2 Bami 3
3
Joramu mbwaakalya bwami bwa-Israyeli
1 #
2 Bam 1:17
Lino Joramu mwana wa-Ahabu wakaba mwami wa-Israyeli mu-Samariya mumwaka wakumi amusanu aitatu wabwami bwa-Josafati mwami wa Juda, nkabela wakeendelezya myaka iili ikumi aibili. 2#1 Bam 16:31,32Wakacita bubi mumeso aa-Jehova, pele kuteelana awisi abanyina, nkaambo wakagwisya muleu wa-Baala wisi ngwaakacitide, 3#2 Bam 10:28-31; 1 Bam 12:28-32pele wakacili kweenda muzibi zyaJeroboamu mwana wa-Nebati iwakacitya ba-Israyeli zibi, takakazileka pe.
Lupapilo lwa-Mesa mwami lwa-Moabu
4 #
Matl 13:2; Job 1:3; Is 16:1 Lino Mesa mwami wa-Moabu kali muvubi wambelele, nkabela myaka yoonse wakali kubbadela mwami wa-Israyeli tubelele tuli zyuulu zili mwaanda aboya bwabagutu bali zyuulu zili mwaanda. 5#2 Bam 1:1Pele Ahabu naakafwa, mwami wa-Moabu wakapapila mwami wa-Israyeli. 6Lino mubuzuba obo mwami Joramu wakazwa mu-Samariya, wayobolola ba-Israyeli boonse. 7#1 Bam 22:4Nkabela wakatumina Josafati mwami wa-Juda mulazyo wakuti, Mwami wa-Moabu wandipapila. Sa inga ulatusindikila kuyoolwisya ba-Moabu? Wakavuwa kuti, Mbubo, ndainka. Tuleelene mebo ayebo, bantu bangu abantu bako, mabbiza aangu amabbiza aako. 8Alimwi wakabuzya kuti, Ino tutole ili inzila? Wakati, Tutole inzila yankanda ya-Edomu. 9#Kul 11:8Elyo bakainka, mwami wa-Israyeli amwami wa-Juda amwami wa-Edomu, akweenda cakuzyunguluka mazuba aali musanu aabili, mane lumwi maanzi akabamanina, basilumamba abanyama mbobakali abo. 10#Int 78:34; Tus 19:3; Is 8:21Mpawo mwami wa-Israyeli wakati, Maawe! Jehova waita bami aba botatwe kuti abaabe mumaanza aaba-Moabu. 11#1 Bam 22:7; Am 3:7; Int 55:22; Tus 3:5,6Lino josafati wakati, Sa taakwe musinsimi wa-Jehova okuno, kuti atubuzizye makani kuli-Jehova? Mpawo umwi wabalanda bamwami wa-Israyeli wakavuwa kuti, Mpali Elisha mwana waSafati, ngonguwe iwakali kutila maanzi amaanza aa-Eliya. 12#2 Bam 2:25Lino Josafati wakati, Ijwi lya-Jehova lili mulinguwe. Aboobo bakainka kwakwe, mwami wa-Israyeli a-Josafati amwami wa-Edomu,
13 #
Ezk 14:3; Bab 10:14; Rut 1:15; 1 Bam 18:19 Nkabela Elisha wakaambila mwami wa-Israyeli kuti, Ndijisi makaninzi ayebo. Koya kubasinsimi bauso akubasinsimi babanyoko, Pele mwami wa-Israyeli wakamwaambila kuti, Pe, nkaambo Jehova nguwakaita bami aba botatwe kuti abaabe mumaanza aaba-Moabu. 14#1 Bam 17:1; 2 Bam 5:16; Int 15:4Lino Elisha wakati, Ncobeni Jehova wamakamu mbali muumi, ngunjiminide kubusyu bwakwe, nindatakali kulemeka Josafati mwami wa-Juda, nindatakulanga nikuba kukubona. 15#1 Sam 10:5; Ezk 1:3; 3:14,22; 8:1Amundiletele sikantimbwa. Elyo sikantimbwa naakali kuuma kantimbwa, inguzu zya-Jehova zyakamuselukila. 16#2 Bam 4:3Nkabela wakati, Mbuboobu mbwaamba Jehova. Nzoocita kuti aka kalonga kazule tulambwalambwa. 17#Int 107:35Nkaambo mbuboobu mbwaamba Jehova. Tamukooyoobona muuwo, nikuba kubona imvula, nekubaboobo ako kalonga kayoozula maanzi, aboobo munooyoonywa, nywebo aŋombe zyanu abanyama bamwi. 18#Jer 32:17,27; Mk 10:27; Lk 1:37; Ef 3:20; 1 Bam 20:28Alimwi eci ncintu euuba mumeso aa-Jehova. Uyooaba ba-Moabu mumaanza aanu. 19#1 Sam 15:3Minzi yoonse iijisi malambo aminzi yoonse mibotu muyooizunda, ayalo misamu mibotu yoonse muyooitema, atusensa twamaanzi toonse muyootusinka, amyuunda yoonse mibotu muyooizuzya mabwe. 20#Kul 29:39,40Lino nibwakaca, cipaizyo cacifumo nicakali kutuulwa, kwakasika maanzi munzila iizwa ku-Edomu, mane nyika yoonse yakazula maanzi.
Ba-Moabu mbubakazundwa
21Lino ba-Moabu boonse, nibakamvwa kuti bami basika kuzoobalwisya, bakabungana boonse ibakakonzya kusama zilwisyo, nibaba banike nibaba bapati, bakaakwiimikila kumugaano. 22Nkabela nibwakaca, izuba nilyakali kunyengema amaanzi, ba-Moabu bakafuma, babona maanzi aasalala pyu mbuli bulowa. 23Elyo bakati, Obu mbulowa. Ncobeni bami bakalwana, bajaya umwi aumwi mweenzinyina. Atweende, tukasaale, nuba-Moabuma. 24Lino nibakasika kuzilao zyaba-Israyeli, ba-Israyeli bakabuka, bauma baMoabu, mane bacija. Nkabela bakali kuya bubatanda akubajaya. 25#Is 16:7,11Alimwi minzi yoonse bakainyonyoona, ayalo myuunda mibotu yoonse bakawaala mabwe akwiizuzya, atusensa twamaanzi bakatusinka, amisamu yoonse mibotu bakaitema, mane kwakasyaala mabwe luzutu ku-Kirihareseti, elyo basinkwilipo bakauzyunguluka akuunyonyoona. 26Mpawo mwami waMoabu naakabona kuti inkondo yamuyumina, wakalibwezela bantu basimapanga bali myanda iili musanu aibili kuti aindilile akusika kumwami waEdomu, nekubaboobo wakakacilwa. 27#Am 2:1; Lev 18:21; 20:2; Dt 12:31; 18:10; 2 Bam 17:17; 2 Mak 28:3; Int 106:37,38; Jer 7:31; 32:35; Ezk 16:20; 23:37Elyo wakabweza mwanaakwe mupati iwakeelede kulya izina lyakwe, wamucita cipaizyo mpoonya awo abulambo. Lino bukali bupati bwakasikila ba-Israyeli, aboobo bamuleka, bapiluka kulimbabo.
Currently Selected:
2 Bami 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
