Popular Bible Verses from 2 Bami 5

Share

Lino Naamani silutwe wampi yamwami wa-Aramu kali muntu mupati kumwami wakwe, alimwi mulemu, nkaambo ijanza lyakwe Jehova ndyaakazundya ba-Aramu, nkabela kali mwaalumi sintaze, pele kali sicinsenda.

Nkabela Elisha wakamutumina mutumwa, wakati, Koya ukasambe ziindi zili musanu azibili mu-Jordano, elyo nyama yako iyoosanduka, uyoosalala.

Mpawo wakaya, walinika mumaanzi aa-Jordano ziindi zili musanu azibili, mbubonya mbwaakaamba muntu wa-Leza, Nkabela nyama yakwe yakasanduka, yaba mbuli nyama yamwana muniini, aboobo wakasalazigwa.

Pele Naamani wakanyema, wainka, wati, Ncobeni ndali kuyeeya kuti ulazwida anze kundibona, ulaimikila, ulakwiilila izina lya-Leza wakwe, ulavukuzya ijanza lyakwe atala azilonda akuponya cinsenda.

Lino balanda bakwe bakamuswenenena, bakati, Taata! Musinsimi naakakwaambila kuti ucite imwi milimo mipati, sa nowatakacita? Lino sa tokonzyi kucita eci ncaamba cakuti, Samba, usalale?

Elyo wakaambila bamalelo aakwe kuti, Nicakabota mwami wangu naakali kumusinsimi uuli ku-Samariya, nkaambo naakamuponya cinsenda cakwe.