2 Bami 6
6
Elisha mbwaakaboozya kaleba kakainkide
1 #
1 Sam 10:12; 2 Bam 2:3; 4:1,38; 9:1 Lino bana babasinsimi bakaambila Elisha kuti, Bona! Okuno nkutubede ayebo twaata. 2Atweende ku-Jordano, tuteme nkuko umwi aumwi ciyako, tuliyakile bukalo nkukonya, Wakati, Mbubo, kamuya. 3Mpawo umwi wabo wakamwaambila kuti, Uzumine kuti tuye ayebo, tubalanda bako, Wakavuwa kuti, Ndainka. 4Aboobo wakainka ambabo, mane basika kuJordano, elyo bakatema misamu. 5Nkabela umwi naakali kutema musamu, lubulo lwakaleba kakwe lwakainkila mumaanzi, Elyo wakalila kuti, Maawe! simalelo wangu! Twakakalombede buyo kubantu! 6#Kul 15:25; 2 Bam 2:21; 4:41Lino muntu wa-Leza wakabuzya kuti, Kalokela kuli? Elyo nibakamutondezya mpokakalokelede, wakatema kasamu, wakawaala mpoonya awo, wakaibuka lubulo. 7Mpawo wakati, Ukagwisye. Nkabela wakatandabika ijanza lyakwe akulugwisya.
Elisha mbwaakayubununa miyeeyo yamwami wa-Aramu
8Lino mwami wa-Aramu wakali kulwisya ba-Israyeli, nkabela wakabuzyanya abalanda bakwe kuti, Kunyomfwi nkotuyooyakila zilao zyesu. 9#2 Bam 13:14; Int 25:14; Tus 3:32; Is 6:13; Am 3:7; Mt 5:13Pele muntu wa-Leza wakatumina mwami wa-Israyeli mulazyo wakuti, Cenjela! Utaindi kunyomfwi, nkaambo nkukonya oko nkubayakide zilao ba-Aramu. 10Elyo mwami wa-Israyeli wakatumina oko kubusena muntu wa-Leza mbwaakamwaambila, mbwaakamucenjezya, aboobo wakalivuna ziindi zitali zice buyo. 11Nkabela moyo wamwami wa-Aramu wakazingwa nkaambo kamakani aya, Lino wakaita balanda bakwe, wababuzya kuti, Sa tamuyandi kundilwiida na nguni akati kesu uugwasya mwami wa-Israyeli? 12Mpawo umwi wabalanda bakwe wakavuwa kuti, Pe, mwami simalelo wangu, taakwe, Pele Elisha musinsimi uukede mucisi ca-Israyeli ulalwiida mwami wa-Israyeli majwi ngoamba nimuba muŋanda yako yakoona. 13#Matl 37:17Wakati, Kamuya, mukabone nkwaabede, kuti ntume akumujata, Nkabela wakaambilwa kuti, Ku-Dotani nkwabede. 14Mpawo wakatuma nkuko mabbiza ankalaki ampi impati, nkabela bakeza masiku akuzyunguluka munzi.
Baangelo ba-Leza mbubakali kubamba Elisha
15 #
Kul 24:13
Lino sikukutaukila muntu wa-Leza, naakabuka cifumofumo akuya anze, wakajana kuti kakuli impi amabbiza ankalaki zizyungulukide munzi. Elyo oyo mulanda wakamwaambila kuti, Maawe, simalelo wangu! Tucite buti? 16#2 Sam 22:3,31; 2 Mak 32:7; Int 3:3-8; 18:2; 91:2; Tus 18:10; 21:31; Is 43:1; Rom 8:31Wakavuwa kuti, Utayoowi pe, nkaambo abo mbetuli abo mbanji kwiinda mbabo. 17#2 Bam 2:11; Int 34:7; 68:17; Zek 1:8; 6:1-7; Heb 1:14Mpawo Elisha wakakomba kuti, O Jehova, kovumbulula meso aakwe, kuti abone. Nkabela Jehova wakavumbulula meso aamulanda, elyo wakabona kuti cilundu cakalizwiide mabbiza ankalaki zyamulilo zizyungulukide Elisha,
Ba-Aramu mbubakoofwaazigwa
18 #
Matl 19:11; Job 5:14; Inc 13:9 Lino nibakeza kulinguwe, Elisha wakakomba kuli-Jehova, wati, Umya bantu aba boofu, Nkabela wakabaumya boofu, mbubonya mbuli Elisha mbwaakakumbila. 19Mpawo Elisha wakabaambila kuti, Enjo eyi inzila, engo oyu munzi pe. Amutobele ndime, nkamutole kumuntu ngumuyandaula. Aboobo wakabasisya ku-Samariya. 20Basike buyo ku-Samariya, Elisha wakati, O Jehova, vumbulula meso aabantu aba, kuti babone. Lino Jehova wakavumbulula meso aabo, aboobo nibakabona bakajana kuti tuli mukati ka-Samariya. 21#2 Bam 2:12; 8:9Mpawo mwami wa-Israyeli naakabona, wakabuzya Elisha kuti, Sa mbajaye, taata? 22#Tus 25:21; Rom 12:20Wakati, Utabajayi pe. Sa ulayanda kujaya bantu mbowaniizya mubuzike kunguzu zyapanga lyako azyabuta bwako? Kobabambila insima amaanzi, kuti balye akunywa akwiinka kumwami wabo. 23#2 Bam 5:2; 24:2Mpawo wakababambila ipobwe ipati, nkabela nibakamana kulya akunywa, wakabapilusya kumwami wabo. Lino impi zyaba-Aramu teezyakaboola limbi kuzoosaala mucisi ca-Israyeli,
Samariya mbuwakasinkinizigwa akufwa inzala
24Pele nicakaba ciindi, Beni-hadadi mwami wa-Aramu wakayobolola basilumamba bakwe boonse, waakusinkinizya Samariya. 25#Lev 26:26Aboobo kwakaba inzala impati mu-Samariya nkaambo kakusinkinizigwa, mane mutwe wambongolo wakaulwa mali aansiliva aali makumi aali musanu aatatu, acipanzi cane caceelelo cabufumba bwanziba caka ulwa mali aansiliva osanwe. 26Lino mwami wa-Israyeli naakali kwiinda kumbali abulambo, umwi mwanakazi wakamulilila, wati, Undigwasye, O mwami simalelo wangu. 27Wakavuwa kuti, Na Jehova takugwasyi, mebo ndakugwasya buti? Nkakugwasye kucipolelo nanka kucisinino cawaini? 28#Bab 18:23; Is 22:1Nkabela mwami wakamubuzya kuti, Waba anzi? Wakavuwa kuti, Oyu mwanakazi wakandaambila kuti, Leta mwanaako, tumulye sunu, lino mwanaangu tuyoomulya junza. 29#Lev 26:29; Dt 28:53,57Aboobo twakajika mwanaangu, twamulya. Lino nibwakaca, ndakamwaambila kuti, Leta mwanaako ayebo, tumulye. Pele wakasisa mwana wakwe. 30#Matl 37:29,34; 1 Bam 21:27; 2 Bam 5:7; 18:37Mpawo mwami, naakamvwa majwi aamwanakazi, wakazapaula zyakusama zyakwe. (Wakali kwiinda kumbali abulambo, nkabela bantu bakabona kuti anyama yakwe ulisamide zisani zyamasaka.) 31#Rut 1:17; 2 Sam 3:9,35; 1 Bam 2:23; 19:2; Inc 23:14Lino wakati, Leza andicitile mbubonya na cakwiinda, na mutwe wa-Elisha mwana wa-Safati usyaale amakuko aakwe mane kusikila kumabbililo aazuba.
32 #
Int 118:6,9; Ezk 8:1; 20:1; Mal 3:16; Lk 13:32; 1 Bam 18:4 Lino Elisha wakalikede muŋanda yakwe, abapati bakalikede awe. Nkabela mwami katumide kale muntu, pele mutumwa natakaina kusika kulinguwe, Elisha wakaambila bapati kuti, Sa tamubwene oyu mwana wasikujaya mbwatuma kuti andikosole mutwe? Amubone! Mutumwa asika buyo, amujale mulyango, muusiminine. Sa ijwi lyamaulu aamwami wakwe talimvwigwi musule lyakwe na? 33#Job 21:15; Int 27:14; Tus 30:9; Is 8:17; Hab 2:3; Mal 3:14; Ciy 16:9Elyo naakacili kwaambaula abo, mutumwa wakamusikila, wati, Aya mapenzi azwa kuli-Jehova, Sa ndakonzya kunoocilindila Jehova?
Currently Selected:
2 Bami 6: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
