2 Bami 4
4
Elisha mbwaakavuzya mafuta aamukamufu
1 #
1 Bam 20:35; 2 Bam 2:3-7; Kul 21:2; Lev 25:39; Dt 15:12-18; Neh 5:1-13; Jer 34:8-18; Mt 18:25 Lino umwi mwanakazi iwakakwetwe umwi wabana babasinsimi wakakwiilila Elisha kuti, Mulanda wako, mulumi wangu, ulifwide, alimwi ulizi kuti mulanda wako wakali kuyoowa Jehova. Lino kwasika sizikoloto, weza kutola bana bangu bobile kuti babe bazike bakwe. 2#1 Bam 17:12Elisha wakamubuzya kuti, Nkucitilenzi? Undaambile ncojisi muŋanda. Wakavuwa kuti, Mebo ndemulanda wako nsikwe ncenjisi muŋanda pe, cita insazi yamafuta. 3#2 Bam 3:16Elyo wakati, Koya ukakumbile zibikilo kumbi kubeenzinyoko boonse. Kumbila zibikilo zitakwe zintu. Zitaceyi pe. 4Wamana buyo, njila muŋanda abana bako, mujale mulyango, utile muzibikilo zyoonse. Cimwi acimwi cazula buyo, mucibike kumbali. 5Lino wakamusia, walijalila mulyango walo abana bakwe, nkabela wakatila muzibikilo zyoonse nzibamuletela. 6#Mt 14:20Elyo naakamana kuzuzya zibikilo zyoonse, wakaambila mwana wakwe kuti, Leta cibikilo acimwi. Wakati, Taakwe cimbi pe, Mpawo mafuta akamana. 7#Rom 13:8Lino wakaya kukulwiida muntu wa-Leza. Nkabela wakati, Ulisya mafuta, ukaliye sizikoloto, lino aasi syaale ayooba aakuligwasya, webo abana bako.
Mwanakazi waku-Sunemu mbwaakayakila Elisha iŋanda
8 #
Jos 19:18; 1 Sam 28:4 Bumwi buzuba Elisha wakaya ku-Sunemu. Oko kakuli umwi mwanakazi mulemu iwakamusungilizya kulya insima. Nkabela ciindi coonse naakali kwiinda munzila eyo, wakaswaya nkuko kuti alye insima. 9#Tus 31:10,11Lino mwanakazi wakaambila mulumi wakwe kuti, Bona! Ndizi kuti ngumuntu uusalala wa-Leza uuinda kulindiswe lyoonse. 10#Mt 10:41,42; 25:40; Rom 12:13; Heb 13:2Atuyake kaanda anda aciluli, tubike mulinkako bulo antafule acuuno alampi, aboobo kufumbwa ciindi ncatuswaya uloona mumo.
11Lino bumwi buzuba naakaswaya nkuko, wakanjila mukaanda, woona mumonya. 12Nkabela wakaambila Gehazi mulanda wakwe kuti, Ita oyu mwanakazi waku-Sunemu. Mpawo wakamwiita. Nkabela naakaimvwi kubusyu bwakwe, 13wakamwaambila kuti, Umwaambile kuti, Bona! Wapengela ndiswe loko. Tukucitilenzi? Sa tatukonzyi kukwaambilila kumwami nanka kulisilutwe wampi? Wakavuwa kuti, Ne! Ndikede akati kabantu bangu. 14Elyo wakati, Ino tumucitile nzi? Nkabela Gehazi wakati, Pele tajisi mwana, alimwi mulumi wakwe wacembaala. 15Lino wakati, Komwiita. Wakamwiita. Wakasika, waima kumulyango. 16#Matl 18:10,14Elyo wakaamba kuti, Bona! Mwakali mbuli sunu uyoozyala mwana, Pele wakati, Pe, mwami, O muntu wa-Leza, utandeeni ndemulanda wako. 17Nekubaboobo mwanakazi wakaminta, wazyala mwana mulombe kuciindi eco nciconya Elisha ncaakamwaambila.
Elisha mbwaakabusya mwana uufwide
18Lino mwana wakakula, elyo buzuba bumwi wakaya kuliwisi nkubakali kutebula. 19Lino wakaambila wisi kuti, Maawe! Ndafwa mutwe! Ndafwa mutwe! Nkabela wisi wakaambila mulombe kuti amutole kulibanyina. 20Elyo naakamutola akumusisya kulibanyina, wakakala azibelo zyabo mane kusikila akalangabwaseme, lumwi wakafwa. 21Mpawo wakamutola muŋanda yamujulu, wamulazika abulo bwamuntu wa-Leza, wamuialila, wazwa. 22Nkabela wakaita mulumi wakwe, wamwaambila kuti, Nditumina umwi wabalanda ambongolo yomwe, kuti mfwambaane kuyoobona muntu wa-Leza, akupiluka. 23Wakamubuzya kuti, Nkaambonzi uyanda kuyoomubona sunu? Tabuli buzuba bwamwezi mupya nibuba bwa-Sabata. Pele wakati, Cili kabotu. 24Elyo naakamana kubopa imbongolo, wakaambila mulanda wakwe kuti, Atweendesye. Utaleki kweenzya cakufwambaana, cita nkwaambile. 25#2 Bam 2:25Aboobo wakanyamuka, wasika kumuntu wa-Leza kucilundu ca-Karameli.
Lino muntu wa-Leza naakamubona uleza, wakaambila Gehazi mulanda wakwe kuti, Bona! Nguulya mwanakazi waku-Sunemu! 26Zuzaana, amuswane, umubuzye kuti, Wapona na? Wapona mulumi wako? Amwana ulapona na? Nkabela wakavuwa kuti, Tuli kabotu. 27#Mt 15:23; 1 Sam 1:10Elyo naakasika kucilundu kumuntu wa-Leza, wakamujata kumaulu. Nkabela Gehazi wakasi mutonte, pele muntu wa-Leza wakati, Ne! Muleke! Nkaambo moyo wakwe ulifwabide loko, pele Jehova wandisisa makani, taakwe nandaambila pe. 28Lino mwanakazi wakati, Sa ndime ndakakumbila mwana? Sa teendakaamba kuti, Utandeeni? 29#1 Bam 18:46; 2 Bam 9:1; Lk 10:4; Kul 7:19; 14:16; 2 Bam 2:8,14; Inc 19:12Mpawo Elisha wakaambila Gehazi kuti, Kolyaanga-anga kucikungu, utole mufunko wangu mujanza lyako, uinke. Na waswanaana amuntu munzila, utamujuzyi. Nabi muntu wakujuzya, utamuvwiili. Lino gumya mufunko wangu kubusyu bwamwana. 30#2 Bam 2:2Elyo banyina mwana bakati, Ncobeni Jehova mbali muumi, amuuya wako mbuuli muumi, nsikookusia pe. Aboobo wakanyampuka, wamutobela. 31#Joh 11:11Nkabela Gehazi wakabazulwida, waakugumya mufunko busyu bwamwana, pele katakwe ijwi nikuba kuswiilila, Elyo wakapiluka kukubaswana, wamwaambila kuti, Mwana taakwe nasinsimuka pe.
32Lino Elisha naakasika kuŋanda, wakajana kuti mwana ulifwide, ulilede abulo. 33#Mt 6:6; 1 Bam 17:20; Jak 5:16Elyo wakanjila, walijalila amwana, wakomba Jehova. 34#Inc 20:10Lino wakaakulala amubili wamwana, wabika mulomo amulomo wakwe, ameso ameso aakwe, amaanza amaanza aakwe, alimwi wakalyolola alinguwe, nkabela nyama yamwana yakakasaala. 35#1 Bam 17:21; 2 Bam 8:1Amane obo, wakabuka, weenda muŋanda kuya akupiluka, elyo wakaakulyolola alinguwe lwabili, nkabela mwana wakeesemuka ziindi zili musanu azibili, elyo wakanamuna meso aakwe. 36Mpawo wakaita Gehazi, wakati, Ita oyu mwanakazi wakuSunemu, Wakamwiita, nkabela naakasika, wakamwaambila kuti, Ngooyu mwanaako. 37#Heb 11:35Mpawo wakeza, wawa kumaulu aakwe, wakotamina ansi, elyo wakabweza mwana wakwe, waya anze.
Elisha mbwaakabotya musinza uukola
38 #
Lk 10:39; Inc 22:3 Lino Elisha wakaboola ku-Giligala ciindi canzala. Nkabela bana babasinsimi nibakakede kubusyu bwakwe, wakaambila mulanda wakwe kuti, Sibika cilongo cipati, ujikile bana babasinsimi musinza. 39#Mt 7:16Lino umwi wakaya musokwe kuyoocela zisyu, nkabela wakajana isaansa lyamusokwe, wacela kulindilyo misaansa yamusokwe iizuzya inkomo yakwe, waileta, waibika mucilongo camusinza, cakutaziba mbwiibede. 40#Kul 10:17Elyo bakapampula kuti bantu balye, pele nibakali kulya musinza, bakakwiila kuti, O muntu wa-Leza, lufu mululi mucilongo. Teebakakonzya kulya pe. 41#Kul 15:25; 2 Bam 2:21; 5:10; Joh 9:6Lino wakati, Leta busu. Nkabela wakabutila mucilongo, wati, Pampula, bantu balye. Mpawo bakaiya, Kamutacikwe bubi mucilongo pe.
Elisha mbwaakavuzya zilyo akusanina bantu bali mwaanda
42 #
1 Sam 9:4; 1 Kor 9:11; Gal 6:6 Lino kwakasika muntu kuzwa ku-Baala-Salisa, wakaletela muntu waLeza zinkwa zyakabalwebalwe, zinkwa zyabbaale zili makumi obile, amaila aakutoma munkomo yakwe. Elyo Elisha wakati, Abila bantu, balye. 43#Lk 9:13; Joh 6:9Pele sikukutauka wakati, Ma! Ngabile buti bantu bali mwaanda tulyo tuniini tuli boobu? Wakati, Abila bantu, balye, nkaambo mbuboobu mbwaamba Jehova. Balalya akuzisia. 44#Mt 14:20; 15:37; Joh 6:13; Matl 18:14; Jer 32:17; Zek 8:6; Mt 19:26; Lk 1:37Mpawo wakabaabila, nkabela bakalya akuzisia mbubonya mbuli ijwi ndyaakaamba Jehova.
Currently Selected:
2 Bami 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
