2 Bami 5
5
Elisha mbwaakaponya Naamani sicinsenda
1 #
1 Bam 8:41-43; Lk 4:27; Kul 11:3; 2 Bam 4:8; Es 9:4 Lino Naamani silutwe wampi yamwami wa-Aramu kali muntu mupati kumwami wakwe, alimwi mulemu, nkaambo ijanza lyakwe Jehova ndyaakazundya ba-Aramu, nkabela kali mwaalumi sintaze, pele kali sicinsenda. 2Lino ba-Aramu nibakali kusaala kucisi ca-Israyeli, bakaleta mubuzike kamwi kasimbi. Aka kasimbi kakali kubelekela muka-Naamani. 3Elyo wakaambila bamalelo aakwe kuti, Nicakabota mwami wangu naakali kumusinsimi uuli ku-Samariya, nkaambo naakamuponya cinsenda cakwe. 4Lino Naamani wakaakwaambila mwami wakwe kuti, Mbuboobu mbwaakaamba musimbi uuzwa mucisi ca-Israyeli. 5#1 Sam 9:8; 2 Bam 8:8,9Mpawo mwami wa-Aramu wakati, Mbubo, koya. Ndatuma lugwalo kumwami wa-Israyeli.
Aboobo wakaya, watolelela matalenta aansiliva aali ikumi, amasyekeli aangolida aali zyuulu zili musanu acimwi, azyakusama zili ikumi. 6Lino wakaleta lugwalo kumwami wa-Israyeli. Lwakati, Olu lugwalo lwasika buyo kulinduwe, ulabona kuti ndakutumina Naamani mulanda wangu, kuti umuponye cinsenda cakwe. 7#Matl 37:29; 30:2; 1 Sam 2:6; Dt 32:39Mpawo mwami wa-Israyeli naakabala lugwalo, wakazapaula zyakusama zyakwe, wati, Sa ndime Leza uukonzya kujaya akuponya? Nkaambonzi oyu muntu wanditumina mulazyo wakuti mponye sicinsenda? Amubone, muzibe kuti ulayandaula inkondo,
8 #
Kul 4:30
Pele Elisha muntu wa-Leza, naakamvwa kuti mwami wa-Israyeli wazapaula zyakusama zyakwe, wakatumina mwami mulazyo wakuti, Nkaambonzi wazapaula zyakusama zyako? Aze okuno kulindime, azibe kuti musinsimi mpali munyika ya-Israyeli. 9Mpawo Naamani wakeza amabbiza aakwe ankalaki zyakwe, waima amulyango waŋanda ya-Elisha. 10#2 Bam 4:41; Joh 9:7Nkabela Elisha wakamutumina mutumwa, wakati, Koya ukasambe ziindi zili musanu azibili mu-Jordano, elyo nyama yako iyoosanduka, uyoosalala. 11#1 Kor 2:14Pele Naamani wakanyema, wainka, wati, Ncobeni ndali kuyeeya kuti ulazwida anze kundibona, ulaimikila, ulakwiilila izina lya-Leza wakwe, ulavukuzya ijanza lyakwe atala azilonda akuponya cinsenda. 12#Tus 14:17; 16:32; Muk 7:9; Ef 4:31; Kol 3:8; Jak 1:19Sa Abana a-Faripara, milonga yaku-Damasko, tiili kabotu kwiinda meenda oonse aa-Israyeli na? Sa nsikonzyi kusamba mulinjiyo akusalala? Elyo wakapiluka, wainka cabukali. 13Lino balanda bakwe bakamuswenenena, bakati, Taata! Musinsimi naakakwaambila kuti ucite imwi milimo mipati, sa nowatakacita? Lino sa tokonzyi kucita eci ncaamba cakuti, Samba, usalale? 14#Lk 4:27Mpawo wakaya, walinika mumaanzi aa-Jordano ziindi zili musanu azibili, mbubonya mbwaakaamba muntu wa-Leza, Nkabela nyama yakwe yakasanduka, yaba mbuli nyama yamwana muniini, aboobo wakasalazigwa.
15 #
Lk 17:15; 1 Sam 17:46,47; Is 43:10,11; Jer 10:10,11; Rom 10:10; Dan 2:47; 3:29; Matl 33:11 Mpawo wakapiluka kumuntu wa-Leza, walo ankamu yakwe yoonse, wasika, waimikila kubusyu bwakwe, wati, Bona! Sunu ndizi kuti taakwe Leza munyika yoonse cita mucisi ca-Israyeli. Lino tambula cipo cizwa kumulanda wako. 16#2 Bam 3:14; Matl 14:23; Mt 10:8; Inc 8:18,20Pele wakati, Ne! Ncobeni Jehova mbali muumi ngumbelekela milimo, nsikootambula cintu, Nkabela wakasoleka loko kumusungilizya, nekubaboobo wakakaka. 17Lino Naamani wakati, Mbowakaka, lino mebo ndemulanda wako mpegwe mukuli wambongolo zyobile wevu, nkaambo ndemulanda wako nsikooyoocita limbi zipaizyo niziba zituuzyo kumizimu imbi cita kuli-Jehova luzutu. 18#2 Bam 7:2,17Pele mucintu eci cilike Jehova andilekelele ndemulanda wako. Kufumbwa ciindi simalelo wangu naanjila muŋanda ya-Rimoni kuyookomba, alimwi ulayaamina alindime, aboobo ndakotama muŋanda ya-Rimoni, Jehova andilekelele aya makani aakukotama muŋanda ya-Rimoni. 19Elyo wakamwaambila kuti, Koya aluumuno.
Gehazi mbwaakabisya akuba sicinsenda
Pele aende buyo kasinzosinzo, 20#Kul 20:17; Jos 6:18; 1 Sam 8:3-5; Int 10:3; Tus 1:19; 15:27; Lk 12:15; Kol 3:5; 1 Tim 6:10Gehazi mulanda wa-Elisha muntu waLeza wakati, Bona! Simalelo wangu wamufwida insoni, oyu mu-Aramu Naamani, kukukaka cipo ncaakaleta. Ncobeni Jehova mbali muumi, ndafwambaana kumutobela, nkatambule cintu kulinguwe. 21Aboobo Gehazi wakazuzaana akutobela Naamani, nkabela Naamani naakamubona uleza buzuzaana, wakaseluka kuzwa munkalaki akumuswana, wati, Sa kuli kabotu? 22Wakavuwa kuti, Kuli kabotu, Simalelo wangu wandituma, wati, Kwandisikila lino lino balombe bobile, bana babasinsimi, bazwa kucilundu ca-Efraimu, Ubape italenta lyansiliva, azyakusama zyobile. 23Mpawo Naamani wakati, Sa tokonzyi kuzumina kutambula matalenta obile? Nkabela wakamusungilizya, waanga matalenta obile aansiliva munkomo zyobile azyakusama zyobile, waaba mumaanza aabalombe bakwe bobile, nkabela bakamusololela baliziyumwide. 24Lino naakasika kukalundu, wakazitambula kuzwa kumaanza aabo, wazibamba muŋanda. Mpawo wakabapilusya bantu, baya. 25#Tus 30:20; Ezk 33:31; Tus 12:22; Inc 5:3Walo mwini wakanjila akwiima kunembo lyasimalelo wakwe, Lino Elisha wakamubuzya kuti, Wali kuli, Gehazi? Wakavuwa kuti, Ndemulanda wako taakwe nkundainkide pe. 26#Int 63:11; 140:11; Tus 13:21; Is 3:11; 57:21; Inc 13:9Pele wakati, Sa moyo wangu tuukwaali ayebo, muntu naakaseluka kuzwa munkalaki yakwe akukuswanaanya? Sa nceciindi ceelede cakutambula insiliva azyakusama, myuunda yamaolifa ayamisaansa, imbelele aŋombe, bazike baalumi abanakazi? 27#1 Tim 6:10; Kul 4:6; Lev 13:2,3; 14:3,35; My 12:10; 2 Bam 15:5; 2 Mak 26:19,20Lino cinsenda ca-Naamani cilakakatila nduwe anyungu zyako lyoonse mane kukabe akutamani, Mpawo naakazwa kulinguwe, kali sicinsenda uutuba buu.
Currently Selected:
2 Bami 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
