2 Ba-Tesalonika 3
3
1 #
Kol 4:3; 1 Tes 5:25 Kukumana bakwesu, amutukombelele, kuti makani aa-Mwami kaaya buyakisya akuzunda koonse koonse, mbubonya mbwaakacita kulindinywe, 2alimwi amukombe kuti tukavunwe kubantu abakaleya akubabi, nkaambo teensi boonse abali alusyomo pe. 3#1 Tes 5:24Mwami nguusyomeka, nkabela nguwe nguuti muyumye akumukwabilila kumubi. 4#1 Tes 4:10; Gal 5:10; 2 Kor 7:16Alimwi tulasyoma ndinywe mu-Mwami, tulasyoma kuti mulacita akunooya bucita nzotwamulailila. 5Lino Mwami aenzye myoyo yanu, injile muluyando lwa-Leza amulukakatilo lwa-Kristo.
6 #
Mt 18:17; Rom 16:17; 1 Tes 5:14; 4:1 Eno bakwesu, twamulailila muzina lya-Mwami Jesu Kristo, kuti mumwaanzaane kufumbwa sibunyina uuenda cakupilingana akuteenda muziyanza nzomwakatambula kulindiswe. 7#1 Tes 2:1; 1:6Nkaambo nywebo nobeni mulizi mbomweelede kututobela, ikuti nitwakakede kulindinywe ziyanza zyesu teezyakapilingene pe. 8#1 Kor 4:12; Flp 3:17; 1 Tes 2:9Taakwe nitwakali kulya buyo insima zya bantu, pele twakali kubeleka akoonda milimo lyoonse, isikati amasiku, kuti tutalemeni muntu naba omwe akati kanu, 9#Mt 10:10; 1 Kor 4:16; 1 Tes 1:6,7Takweensi kwaamba kuti tatujisi bwami bwakucitilwa obo, pele nkokuti tulicite ceelesyo canu, kuti mukatutobele. 10#Matl 3:19; 1 Tes 3:4; 4:11Nkaambo notwakacili akati kanu twakamupa mulazyo oyu wakuti, Na kuli uukaka kubeleka, atabi nalya. 11#1 Tes 5:14Anukuti tulaswiilila kuti nkubali bamwi akati kanu beenda cakupilingana. Tabamani milimo, pe, pele mbasyandyaabantu. 12#1 Tes 4:11Lino bantu bali boobo twabalailila akubakombelezya mu-Mwami Jesu Kristo, kuti babeleke milimo yabo caluumuno, balye insima zyabo beni,
13 #
Gal 6:9
Pele nywebo bakwesu, mutabi nomukatala mukucita kabotu, 14#1 Kor 5:9,11Na mpali muntu uutaswiilili makani ngotwalemba mulugwalo oluno, amumusale, mutavwelani awe, kuti ause bweeme, 15#1 Tes 5:13,14Nokubaboobo mutamuciti mbuli sinkondonyoko, amumucenjezye mbuli mweenzinyoko.
Aakumamanino
16 #
1 Tes 5:23
Mwami siluumuno mwini amupe luumuno lyoonse muziyanza zyoonse. Mwami abe anywe nyoonse.
17 #
1 Kor 16:21
Ndime Paulo. Ndalemba lujuzyo oluno ajanza lyangu ndemwini. Nciconya eco ncecitondezyo mumagwalo aangu oonse. Mbuboobu mbwendemba. 18Luzyalo lwa-Mwami wesu Jesu Kristo alube anywe nyoonse.
Currently Selected:
2 Ba-Tesalonika 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.