula kuzwa kumatalikilo, kuti mutambule lufutuko mukusalazigwa kunguzu zya-Muuya amukusyoma lusinizyo

Oyu ngusinkondonyina Leza, uulisumpula ajulu lyazyoonse zyaambwa Leza na zikombwa, waba uukala muntempele ya-Leza, walyaamba kuti, Ndime Leza.

elyo walo Mwami wesu Jesu Kristo, a-Leza Taateesu, uwakatuyanda akutupa luumbulizyo lutamani abulangizi bubotu, aumbulizye myoyo yanu caluzyalo akumuyumya mumakani oonse mabotu, naaba aakucita naaba aakwaamba.

aboobo Leza wabatumina kucita-cita kwalweeno, kuti basyome kububeji.

Oyu sikusotoka milao uyooza akubeleka kwa-Saatani, anguzu zyamisyobo misyobo azitondezyo aziyoosyo zyakubeja. Uyooza alweeno loonse lwabubi lwakweena baabo abali mukunyonyooka, nkaambo teebakayanda kutambula lusinizyo lwakubafutula

Nkaambo Makani aasisidwe aakusotoka milao alacita-cita kale, pele taakonzyi kuzukulika mane do akagwisigwe oyo uukasya